ព័ត៌មានសិល្បៈ – Post News Cambodia

យក់ ឋិតរដ្ឋា រំភើបដល់ថ្នាក់ហូរទឹកភ្នែកថ្ងៃប្រកាស់តែងតាំងជាBAប្រចាំគ្លីនិក Aroma

សំណព្វ — Fri, 27 Mar 2026 09:20:37 +0000

គ្មានអ្នកណាមិនស្គាល់ពីម៉ាកសញ្ញា Aroma នៅក្នុងវិស័យកែសម្ផស្ស និង គ្រឿងសម្អាងនាពេលចុងក្រោយនោះទេ ដូច្នេះហើយទើបមានការភ្ញាក់ផ្អើលយ៉ាងខ្លាំង ដែលម៉ាកសញ្ញាមួយនេះ ស្រាប់តែសម្រេចចិត្តតែងតាំងកំពូលតារាចម្រៀង អ្នកនាង យក់ ឋិតរដ្ឋា អោយក្លាយជា BA រហូតដល់ទៅពេញរយៈពេល៣ឆ្នាំ រាប់ចាប់តាំងពីថ្ងៃចុះហត្ថលេខានាព្រឹកថ្ងៃទី២៧ មីនា តទៅ ខណៈដែលប្រេនរបស់ម៉ាកសញ្ញានេះ គឺល្បីខ្លាំង និង អាចនិយាយបានថា តារារូបណាក៏ចង់ក្លាយជាអ្នកតំណាង។ អ្វីដែលសំខាន់គឺនៅក្មុងពិធីចុះហត្ថលេខានោះ មានការចូលរួមសុទ្ធតែតារាល្បីៗ ដែលសូម្បីតែ យក់ ឋិតរដ្ឋា ក៏រំភើបដល់ថ្នាក់ហូរទឹកភ្នែក។

លោក វាសនា ខេមរិន្ទ ស្ថាបនិកមជ្ឈមណ្ឌលថែរក្សាសម្ផស្សឌីអរអារ៉ូម៉ា (គ្លីនិក Aroma) និង ជាម្ចាស់ប្រេនគ្រឿងសម្អាង Aroma បានថ្លែងបញ្ជាក់ថា អ្នកនាង យក់ ឋិតរដ្ឋា គឺជា BA ប្រចាំម៉ាក់យីហោ Aroma តែម្ដង ដែលមានន័យថា អ្នកនាងជាតំណាងអ្នកផ្សព្វផ្សាយរបស់គ្លីនិកផង និង ជាអ្នកតំណាងផ្សព្វផ្សាយផ្ដាច់មុខរបស់គ្រឿងសម្អាង Aroma ទាំងគ្រប់ប្រភេទដែលបានផលិតឡើងផង។ ហេតុផលដែលលោក សម្រេចជ្រើសយកកំពូលតារារូបនេះអោយក្លាយជា BA គឺដោយសារតែអ្នកនាង គឺជាកំពូលតារាចម្រៀងដែលឈរជើងនៅក្នុងសិល្បៈបានយូរឆ្នាំមកដល់បច្ចុប្បន្ន ជាតារាគំរូ ដែលមានស្នេហាស្មោះស្ម័គ្រគ្មានព័ត៌មានអាស្រូវ និង ដោយសារតែអ្នកនាង និង ស្វាមី តែងតែចេញចូលកែសម្ផស្ស និង ថែរក្សាសម្ផស្ស នៅគ្លីនិក Aroma រយៈពេលប្រមាណ៥ឆ្នាំមកហើយ ដែលមានន័យថា អ្នកនាងបានមកគាំទ្រ និង ជឿជាក់ចំពោះសេវាកម្មរបស់ Aroma ទើប Aroma ត្រូវតែជួយគាំទ្រអ្នកនាងវិញ ក្រោយពេលចង់បានតារាល្បីណាម្នាក់ជា BA។

