tirano – Post News Cambodia

ក្រុមហ៊ុន អាយ អ៊ី បាយ ទទួលបានកិច្ចសហការជាមួយវិទ្យាស្ថានពហុបច្ចេកទេសព្រះកុសុមៈ

tirano — Thu, 29 Dec 2022 07:02:51 +0000

ក្រុមហ៊ុន អាយ អ៊ី បាយ ដោយទទួលបានកិច្ចសហការជាមួយវិទ្យាស្ថានពហុបច្ចេកទេសព្រះកុសុមៈ បានរៀបចំសិក្ខាសាលាស្តីពី «ពាណិជ្ជកម្មអេឡិចត្រូនិក និងបណ្ដាញសង្គម» ក្នុងគោលបំណង ដើម្បីចែករំលែកនូវបទពិសោធន៍ និងចំណេះដឹងថ្មីៗ ស្តីពីការធ្វើពាណិជ្ជកម្មអេឡិចត្រូនិក និងបណ្ដាញសង្គម ស្របតាមបដិវត្តន៍ឧស្សាហកម្ម ៤.0 (Industry 4.0) ជូនដល់សិស្ស និស្សិត និងបុគ្គលិក ដើម្បីស្វែងយល់អំពីចំណេះដឹងបច្ចេកវិទ្យា ក្នុងការអភិវឌ្ឍជំនាញផ្ទាល់ខ្លួន លើការសិក្សា ការងារ និងអាជីវកម្ម ។ សិក្ខាសាលានេះ ធ្វើឡើងនៅព្រឹកថ្ងៃទី២៨ ខែធ្នូ ឆ្នាំ២០២២ ក្រោមវត្តមានលោក ចាន់ ជឿន នាយករង វិទ្យាស្ថានពហុបច្ចេកទេសព្រះកុសុមៈ និងលោក ឯម ឬទ្ធី អគ្គនាយក នៃក្រុមហ៊ុន អាយ ម៉ី បាយ អេប ដោយមានការចូលរួមពីសិស្ស និស្សិតជាច្រើនរូបទៀត ។

លោក ឯម ឬទ្ធី បានលើកឡើងថា ក្រុមហ៊ុន អាយ អ៊ី បាយ គឺជាមជ្ឍមណ្ឌលពាណិជ្ជកម្ម និងកម្សាន្ត ឌីជីថល ត្រូវបានបង្កើតឡើងឆ្នាំ២០១៨ នឹងចុះបញ្ជីបើកក្រុមហ៊ុនជាផ្លូវការនៅថ្ងៃទី15 មេសា ឆ្នាំ២០២០ ដោយស្នាដៃកូនខ្មែរសុទ្ធសាធ និងដាក់ឱ្យប្រើប្រាស់សាកល្បងនៅប្រព័ន្ធប្រតិបត្តិការទូរស័ព្ទដៃស្មាតហ្វូន នៅខែតុលា ឆ្នាំ២០២១ ហើយបច្ចុប្បន្ន ក្រុមហ៊ុននេះ កំពុងតែអភិវឌ្ឍន៍បន្ថែមនូវមុខងារសំខាន់ៗជាច្រើនទៀតនៅកម្មវិធីអេបតែមួយ។

លោកបន្តថា ក្នុងបំណងដើម្បីជួយដល់ម្ចាស់អាជីវកម្មគ្រប់រូប អាចបង្កើតហាងឌីជីថល ដើម្បីដាក់លក់ទំនិញ ឬសេវាកម្មរបស់ខ្លួនបានគ្រប់ទីកន្លែង គ្រប់ពេល ដោយមិនចាំបាត់មានជំនាញ IT នឹងចំណាយទាប មានប្រសិទ្ធភាពខ្ពស់ ដោយគ្មានហានីភ័យ មានភាពងាយស្រួលលើការគ្រប់គ្រងអាជីវកម្មរបស់ខ្លួន និងធ្វើឲ្យប្រាកដថា ការទិញលក់ទំនិញតាម អាយ អ៊ី បាយ អេប ធានាបាននូវគុណភាព សុវត្ថិភាព និងទំនុកចិត្តបំផុត ក៏ដូចជាអនុញ្ញាតិឲ្យមនុស្សជុំវិញពិភពលោក អាចទំនាក់ទំនង និងលេងកម្សាន្ត ជាមួយគ្នាបានយ៉ាងងាយស្រួល ទៅលើប្រព័ន្ធតែមួយ បង្កើនប្រាក់ចំណូលថែមទៀត និងចូលរួមចំណែកអភិវឌ្ឍសេដ្ឋកិច្ចជាតិ និងពិភពលោក ឱ្យមានភាពរីកចម្រើនតាមរយៈការអភិវឌ្ឍគោល នយោបាយ សេដ្ឋកិច្ចឌីជីថល នាពេលបច្ចុប្បន្ន និងអនាគត ។