លោកថា អ្នកនាង យក់ ឋិតរដ្ឋា នឹងក្លាយជាអ្នកផ្សព្វផ្សាយផ្ដាច់មុខលើគ្រប់ផលិតផលទាំងអស់របស់គ្លីនិក និង ពីសេវាកម្មថែរក្សា និង កែសម្ផស្សរបស់គ្លីប ទៅកាន់អតិថិជន។ លោកក៏ប្រកាសនឹងប្រើបច្ចេកទេសដ៏ល្អមួយរបស់គ្លីនិក ដើម្បីធ្វើអោយរូបរាង របស់អ្នកនាង យក់ ឋិតរដ្ឋា ស្វែលស្អាតត្រលប់មកវិញផងដែរ ដោយស្នើអោយមហាជនរង់ចាំតាមដាន។ លោកថា អ្នកនាង យក់ ឋិតរដ្ឋា គឺជាអតិថិជនដែលចេញចូលគ្លីនិកដ៏ស័ក្តសមបំផុត សម្រាប់តំណែងជា BA ហើយរយៈពេល៣ឆ្នាំនេះ អ្នកនាងនឹងមានការងារជាច្រើនផ្សព្វផ្សាយអោយក្រុមហ៊ុន។

ដោយឡែកលោក ឃុំ ប៉ុណ្ណាដែត ក៏គ្លីនិកជ្រើសរើសជាដៃគូផ្សព្វផ្សាយមួយរូបផងដែរ ដើម្បីអោយជួយផ្នែកទីផ្សារ និង ជួយការងារផលិតវីដេអូរបស់ អ្នកនាង យក់ ឋិតរដ្ឋា ផងដែរ ដើម្បីអោយលោក និង ភរិយា ទទួលបានការងារមួយរួមគ្នាពីគ្លីនិក ក្រោយពិធីចុះហត្ថលេខានេះ។ ជាមួយនឹងសេវាកម្មឯកទេសផ្នែកព្យាបាលស្បែក ពិសេសព្យាបាលជាំ ក្រៅពីការវះកាត់នោះ លោក វាសនា ខេមរិន្ទ ក៏បង្ហាញនូវមោទនភាពផងដែរ ដែលអ្នកនាង យក់ ឋិតរដ្ឋា និង ស្វាមី បានទទួលចូលរួមក្នុងមុខជំនួញជាមួយ ដែលការចូលរួមរបស់អ្នកទាំងពីរនេះ នឹងជួយអោយម៉ាកសញ្ញារបស់ Aroma កាន់តែល្បី ស្របពេលដែលគ្លីនិកក៏ប្រើឯកទេសរបស់ខ្លួនផលិតបាននូវផលិតផលជាច្រើនមុខ ដើម្បីជួយដល់សុខភាពស្បែក ជួយព្យាបាលសក់ជ្រុះ ព្យាបាលជាំ និង ជួយអោយស្បែកម៉ត់សរលោងគ្មានផលប៉ះពាល់ជាច្រើនប្រភេទ ដើម្បីបំពេញតម្រូវការអតិថិជន។

លោកទទូចអោយអតិថិជនឆាតទៅកាន់ផេករបស់ក្រុមហុន Dr Aroma Center មជ្ឈមណ្ឌលថែរក្សាសម្ផស្សអារ៉ូម៉ា ប្រសិនបើមានបញ្ហាផ្នែកសម្ផស្ស និង ស្បែក ខណៈដែលគ្លីនិកក៏កំពុងមានការបញ្ចុះតម្លៃទាំងសេវាកែសម្ផស្ស ថែរក្សាសម្ផស្ស និង ផលិតផល ក្នុងឱកាសបុណ្យចូលឆ្នាំខ្មែរនេះ។

ញាក់សាច់! រកឯណាបាន អ្នកនាង ស៊ូ សោភា ម្ចាស់ប្រេនផ្សារធម្មជាតិ24 ចេញមុនសង់បំណុល ជំនួស 30000$

សំណព្វ — Wed, 11 Feb 2026 05:53:47 +0000

កាលពីថ្ងៃទី 10ខែ កុម្ភៈ ឆ្នាំ2026មុននេះ ក្រុមហ៊ុន សោភាផ្សារធម្មជាតិ24 បានតែងតាំង BA ជាង20រូបអោយប្រម៉ូតផលិតផលរបស់ខ្លួនយ៉ាងអធឹកអធម
នៅក្នុងពិធីនោះគេឃើញមានវត្តមានរបស់ influencers និង តារាTiktokល្បីៗជាច្រើនរូបចូលរួមជាភ្ញៀវកិត្តិយសផងដែរ។

អ្វីដែលធ្វើឲ្យមហាជនមានការភ្ញាក់អារម្មណ៍នៅក្នុងពិធីនោះគឺលោកស្រី ស៊ូ សោភា ដែលគេស្គាល់ថាជាអគ្គនាយការក្រុមហ៊ុនសោភាផ្សារធម្មជាតិ 24 បានធ្វើការ ផ្សះផ្សារអោយតារាTik tok ពីរូបត្រូវគ្នាវិញគឺ លោក មករា នឹងអ្នកនាង ម៉ីម៉ី ក្រោយពីអ្នកទាំងពីរមានទំនាស់គ្នាក្នុងបណ្តាញសង្គមរឿងជំពាក់លុយខ្ចីមិនព្រមសង។ ក្រោយពីបានផ្សះផ្សារអ្នកពី អ្នកនាង ស៊ូ សោភា បានចេញមុខសង់លុយបំណុល 30000$ ដែលអ្នកនាង ម៉ីម៉ី បានជំពាក់ លោក មករ៉ាជាយូរមក។

មិនត្រឹមតែចេញលុយសងជំនួសតែប៉ុណ្ណោះទេអ្នកនាង ស៊ូ សោភាព បានប្រកាសជាសាធារណៈថានៅតែបន្តបើកប្រាក់ខែរាល់ពេលដែលអ្នកនាង ម៉ីម៉ី បានធ្វើការជូនទៅក្រុមហ៊ុនមិនមែនជាការកាត់កងជាមួយនឹងប្រាក់ដែលអ្នកនាងសងជំនួសទេ។ ទាំងនេះធ្វើឲ្យមហាជនមានការកោរសរសើរទៅលើទំហំទឹកចិត្តរបស់អ្នកនាង ស៊ូ សោភា ខ្លាំងមែនទែន។

ហើយនេះមិនមែនជាលើកទីមួយទេដែលអ្នកនាងបានជួយទៅដល់អ្នកដែលជួបភាពលំបាក កន្លងមកអ្នកនាង ស៊ូ សោភា ម្ចាស ប្រេន ផ្សារធម្មជាតិ24 បានចូលរួមជួយទៅដល់ការងារសង្គមជាច្រើនហូរហែររាប់មិនអស់ ជួយកុមារកំព្រា ជួយដល់អ្នកក្រខ្សត់ ហើយថ្មីនេះអ្នកនាងទើបបានជួយ ក្មេងស្រីពិការជើងទាំងពីផងដែរ។ ជាក់ស្ដែងនៅក្នុងអំឡុងពេលដែលប្រទេសកម្ពុជាកំពុងតែមានបញ្ហាសង្គ្រាមជាមួយនឹងប្រទេសថៃគឺអ្នកនាង បានចុះនាំជំនួយទៅជួយបងប្អូនជនភាសិត ច្រើនកន្លែងខ្លាំងមែនទែនដែលធ្លាប់ហើយជននៅតែមានការគាំទ្រនិងកោតសរសើរចំពោះទឹកចិត្តរបស់អ្នកនាង។

Influencersល្បីៗជាច្រើនរូប ជួបជុំគ្នាបង្ហាញសមត្ថភាព និង ផលិតមាតិកាដណ្ដើមយកជ័យ ពីរខុនដូរប្រណិត Vue Aston

សំណព្វ — Sun, 01 Feb 2026 08:16:57 +0000

កាលពីថ្ងៃទី៣១ មករា ឆ្នាំ២០២៦ Vue Aston ដែលជាអគារខុនដូប្រណីតដ៏ល្បីល្បាញមួយ និងត្រូវបានអភិវឌ្ឍដោយក្រុមហ៊ុន The Peninsula Capital Co., Ltd. បានរៀបចំកម្មវិធីមួយដែលមានឈ្មោះថា “សុបិនក្លាយជាការពិតនៅ Vue Aston” ឬ Influencers Night ដើម្បីផ្ដល់ឱកាសអោយយុវវ័យដែលសុទ្ធតែជាអ្នកលេងបណ្ដាញសង្គមល្បីៗ បានជួបជុំគ្នាបង្ហាញសមត្ថភាព និង ផលិតមាតិកាដណ្ដើមយកជ័យលាភី។