លោក ចាន់ ជឿន បានមានប្រសាសន៍ថា អង្គសិក្ខាសាលានេះ ពិតជាមានសារៈសំខាន់ ស្របតាមពេលវេលា នៃកាលៈទេសៈដែលយើងត្រូវការចាំបាច់បំផុត នូវសម័យបច្ចេកវិទ្យាឧស្សាហកម្មជំនាន់ 4.0 ដោយមានការរួមបញ្ចូលគ្នា នូវការធ្វើការ ឬក៏ការធ្វើអាជីវកម្មផ្សេងៗ ដែលយើងកំពុងតែប្រើនូវបច្ចេកវិទ្យា 4.0 ហើយអង្គសិក្ខាស្រលានេះ ធ្វើឡើងដើម្បីជួយដល់សិស្ស និស្សិត ឬក៏បណ្ដាបុគ្គលិកនៅវិទ្យាស្ថានពហុបច្ចេកទេសព្រះកុសុមៈ ជួយបង្កើនជំនាញផ្ទាល់ខ្លួន ឬក៏ការស្រាវជ្រាវឱ្យបានសមស្របតាមសម័យកាល នៃបច្ចេកវិទ្យាសព្វថ្ងៃ ។

និស្សិតវិទ្យាស្ថានពហុបច្ចេកទេសព្រះកុសុមៈ ឈើយ សូនីតា សំដែងក្ដីរីករាយដែលបានចូលរួមក្នុងសិក្ខាសាលានេះដោយបានជួបនូវវាគ្មិនជាច្រើន បានផ្ដល់បទពិសោធន៍ពាក់ព័ន្ធទៅនឹងការធ្វើអាជីវកម្មទៅលើប្រព័ន្ធអេឡិចត្រូនិចហើយក៏មានការណែនាំឱ្យមានការជួយគាំទ្រទៅលើផលិតផលខ្មែរផងដែរ។ និស្សិតរូបនេះ ក៏បានសំដែងនូវចំណាប់អារម្មណ៍ចំពោះស្នាដៃកូនខ្មែរ ដែលបានបង្កើតឡើងនូវ អេប អាយ អ៊ី បាយ ដែលជាការលើកស្ទួយផលិតផលខ្មែរនៅក្នុងបណ្ដាញសង្គម ដែលរួមមានជាមួយនឹងការកម្សាន្ត ការទំនាក់ទំនងគ្នានៅលើប្រព័ន្ធ Social Media តែមួយផងដែរ។

លោក សិន សុលីណា ព្រឹទ្ធបុរសមហាវិទ្យាល័យបច្ចេកវិទ្យាព័ត៌មាន នៃវិទ្យាស្ថានពហុបច្ចេកទេសព្រះកុសុមៈ បានបង្ហាញអារម្មណ៍ភ្ញាក់ផ្អើលដែលឃើញថា បច្ចុប្បន្ន កូនខ្មែរយើងបានបង្កើតនូវអេបមួយ ដែលមានសារៈសំខាន់ប្រហាក់ប្រហើរទៅនឹង អេប របស់បរទេស ក្នុងការផ្សព្វផ្សាយទាក់ទងទៅនឹង Social Media ក៏ដូចជាការលក់ទំនិញ និងការទំនាក់ទំនងគ្នាទៅវិញទៅមក តាមរយៈអនឡាញ ។

លោកបានបន្តថា អេបនេះ មានអត្ថប្រយោជន៍ខ្លាំង ដែលបច្ចុប្បន្ននេះ ប្រជាជនខ្មែរយើងភាគច្រើន ត្រូវការទិញទំនិញ តែងតែប្រើប្រាស់ អេបរបស់បរទេស អញ្ចឹងដោយសារសិក្ខាសាលានេះ គឺជួយផ្សព្វផ្សាយឱ្យប្រជាជនខ្មែរយើង ក៏ដូចជាកូនខ្មែរយើង បានដឹងអំពីស្នាដៃខ្មែរ ដែលបានបង្កើតអេប ដូចទៅនឹង អេប របស់បរទេស ដែលលោក នឹងជួយគាំទ្រពេញទំហឹង ចំពោះការបង្កើតអេបនេះ ។

សូមបញ្ជាក់ថា អេប អាយ អ៊ី បាយ គឺជាសមិទ្ធផលថ្មីមួយលើវិស័យបច្ចេកវិទ្យាដែលកូនខ្មែរបានធ្វើឡើង ហើយនេះក៏ជាមោទនៈភាពជាតិខ្មែរមួយ ដែលកន្លងមក យើងធ្លាប់តែប្រើប្រាស់របស់បរទេស តែពេលនេះ កូនខ្មែរយើងអាចបង្កើតបាន ដូច្នេះយើងគួរតែនាំគ្នាមកជួយគាំទ្រ និងលើកស្ទួយទាំងអស់គ្នា ៕

ឃើញ ហង្ស ម៉ានីតា ហោះទៅអាមេរិក អតីតបវរកញ្ញាថៃ អាមីនដា បង្ហោះពាក្យយ៉ាងនេះ

tirano — Tue, 27 Dec 2022 04:10:55 +0000

កាលពីយប់មិញនេះ Amanda Miss Universe Thailand 2020ដែលជាមិត្ដចាស់ប្រកួតក្នុងជំនាន់ជាមួយគ្នាបានធ្វេីការAdd Story ជូនពរកញ្ញា Manita Hang _ហង្សម៉ានីតា Miss Universe Cambodia 2022 ថែមទៀតផង ។នេះបានហៅថាមិត្ដចាស់របស់គេមែន ទោះបីជាធ្លាប់ប្រកួតជាមួយគ្នាយូរយ៉ាងណាក៏នៅតែនឹកឃេីញគ្នាដែរ។អ្វីដែលគេសង្ឃឹមគឺជឿមុតមាំថា ហង្ស ម៉ានីតា នឹងក្តាប់តំណែងពិសេសណាមួយ អោយបានលេចធ្លោក្រោយហ្វឹកហាត់ពីគ្រូជំនាញៗ។