គំនិតផ្តួចផ្តើមនេះ បានប្រមូលផ្តុំអ្នកមានឥទ្ធិពលដ៏គួរឱ្យគោរពបំផុតមួយចំនួនរបស់ប្រទេសកម្ពុជា ដើម្បីបញ្ជាក់ពីចក្ខុវិស័យរបស់គម្រោងក្នុងការកំណត់ឡើងវិញនូវការរស់នៅលំនៅដ្ឋានលំដាប់ពិភពលោកតាមបណ្តោយដងទន្លេមេគង្គ។ យុទ្ធនាការនេះមានគោលបំណងបង្ហាញពី Vue Aston ដែលជានិមិត្តរូបនៃសេចក្តីប្រាថ្នា ផាសុកភាពទំនើប និងភាពទំនើបខាងវប្បធម៌ ទៅកាន់អ្នកដែលចង់រស់នៅបែបស៊ីវិល័យ។

ពាក្យស្លោក “សុបិនក្លាយជាការពិតនៅ Vue Aston” ឆ្លុះបញ្ចាំងពីបេសកកម្មរបស់គម្រោងក្នុងការប្រែក្លាយក្តីសុបិន្តនៃការរស់នៅទីក្រុងប្រណីតទៅជាការពិតសម្រាប់ទាំងអ្នកទិញកម្ពុជា និងវិនិយោគិនអន្តរជាតិ។ ការជួបជុំនេះ បានបង្ហាញកាន់តែច្បាស់ពី Vue Aston ដែលមានលក្ខណៈពិសេសដូចជា៖
• ឧត្តមភាពស្ថាបត្យកម្មរបស់ Vue Aston
• ការផ្តល់ជូនរបៀបរស់នៅលំដាប់ខ្ពស់
• ការលាយបញ្ចូលគ្នានៃការរស់នៅទំនើប និងអត្តសញ្ញាណវប្បធម៌កម្ពុជា ដោយរឿងរ៉ាវនីមួយៗត្រូវបានរចនាឡើងដើម្បីបំផុសគំនិត ដោយបង្ហាញពីការរស់នៅប្រណីតតាមរយៈកែវភ្នែកនៃប្រពៃណីដ៏សម្បូរបែប និងមហិច្ឆតាសហសម័យរបស់កម្ពុជា។

ក្រៅពីការផ្សព្វផ្សាយលំនៅដ្ឋានលំដាប់ខ្ពស់ យុទ្ធនាការនេះ ក៏ជំរុញអោយបណ្ដាវិនិយោទុននៅទូទាំងពិភពលោក កាន់តែមើលឃើញពីសក្កានុពលរបស់ប្រទេសកម្ពុជាឡើងវិញ។ ក្នុងនោះវត្តមានរបស់ Vue Aston ក៏បង្កប់នូវការរីកចំរើន និង បែបបទនៃការរស់នៅដ៏ប្រណិតនៅកម្ពុជា អោយមើលឃើញពីកម្រិតរស់នៅតាមបែបស៊ីវិល័យ និង អភិជនដ៏សំបូរបែបនាពេលបច្ចុប្បន្ននៅកម្ពុជាផងដែរ។

អ្នកនាំពាក្យរបស់ក្រុមហ៊ុន The Peninsula Capital Co., Ltd. បានមានប្រសាសន៍ថា “យុទ្ធនាការសហការរបស់អ្នកមានឥទ្ធិពលគឺជាស្ពានដ៏មានអត្ថន័យរវាងម៉ាកយីហោរបស់យើង និងសហគមន៍”។ តាមរយៈសំឡេងរបស់អ្នកមានឥទ្ធិពលដ៏គួរឱ្យគោរពរបស់ប្រទេសកម្ពុជា យើងមានមោទនភាពក្នុងការចែករំលែកចក្ខុវិស័យរបស់យើងថា ‘សុបិនក្លាយជាការពិតនៅ Vue Aston’ ខណៈពេលដែលអញ្ជើញពិភពលោកឱ្យ ‘ស្វែងរកព្រះរាជាណាចក្រកម្ពុជាឡើងវិញ’”។