ម៉ានីតា បានហោះទៅអាមេរិកហើយកាលពីព្រឹកថ្ងៃទី២៦ ធ្នូ ឆ្នាំ២០២២ ដោយមានការទទួលស្វាគមន៍ពីហ្វេនៗច្រើនលើសលុប កកកុញមុខព្រលាន។ អ្វីដែលគេមើលឃើញនាង ហាក់មានការឆក់អារម្មណ៍ខ្លាំងពីមហាជន ព្រោះនាងត្រូវបានចាត់ទុកថា ជាបវរកញ្ញា មានទេពកោសល្យ និងសមត្ថភាពល្អហើយអាចជាប់តំណែងណាមួយ មួយជើងនេះ។

ឆ្នាំនេះកូនពៅ មានបងៗទាំង 4ជំនាន់នៃ Miss Universe Cambodia ចាំទៅជួយផ្ដល់កម្លាំងចិត្ដដល់USAសង្ឃឹមថាហង្សម៉ានីតា នឹងបំបែកប្រវត្តិសាស្រ្តជាលេីកដំបូងជូនកម្ពុជាជាលេីឆាកMiss Universe 2022 ។នាងទទួលបានការហ្វឹកហាត់ខ្លាំងណាស់ពីគ្រូជំនាញៗ រាប់តាំងពីប្រទេសហ្វីលីពីន ឥណ្ឌា និងការជួយលើកទឹកចិត្តខ្លាំងពីថៅកែហាងពេជ្រ លោក ចិន សំណាងក៍ដុតដៃជើងខ្លាំងណាស់ដែរ ព្រោះជឿជាក់នាង និងសមត្ថភាពរបស់តួឯកនេះផងដែរ។

ហង្ស ម៉ានីតា ជាម្ចាស់មកុដជ័យលាភីMiss Universe Cambodia 2022 ឆ្នាំ២០២២ ។បេក្ខភាពរូបនេះសាកសមខ្លាំងក្នុងការគ្រងតំណែងដ៍អស្ចារ្យនេះព្រោះនាងមានរូបសម្រស់ស្រស់ស្អាត ចំណេះដឹងក៍ខ្ពស់ ហើយអាចនិយាយភាសារបារាំង និងអង់គ្លេសបានយ៉ាងស្ទាត់តែម្ដង ហេតុនេះហើយការចេញទៅប្រកួតនៅអាមេរិកនាពាក់កណ្ដាលខែមករាឆ្នាំ២០២៣ ខាងមុខនេះមហាជនជឿរជាក់ថានាងនឹងធ្វើឲ្យពិភពលោក ភ្ញាក់ផ្អើល។បងៗទាំង៤ ដែល មាន រឿន ណាត សំណាង អេលីណា រ៉េតត សារីតា ងិន ម៉ារ៉ាឌី បានចូលរួមពិតជាជម្រុញអោយរៀមប្អូនមានកម្លាំងចិត្តដើម្បីយកភាពលេចធ្លោជូនមាតុភូមិ។

រឿង«លួចសេ្នហ៍គូដណ្ដឹង» ផ្ទុះកាគាំទ្រខ្លាំងទស្សនិកជន

tirano — Mon, 26 Dec 2022 23:37:40 +0000

កម្មវិធីជំនួប តារាក្នុងភាពយន្តភាគថ្មី របស់ភិអិនអិន រឿង «លួចស្នេហ៍គូដណ្តឹង» កំពុងទទួលបានការគាំទ្រខ្លាំងពីទស្សនិកជនរវាង លោកខាត់ វៃហាំង និងកញ្ញាសុីន យូប៊ីន ព្រមទាំងតារាប្រុសស្រីល្បីៗជាច្រើនរូបផ្សេងទៀត ដែលបានធ្វើឡើងកាលពីល្ងាចថ្ងៃទី២៥ ធ្នូ ឆ្នាំ២០២២ នាផ្សារទំនើបជីបម៉ុង ២៧១ មេហ្គាម៉លរាជធានីភ្នំពេញ។

ក្នុងជំនួបនោះដែរហ្វេនៗជាច្រើន មានឱកាសបានជួបអាយដល ទាំង២ដួងរបស់ខ្លួន និងលេងហ្គេមសប្បាយៗដែលឈ្នះនូវកាដូពីភីអិនអិនដោយផ្ទាល់។កំពូលតារាទាំង២ដួង ក៏បានបង្ហាញការចាប់អារម្មណ៍ក្នុងការសម្តែងរឿង «លួចស្នេហ៍គូដណ្តឹង» ដោយភាពយន្តនេះទើបតែចាប់ផ្តើមចាក់បញ្ចាំងកាលពីខែ វិច្ឆិកា កន្លងទៅនេះដែលជាចំណងដៃ សម្រាប់ទស្សនិកជននាដំណាច់ឆ្នាំ២០២២។ កម្រិតនៃការគាំទ្រគឺមិនធម្មតា សម្រាប់ភាពយន្តភាគថ្មី របស់ភីអិនអិន ដែលទើបតែចាប់ផ្តើមចាក់បញ្ចាំងជិត១ខែ ប៉ុណ្ណោះ ដោយសារតែភាពយន្តនេះ មានភាពសម្បូរបែបទាំងភាពកំប្លុកកំប្លែង ស្នេហា មនោសញ្ចេតនា បង្ហាញពីតថភាពសង្គម ធម្មជាតិ ជនបទ និងសម្តែងដោយតារាល្បីៗពោរពេញដោយសមត្ថភាពជាច្រើនដួង។

ស្របពេលជាមួយគ្នានេះដែរ តារាភាពយន្ត លោកវៃហាំង បានលើកបង្ហាញពីកម្មវិធីថ្មីសន្លាង«សាកថ្មជីវិត» ដែលលោកបានសហការណ៍ជាមួយភីអិនអិន និងក្រសួងទេសចរណ៍។នេះជាកម្មវិធីបង្ហាញពីកន្លែង ទេសចរណ៍ធម្មជាតិ ប្រាសាទបុរាណ និងទីកន្លែងជាច្រើនទៀតនៅកម្ពុជាដែលទស្សនិកជន មិនទាន់ស្គាល់ឬស្គាល់រួចមកហើយ ដែលតារាប្រុសរូបនេះ ជាអ្នកផលិត និងជាអ្នកដឹកនាំកម្មវិធីព្រមទាំងជាមគ្គុទេសក៏ក្នុងកម្មវិធីនេះផងដែរ។ កម្មវិធីនេះបង្ហាញជូនដើមឆ្នាំក្រោយ២០២៣ខាងមុខ។

ម្ចាស់ពាន The voice kids Cambodia រដូវកាលទី3 បានទៅលើកូនក្រុម ហ្សូណូ

tirano — Mon, 26 Dec 2022 23:22:19 +0000

ការប្រកួតប្រជែងជាច្រើន សប្តាហ៍នៃការប្រឡងចម្រៀង កុមារលំដាប់ពិភពលោក បានចូលមកដល់វគ្គផ្តាច់ព្រត្រ័ហើយ នាយប់ថ្ងៃសៅរ៍ទី២៤ ធ្នូ ឆ្នាំ២០២២ ចុងឆ្នាំ។ ពន្លកកុមារ ដែលមានទឹកដមសំឡេងពិរោះ ចម្រាញ់ចេញយ៉ាងស្វិតស្វាញ៦រូបចុងក្រោយ ក្នុង៣ក្រុមផ្សេងៗគ្នា កើតចិត្តអន្ទៈអន្ទែង ចង់ចូលទៅលលើកពានរៀងៗខ្លួនក្រោយពេលឆ្លងកាត់ឧបសគ្គជាច្រើនវគ្គ។ហើយចុងក្រោយបានរកឃើញ ម្ចាស់ពានរដូវកាលទី៣ បានទៅលើកុមារា សារុំ បញ្ញាស័ក្ក មកពីក្រុងភ្នំពេញធ្វើបានល្អឈ្នះពាន ដោយអរឡើងរលីងរលោងទឹកភ្នែក។

អ្នកទាំង៦រូប ចែកចេញជា៣ ក្រុម មាន ក្រុមហ្សូណូ ឱក សុគន្ធកញ្ញា និង សុគន្ធ និសា សុទ្ធតែមានទឹកដមសំឡេងពិរោះល្អៗ ម្យ៉ាងម្នាក់មួយបែបៗ។ សារុំ បញ្ញាស័ក្កមានទឹកដម សំឡេងល្អបត់បែនបាន គ្រប់ស្ថានការនិងអាច ឆក់ចិត្តមិត្តអ្នកស្តាប់អោយចូលចិត្ត និងសរសើរមិនដាច់ពីមាត់។ បញ្ញាស័ក្ក មានសំឡេងខ្ពស់ល្អ ស្រែកបានខ្លាំង។ ការទទួលបានពាននេះមហាជន សុទ្ធតែពេញចិត្ត និងភាគច្រើនសរសើរថាសាកសមទទួលបាន មិនទើសចិត្តនោះទេ។នេះជាមោទនភាពមួយរបស់ លោក ហ្សូណូ ដែលទើបតែទទួលការងារជាគ្រូបង្វឹកជាលើកដំបូង អាចធ្វើអោយសមាជិកក្រុមឈ្នះពានពិតជាមិនធម្មតានិងសំណាងមួយ។

ទាំងគ្រូបង្វឹកទាំង៣ បានធ្លាបប្រាប់ទស្សនិកជនអោយដឹងថា ចូរបោះឆ្នោតអោយបេក្ខភាពរូបណា ដែលមានទុនសំឡេងពិតហើយចេះបត់បែន ស្ថានការ។ កម្មវិធីផ្តោតសំខាន់លើទឹកដមសំឡេងជាគោល មិនមែនសំដៅលើផ្នែកអាណិតបេក្ខភាពណាមួយឡើយ។ ម្ចាស់ពាន រូបនេះ និងក្លាយជាតារារបស់ផលិតកម្មរស្មីហង្សមាស និងថែមទាំងទទួលបានរថយន្តសេរីថ្មី២០២៣១គ្រឿង អមដោយទឹកប្រាក់ជាច្រើន និងដំណើរកម្សាន្តទៅកាន់ប្រទេសជប៉ុន។