គួរបញ្ជាក់ផងដែរថា Vue Aston
Vue Aston គឺជាខុនដូប្រណីតលំដាប់ពិភពលោកដែលមានទីតាំងនៅតាមបណ្តោយដងទន្លេមេគង្គក្នុងរាជធានីភ្នំពេញ។ បង្កើតឡើងដោយក្រុមហ៊ុន The Peninsula Capital Co., Ltd. គម្រោងនេះរួមបញ្ចូលគ្នានូវការរចនាស្ថាបត្យកម្មទំនើបជាមួយនឹងភាពឆើតឆាយខាងវប្បធម៌ ដោយផ្តល់ជូនអ្នកស្នាក់នៅនូវការលាយបញ្ចូលគ្នាដ៏ពិសេសនៃកិត្យានុភាព ផាសុកភាព និងការតភ្ជាប់ទៅកាន់អនាគតដ៏រស់រវើករបស់ប្រទេសកម្ពុជា។

Vue Aston is a world-class luxury condominium located along Phnom Penh’s Mekong Riverside. Developed by The Peninsula Capital Co., Ltd., the project combines modern architectural design with cultural elegance, offering residents a unique blend of prestige, comfort, and connection to Cambodia’s vibrant future.

អគ្គនាយិកាTaetyung សឹង រតនា តែងតាំង សាន កុសុមៈ ជា BA

សំណព្វ — Fri, 30 Jan 2026 17:20:31 +0000

បើទោះជាផលិតផល TARTYUNG ត្រូវបានចរចរលក់យ៉ាងជោគជ័យនៅលើទីផ្សារនៅកម្ពុជារួចទៅហើយក្ដី ក៏លោកស្រី សឹង រតនា ជាម្ចាស់ប្រេននៅតែសម្រេចជ្រើសយកកញ្ញា សាន កុសុមៈ ជា BA ដោយលោកស្រីបញ្ជាក់ថាដើម្បីអោយទីផ្សារផលិតផលកាន់តែផ្ទុះការគាំទ្រ។

នេះជាផលិតផលដែលប្រើរូបមន្តកម្រិតល្អៗរបស់ប្រទេសកូរ៉េ ហើយត្រូវបានវិចខ្ចប់នៅក្នុងប្រទេសចិន ដោយសម្រាំងគុណភាព និងផ្ដោតលើស្ដង់ដារប្រកួតប្រជែងខ្ពស់។ លោកស្រីពេញចិត្ត សាន កុសុមៈ ដោយសារតែកញ្ញាគឺជាគ្រូបង្រៀនដែលមានប្រវត្តិអតីត និង បច្ចុប្បន្នល្អ ជាសិល្បការិនីគំរូដែលសាកសមនឹងម៉ាកយីហោផលិតផលគ្រឿងសម្អាងរបស់លោកស្រី និង ជាអតិតជនដែលតែងតែកុម្ម៉ង់ផលិតផល TAETYUNG ពីក្រុមអ្នកលក់ជាប្រចាំទើបឈានដល់ការចចារហើយយកមកធ្វើជា BA តែម្ដង។

ក្រោយពិធីចុះអនុស្សារណនេះ សាន កុសុមៈ នឹងក្លាយជាអ្មកតំណាងផលិតផលចំនួន៣មុខ ដោយកញ្ញាក្រៅពីផលិតវីដេអូប្រម៉ូតផលិតផលរបស់ក្រុមហ៊ុន ក៏នឹងមានសកម្មភាពផ្សេងៗរួមជាមួយក្រុមហ៊ុនផងដែរ។ នៅក្នុងពិធីនោះលោកស្រីក៏បានរៀបចំអាហារពេលល្ងាច ដើម្បីជួបជុំតំណាងចែកចាយ Influencers និង BA ដើម្បីអោយបានជួបជុំគ្នាផងដែរ។

ញាក់សាច់! រឿង “៤នាក់បូក១” ប្រមូលផ្តុំសុទ្ធតែផលិករខ្លាំងៗក្នុងការផលិតភាពយន្តមួយនេះ