សិល្បករជាច្រើន ចូលរួមចែកអំណោយនៅមណ្ឌលគីរី

tirano — Sun, 25 Dec 2022 09:04:50 +0000

កាលពីព្រឹកថ្ងៃទី២៥ ធ្នូ ឆ្នាំ២០២២ តារាសិល្បៈជាច្រើន បានរួមគ្នាជាមួយក្រុមហ៊ុន Pich Land ចែកអំណោយជាទ្រង់ទ្រាយធំដល់ប្រជាសហគមន៍ និង ជនជាតិភាគតិច នៅលើទឹកដីខេត្តមណ្ឌលគីរី។ សកម្មភាពចែកស្បៀង ថវិកា និង អាវរងារជូនដល់ពលរដ្ឋជាច្រើនគ្រួសារនេះ ត្រូវបានធ្វើឡើងនៅលើគម្រោងរីស៊តត្រពាំងស្នេហ៍ដាក់ដាំ ដែលជាគម្រោងអភិវឌ្ឍន៍ជាផ្ទះលម្ហែកាយ ដ៏ធំប្រចាំខេត្ត។ សកម្មភាពចែកអំណោយនេះ ត្រូវបានដឹកនាំដោយលោក ម៉ី រតនៈ ម្ចាស់ក្រុមហ៊ុន Pich Land និងជាម្ចាស់គម្រោងត្រពាំងស្នេហ៍ដាក់ដាំ នៅមណ្ឌលគីរី និងមានការចូលរួមដោយសប្បុរសជនមួយចំនួន ដូចជាក្រុមហ៊ុន U-Well ក្រុមស្នាមញញឹម ក្រុមហ៊ុនអង្ករឆាយ វិរៈយុទ្ធ និង តារាសិល្បៈជាច្រើននាក់។ តារាៗដែលបានចូលរួម សុទ្ធតែបានបង្ហាញរីករាយ ហើយក្រៅពីចែករំលែកក្ដីស្រីលាញ់ទាំងនេះ ក្រុមតារាក៏បានច្រៀងរាំ ធ្វើអោយគម្រោងPich Land ផ្ទុះការគាំទ្រ។

អ្នកទស្សន៍ទាយ ពិបាកដឹងថាកូនក្រុមឆ្នើម ខូចណាជាម្ចាស់ពានរដូវកាលទី៣ The voice kids Cambodia ចប់យប់នេះ

tirano — Sat, 24 Dec 2022 01:28:16 +0000

ការប្រកួតប្រជែងជាច្រើន សប្តាហ៍នៃការប្រឡងចម្រៀង កុមារលំដាប់ពិភពលោក បានចូលមកដល់វគ្គផ្តាច់ព្រត្រ័ហើយ នាយប់ថ្ងៃសៅរ៍ទី២៤ ធ្នូ ឆ្នាំ២០២២ ចុងឆ្នាំ។ ពន្លកកុមារ ដែលមានទឹកដមសំឡេងពិរោះ ចម្រាញ់ចេញយ៉ាងស្វិតស្វាញ៦រូបចុងក្រោយ ក្នុង៣ក្រុមផ្សេងៗគ្នា កំពុងកើតចិត្តអន្ទៈអន្ទែង ចង់ចូលទៅលលើកពានរៀងៗខ្លួនក្រោយពេលឆ្លងកាត់ឧបសគ្គជាច្រើនវគ្គ។

ជាការមើលឃើញ អ្នកទាំង៦រូប ចែកចេញជា៣ ក្រុម មាន ក្រុមហ្សូណូ ឱក សុគន្ឋកញ្ញា និង សុគន្ឋ និសា សុទ្ឋតែមានទឹកដមសំឡេងពិរោះល្អៗ ម្យ៉ាងម្នាក់មួយបែបៗ។ មានអ្នកតាមដានខ្លះពិបាកស្មានដឹងថា ក្នុងចំណោមជើងខ្លាំងទាំង៦រូបនោះ តើអ្នកណាយកឈ្នះសំឡេងផ្ញើសារបានច្រើនជាងគេបានក្លាយជាម្ចាស់ពានរដូវកាលទី៣។ ខ្លះថា ក្រុមហ្សូណូក៍ល្អ កញ្ញាកូនក្រុមក៍មិនអន់ ឯក្រុមតារាចម្រៀងស្រគត់ស្រគំនិសាក៍មិនអាចនិយាយថាអន់បាន។ គេកំពុងតែធ្វើការតាមដានថា តើវិនាទីចុងក្រោយនាយប់ជ្រៅនេះ កុមារកម្ពុជារូបណាក្លាយជាអាយឌល របស់មហាជន ហើយក្លាយជាតារាកុងត្រាថ្មីរបស់ហង្សមាស និងទទួលបានរង្វាន់ច្រើនលើសលុបពីកម្មវិធី។

ទាំងគ្រូបង្វឹកទាំង៣ បានធ្លាបប្រាប់ទស្សនិកជនអោយដឹងថា ចូរបោះឆ្នោតអោយបេក្ខភាពរូបណា ដែលមានទុនសំឡេងពិតហើយចេះបត់បែន ស្ថានការ។ កម្មវិធីផ្តោតសំខាន់លើទឹកដមសំឡេងជាគោល មិនមែនសំដៅលើផ្នែកអាណិតបេក្ខភាពណាមួយឡើយ។

តារាល្បីឈ្មោះ4រូប ត្រូវបាន ក្រុមហ៊ុន HK7 ប្រកាសតែងតាំងធ្វើជា BA យ៉ាងអធិកអធម

tirano — Sat, 24 Dec 2022 00:04:01 +0000

មហាព្រឹត្តិការណ៍ដ៏ធំប្រចាំឆ្នាំរបស់ក្រុមហ៊ុន HK7 Beautycare បានធ្វើឱ្យរញ្ជួយពេញស្រុកខ្មែរដោយក្រុមហ៊ុនគ្រឿងសម្អាងម៉ាកល្បី និង ត្រូវបានគេដឹងថាមានអគ្គនាយិកាស្រស់សោភា ឆ្លាតវៃ លោកស្រី អ៉ឹម សុគន្ធា បានរៀបចំពិធី ជប់លៀងបំណាច់ឆ្នាំ និងចុះ MOU រវៀងកំពូលតារាសម្ដែងអ្នកនាង Pancake នៃរាជាណាចក្រថៃ ព្រមទាំងតែងតាំងBA 3រូបផ្សេងទៀតប្រចាំប្រទេសកម្ពុជាក្រោមវត្តមានដ៏ខ្ពង់ខ្ពស់របស់ ព្រះនាងតូច នរោត្តម ជេនណា ជាទូតសុឆ្ឆនៈកិត្តិយសប្រចាំឱ្យផលិតផលប្រចាំក្រុមហ៊ុន HK7, វត្តមានកំពូលតារាសម្ដែងឆ្នើមអ្នកនាង លី ម៉ារីណា និង តារាសម្ដែងស្រីស្អាត ហ្វាហ្វា ក្នុងកិច្ចកុងត្រាបន្តថ្មីឆ្នាំ2023បន្តទៅមុខនេះ។

កាលពីថ្ងៃទី 23 ខែធ្នូ ឆ្នាំ 2022 មុននេះក្រុមហ៊ុន HK7 Co.,Ltd បានប្រារព្វពិធី ជប់លៀងបំណាច់ឆ្នាំ និង ចុះMOU រវៀងក្រុមហ៊ុន ជាមួយតារាខ្មែរ-ថៃ។ ក្នុងនោះកំពូលតារាថៃអ្នកនាង Pancake ត្រូវបានគេដឹងរួចមកហើយថាអ្នកនាងត្រូវបានក្លាយជា BA ពេញសិទ្ធិរបស់ក្រុមហ៊ុន HK7 តំណាងឱ្យផលិតផល Crystal Collagen ដែលកំពុងមានឈ្មោះបោះសម្លេងមិនថាក្នុងស្រុក និងក្រៅស្រុក ហើយក៏ផ្ទុះការគាំទ្រខ្លាំងមិនធម្មតាថ្វីបើផលិតផលថ្មីនេះទើបតែចេញចរាចរណ៍មិនទាន់បានមួយឆ្នាំនៅឡើយ។

ចំពោះព្រះនាងតូច នរោត្តម ជេនណា ក៏បានក្លាយជាទូតសុឆ្ឆនៈកិត្តិយសប្រចាំឱ្យផលិតផលថែរក្សាសម្រស់ពោលគឺគ្រីមកាពារកម្ដៅថ្ងៃសាកសមបំផុតសម្រាប់គ្រប់វ័យរបស់ក្រុមហ៊ុន HK7 ដែលព្រះនាងផ្ទាល់ក៏បានប្រើប្រាស់ និងទទួលបានលទ្ធផលជាទីគាប់ព្រះទ័យផងដែរ។

ដោយឡែកតារាជើងចាស់អ្នកនាង លី ម៉ារីណា ក៏បានជាប់ចិត្តប្រើប្រាស់ជាមួយនឹងផលិតផលថែរក្សាសម្រស់របស់ក្រុមហ៊ុន HK7 ដូចគ្នា ហើយរូបអ្នកនាងទៀតសោតក៏យ្រូវបានក្រុមហ៊ុនបន្តផ្ដល់សិទ្ធិជាទូតសុឆ្ឆនៈតំណាងឱ្យផលិតផលនៅក្នុងក្រុមហ៊ុន យោងតាមរូបសម្រស់ដ៏ស្រស់ប្រិមប្រិយ សាច់ចាំមិនងាយចាស់របស់អ្នកនាងស្ទើរតែក្មេង18ឆ្នាំសុំចាញ់។ ក្រឡេកមកមើលតារាសម្ដែងសាច់សខ្ចី ហ្វាហ្វា ក៏ត្រូវបានអគ្គនាយិការក្រុមហ៊ុនHK7 តែងតាំងឱ្យក្លាយជាBA ប្រចាំឱ្យផលិតផលកាហ្វេរសម្រករាង សាកសមជាមួយនឹងរូបរាងដ៏ស្រឡូន និង ភ័យកំពុងពេញថែរក្សាសម្រស់របស់កញ្ញា ក៏ដូចជាការថែរក្សារាង្គឱ្យមើលទៅសមសួនតាមអាយុផងដែរ។

ទាំងនេះគឺជារឿងមួយដ៏គួរឱ្យសរសើរចំពោះអ្នកស្រី អ៉ឹម សុគន្ធា នៅក្នុងការធ្វើទីផ្សារមិនថាការប្រម៉ូតផលិតផលអ្នកស្រីតែងតែផ្ដល់អតិភាពដល់តារាសិល្បៈក្នុងស្រុកក្មេងចាស់ដើម្បីគាំទ្រ និង លើកស្ទួយវិស័យសិល្បៈ រហូតឈានដល់ការចុះ MOU ជាមួយនឹងតារាថៃ ដើម្បីឱ្ផលផិតផលក្រុមហ៊ុនលោកស្រីកាន់តែមានទីផ្រទាំងក្នុង និង ក្រៅស្រុក ហើយបានផ្ដល់នូវទំនុកចិត្តខ្ពស់ជូនដល់អតិថិជនផងដែរ។