សំណព្វ — Fri, 23 Jan 2026 04:52:29 +0000

កំពុងផ្ទុះការជជែកវែកយ៉ាងខ្លាំង ជាមួយនឹងខ្សែភាពយន្តខ្មែរ! រឿង «៤នាក់បូក១» ក្រោមការដឹកនាំរបស់ផលិតករឆ្នើម លោក ឌៀប សុវណ្ណតារា ខណៈដែលខ្សែរឿងនេះគឺក៏ចំណាយទុនខ្ពស់លើសលប់ បើធៀបនឹងភាពយន្តក្នុងស្រុកមួយចំនួន។ នេះជាភាពយន្តរបស់ផលិតកម្ម គ្រាប់ពេជ្រ (Krob Pich Production) ដែលជាផលិតកម្មដែលប្រមូលផ្ដុំសុទ្ធតែផលិតករខ្លាំងៗនិងឆ្នើមៗ នៅក្នុងការផលិតភាពយន្ត។ ផលិតកម្មនេះ បានសម្រេចចិត្តបោះជំហានយ៉ាងក្លាហានមួយដែលមិនធ្លាប់មានពីមុនមក តាមរយៈស្នាដៃថ្មីស្រឡាងរឿង «៤នាក់បូក១» (4 PLUS 1)។ នេះមិនមែនគ្រាន់តែជាភាពយន្តសម្រាប់កម្សាន្តអារម្មណ៍ប៉ុណ្ណោះទេ ប៉ុន្តែវាគឺជាការបង្ហាញពីការតស៊ូ ភាពច្នៃប្រឌិត និងក្តីស្រឡាញ់ដ៏ជ្រាលជ្រៅចំពោះសិល្បៈភាពយន្តជាតិ។ ទស្សនិកជនសុទ្ធតែលាន់មាត់នៅពេលបានឃើញពីសកម្មភាពក្រៅឆាក និង បានដឹងពីគោលបំណងរបស់ផលិតករក្រោយពេលភាពយន្តក៏ឈានដាក់ថ្ងៃបើកសម្ពោធ។

ខាងក្រោមនេះគឺជា ៤ ចំណុចធំៗ ដែលធ្វើឲ្យភាពយន្តនេះក្លាយជាស្នាដៃដ៏មានតម្លៃ និងគួរឲ្យកោតសរសើរ៖

១. សម្រស់មណ្ឌលគិរី៖ លើសពីផ្ទៃរឿង គឺការផ្សព្វផ្សាយទេសចរណ៍ជាតិ
ខុសប្លែកពីការថតនៅក្នុងស្ទូឌីយោ ឬទីតាំងដដែលៗ រឿង «៤នាក់បូក១» បានជ្រើសរើសយកទឹកដីខេត្ត មណ្ឌលគិរី ជាទីតាំងថតរហូតដល់ទៅ ៩០% នៃសាច់រឿងទាំងមូល។ ក្រុមការងារបានសម្រិតសម្រាំងជ្រើសរើសប្លង់ដែលស្អាត និងប្លែកភ្នែក ដើម្បីបង្ហាញពីសក្តានុពលទេសចរណ៍ធម្មជាតិដ៏អស្ចារ្យរបស់កម្ពុជា។ រាល់ឈុតឆាកនៅក្នុងព្រៃភ្នំ និងវាលស្មៅ មិនត្រឹមតែបម្រើអារម្មណ៍អ្នកទស្សនាប៉ុណ្ណោះទេ ប៉ុន្តែថែមទាំងជួយដាស់អារម្មណ៍ទេសចរណ៍ ឲ្យកាន់តែស្រឡាញ់ទឹកដីសុវណ្ណភូមិយើងបន្ថែមទៀត។

២. “ខេនឌី” (Candy)៖ បាតុភូតថ្មីនៃតួអង្គសត្វដែលគ្មានការកាត់ត
នេះគឺជា លើកទី១ ហើយនៅក្នុងប្រវត្តិសាស្ត្រភាពយន្តខ្មែរសម័យទំនើប ដែលតួអង្គសត្វឆ្កែ ឈ្មោះ «ខេនឌី» ត្រូវបានយកមកសម្តែងរួមជាមួយមនុស្សយ៉ាងពេញលេញ តាំងពីដើមរហូតដល់ចប់។ អ្វីដែលអស្ចារ្យបំផុតនោះគឺ គ្មានការប្រើប្រាស់បច្ចេកទេស 3D, CGI ឬ AI ដើម្បីជំនួសការសម្តែងរបស់សត្វឡើយ។ រាល់កាយវិការ ការរត់ ការភ័យ ឬការរកតម្រុយ គឺជាសមត្ថភាពពិតៗរបស់ «ខេនឌី» ដែលឆ្លងកាត់ការបង្ហាត់បង្រៀនយ៉ាងយកចិត្តទុកដាក់។ នេះគឺជាភាពរស់រវើក ដែលបច្ចេកវិទ្យាមិនអាចជំនួសបាន។