នៅក្នុងមហាព្រឹត្តិការណ៍ដ៏ធំសម្បើមមិនធ្លាប់មានពីមុនមករបស់ក្រុមហ៊ុន HK7នេះ គេក៏ឃើញវត្តមានតារាសិល្បៈចាស់ថ្មីល្បីៗ រួមទាំងអ្នកជំនួញជួរមុខ និង បុគ្គលអ្នកមានមុខមានមាត់ល្នីៗក្នុងវិស័យអនឡាញជាច្រើនអញ្ជើញជាភ្ញៀវកិត្តិយសញ៉ំាងឱ្យកម្មវិធីទាំងមូលកាន់តែមានភាពគក្រឹកគក្រេងគួរឱ្យកត់សម្គាល់។

លើកទី១ អតីតបវរកញ្ញាចក្រវាឡ កម្ពុជា៤រូបបានវិសារទៅអាមេរិក ជាមួយសិស្សប្អូន ហង្ស ម៉ានីតា

tirano — Fri, 23 Dec 2022 19:04:22 +0000

ឆាបៗនេះម្ចាស់មកុដចក្រវាឡ២០២២កម្ពុជា ហង្ស ម៉ានីតា នឹងឡើងទៅអាមេរិកប្រកួតព្រឹត្តិការណ៍បវរកញ្ញាចក្រវាឡពិភពលោកលើកទី៧២។ ប្លែកទៀតនោះ អតីតបវរកញ្ញាកម្ពុជាយើង៤រូប ត្រូវបានផ្តល់សិទ្ឋិអោយហោះទៅអមដំណើរជាមួយដែរ ដើម្បីបានចូលរួមកម្មវិធី និងបានឱកាសផ្តល់កម្លាំងចិត្តអោយសិស្សប្អូនហង្ស ម៉ានីតា បន្តយកឈ្នះសាងភាពលេចធ្លោ។

ឆ្នាំនេះកូនពៅ មានបងៗទាំង 4ជំនាន់នៃ Miss Universe Cambodia ចាំទៅជួយផ្ដល់កម្លាំងចិត្ដដល់USAសង្ឃឹមថាហង្សម៉ានីតា នឹងបំបែកប្រវត្តិសាស្រ្តជាលេីកដំបូងជូនកម្ពុជាជាលេីឆាកMiss Universe 2022 ។នាងទទួលបានការហ្វឹកហាត់ខ្លាំងណាស់ពីគ្រូជំនាញៗ រាប់តាំងពីប្រទេសហ្វីលីពីន ឥណ្ឌា និងការជួយលើកទឹកចិត្តខ្លាំងពីថៅកែហាងពេជ្រ លោក ចិន សំណាងក៍ដុតដៃជើងខ្លាំងណាស់ដែរ ព្រោះជឿជាក់នាង និងសមត្ថភាពរបស់តួឯកនេះផងដែរ។

ហង្ស ម៉ានីតា ជាម្ចាស់មកុដជ័យលាភីMiss Universe Cambodia 2022 ឆ្នាំ២០២២ ។បេក្ខភាពរូបនេះសាកសមខ្លាំងក្នុងការគ្រងតំណែងដ៍អស្ចារ្យនេះព្រោះនាងមានរូបសម្រស់ស្រស់ស្អាត ចំណេះដឹងក៍ខ្ពស់ ហើយអាចនិយាយភាសារបារាំង និងអង់គ្លេសបានយ៉ាងស្ទាត់តែម្ដង ហេតុនេះហើយការចេញទៅប្រកួតនៅអាមេរិកនាពាក់កណ្ដាលខែមករាឆ្នាំ២០២៣ ខាងមុខនេះមហាជនជឿរជាក់ថានាងនឹងធ្វើឲ្យពិភពលោក ភ្ញាក់ផ្អើល។បងៗទាំង៤ ដែល មាន រឿន ណាត សំណាង អេលីណា រ៉េតត សារីតា ងិន ម៉ារ៉ាឌី បានចូលរួមពិតជាជម្រុញអោយរៀមប្អូនមានកម្លាំងចិត្តដើម្បីយកភាពលេចធ្លោជូនមាតុភូមិ។

សម្រាលកូនប្រុសរួច ចាន់ កែវនិមល ពោលពាក្យបែបនេះ

tirano — Fri, 23 Dec 2022 18:53:15 +0000

នៅទីបំផុត អ្នកនាង ចាន់ កែវនិមល និងស្វាមី ព្រមទាំងកូនស្រីធំ បានឃើញមុខមាត់កូនប្រុសពៅ ជាផ្លូវការហើយ បន្ទាប់ពីរង់ចាំអស់ជាង៩ខែ។ អ្នកនាង បានសម្រាលកូននៅថ្ងៃទី២០ ធ្នូ ឆ្នាំ២០២២ វេលាចុងឆ្នាំហើយក៍ជា ពេលវេលាល្អ ក្នុងរដូវកាលដាច់ឆ្នាំដែល បានសមាជិកថ្មីមករស់នៅ បង្កើនសេចក្តីសុខគ្រួសារបន្ថែម។

គេចាំថា ពពោះ ប្រុសពៅច្រើនខែមែន តែអ្នកនាង និមល នៅតែតស៊ូ ទៅបំពេញការងារ ជាអ្នកនិយាយតាមកម្មវិធី នានា នៅមង្គលការ តាមក្រុមហ៊ុន និងនៅតាម ឆាកតន្ត្រីហង្សមាស។ បញ្ជាក់ថា ទីផ្សារការងារ របស់អ្នកនាងនៅតែពេញនិយមជួរមុខដដែល។ លេចធ្លោជាច្រើនឆ្នាំ ដោយសារតែអ្នកនាង មានទេពកោសល្យល្អ វាងវៃ ពេលដំណើរការកម្មវិធីនានា មិនពិបាកពន្យល់។ អំឡុងពេលពពោះ អ្នកនាងបានកម្លាំងចិត្តពីប្តី មើលថែថ្នមចិត្តជាប្រចាំ អោយសុខភាពល្អ និងនាំដើរកម្សាន្តតាមទីកន្លែងផ្សេងៗ មិនអោយខ្វល់ចិត្តអ្វីទាំងអស់។

ក្រោយពេលសម្រាលបានកូនប្រុស ដោយជោគជ័យ ចាន់ កែវនិមល បានបង្ហោះសារថា «កំណើតកូនប្រុសពោរពេញដោយសេចក្តីស្រឡាញ់»ឯបងប្អូនមិត្តភក្តិដែលបាន ដឹងរឿងល្អនេះ នាំគ្នាចូលរួមខមមិននិង ជូនពរគ្រប់គ្នាអោយមានសេចក្តីសុខ តទៅទៀត។

ពេជ្រ សោភា ដៃគូជាមួយ សក្កដា ដែលហ្វេនៗចាំអ៊ុតមង្គលការ

tirano — Wed, 21 Dec 2022 03:43:11 +0000

មកទល់ពេលនេះ ពេជ្រ សោភា កាន់តែទទួលបាននូវ ភាពផ្អែមល្ហែមស្នេហាច្រើនឡើង ជាមួយគូដណ្តឹង លោក ឆឹម សក្កដា ។ ពេលនេះនាង និងតួឯកភាពយន្តលោក សក្កដានៅតែ បន្តដំណើរស្នេហាតាមរយៈភាពស្និតស្នាលដាក់គ្នា។ ក្លាយជាគូដណ្តឹងដូចប្តីប្រពន្ឋ អ្នកតាមដាន នៅតែរំពឹងមើលថាពេលវេលារៀបការ ក្នុងពេលឆាប់ៗមិនអោយផុតក្នុងឆ្នាំ២០២៣ឡើយ នាំជូរផ្អូម។

អ្នកទាំង២ បានក្លាយទៅជាគូដណ្ដឹងរបស់លោកឆឹម សក្កដា រយៈពេលជាង១ខែ ទៅ ហើយ ក្រោយ អ្នក ទាំងពីរព្រមភ្ជាប់ពាក្យជាមួយគ្នាកាលពីថ្ងៃទី១១ ខែវិច្ឆិកា ឆ្នាំ០២២។ សោភាដែលធ្លាក់ខ្លួនមេម៉ាយជិត៦ឆ្នាំនោះនាងត្រូវបានលោកសក្កដា មិនប្រកាន់ជីវិតនាង ធ្លាប់ បែកបាក់ប្ដីនោះទេ ព្រោះបុរសរូបសង្ហាររូបនេះយល់ថា ”កកក៍ បាយមេម៉ាយក៍ស្រី”។ ចំណែកសោភាវិញនាងអត់ក្វល់ពីពាក្យចចាមអារ៉ាមដែលអ្នកនៅ ក្នុងរង្វង់សិល្បៈ មួយចំនួននាំគ្នាខ្សឹបខ្សៀវគ្នាថាលោកសក្កដា គ្មានអារម្មណ៍ស្នេហាស្រ្ដីភេទ ព្រោះ លោកមានមនុស្ស ប្រុសតាមស្រលាញ់ច្រើនជាងស្រ្ដីនោះឡើយ។តាមរយៈការតាំងចិត្តរបស់សោភា និងសក្កដា ចាប់ដៃគ្នានិងមិន ស្ដាប់មាត់ ចាបមាត់ព្រាបនោះ ធ្វើឲ្យគេកាន់តែមើលឃើញ ច្បាស់ថារឿងស្នេ ហា សំខាន់លើមនុស្ស២នាក់ហើយ បើគូស្នេហ៍ តារា១គូនេះនៅតែ ប្រកាន់ ជំហជឿរជាក់លើគ្នា ទៅវិញទៅមកដោយមិនត្រចៀកសស្ដាប់អ្នកឲ្យយោបល់នោះគេជឿរថាមង្គលការរបស់សោភា-សក្កដា នៅឆ្នាំ២០២៣ ខាងមុខនេះនឹងគ្មានឧបស័ក្កឡើយ។

ពេជ្រ សោភា តារាដែលជ្រើសស្នេហ៍ជាអ្នកសិល្បៈដូចគ្នាហើយ បានប្ដីក្មេង ជាង ខ្លួននោះមានដូចជា អ្នក នាង គង់ សុជាតិ,ខាត់ សុឃីម និងប៉ាច គីមមួយជាដើម។គេកត់ សម្គា ល់ ថាក្រោយសោភាជិតក្លាយទៅជាភរិយាស្របច្បាប់របស់លោកសក្កដានេះដែរ រយៈពេលចុងក្រោយនេះសោភា ច្រើនតែនាំអនាគតស្វាមីទៅរកលុយសិល្បៈរួមគ្នា ។