៣. ការហ៊ានលះបង់របស់ផលិតកម្ម “គ្រាប់ពេជ្រ”
ក្នុងនាមជាផលិតករ ការជ្រើសរើសទីតាំងឆ្ងាយ (មណ្ឌលគិរី) និងការជ្រើសរើសសត្វមកសម្តែង គឺជា “ហានិភ័យ” ដ៏ខ្ពស់បំផុត ទាំងការចំណាយទុន និងពេលវេលា។ ប៉ុន្តែផលិតកម្ម គ្រាប់ពេជ្រ ហ៊ានលះបង់! ហ៊ានចំណាយពេលរាប់ខែដើម្បីបង្រៀនសត្វឱ្យក្លាយជាតារាសម្តែង និងហ៊ានចំណាយថវិកាខ្ពស់ក្នុងការដឹកជញ្ជូនក្រុមការងារទៅកាន់តំបន់ដាច់ស្រយាល។ នេះបង្ហាញពី “មនសិការវិជ្ជាជីវៈ” ដែលចង់ផលិតនូវស្នាដៃមួយដែលមានគុណភាពពិតប្រាកដ មិនមែនធ្វើដើម្បីតែរួចពីដៃ។

៤. កំណត់ត្រាថ្មីរបស់អ្នកដឹកនាំរឿង ឌៀប សុវណ្ណតារា
លោក ឌៀប សុវណ្ណតារា ដែលជាអ្នកដឹកនាំរឿងជើងចាស់មានបទពិសោធន៍ជាង ២០ រឿង កន្លងមក បានសារភាពថា លោកមិនដែលហ៊ានសរសេររឿងដែលមានសត្វសម្តែងឡើយ ព្រោះលោកដឹងថាវាលំបាកខ្លាំងណាស់។ ប៉ុន្តែសម្រាប់រឿងនេះ លោកបានសម្រេចចិត្ត “ប្រថុយដាក់ទុនគំនិត” លើអ្វីដែលគ្រប់គ្នាគិតថា “មិនអាចទៅរួច”។ ក្រោមការជំរុញ និងសាមគ្គីភាពរបស់ក្រុមការងារ លោកបានប្រែក្លាយភាពមិនអាចទៅរួចនោះ ឲ្យទៅជាស្នាដៃជាក់ស្តែង ដើម្បីនាំយក “រសជាតិថ្មី” ជូនទស្សនិកជន។

សរុបមក រឿង «៤នាក់បូក១» គឺជាកញ្ចក់ឆ្លុះបញ្ចាំងពីការវិវត្តថ្មីមួយនៃវិស័យភាពយន្តខ្មែរ។ វាជាភាពយន្តដែលកើតចេញពីការខិតខំប្រឹងប្រែងទាំងកម្លាំងកាយ កម្លាំងចិត្ត និងការហ៊ានលះបង់។

សូមបងប្អូនខ្មែរចូលរួមគាំទ្រ និងទស្សនាទាំងអស់គ្នា នៅថ្ងៃទី ០៥ កុម្ភៈ ២០២៦ ដើម្បីផ្តល់កម្លាំងចិត្តដល់ក្រុមផលិតករ ឲ្យបន្តបង្កើតស្នាដៃល្អៗតទៅមុខទៀត!

លេចមុខអ្នកនាង កែវ ម៉ានិច្ច ម្ចាស់ប្រេនសាប៊ូកក់សក់ jensssy បង្ហាញខ្លួនក្នុងភាពយន្តខ្នាតធំរឿង “ភូមិយាយម៉ប”

សំណព្វ — Fri, 16 Jan 2026 00:08:36 +0000

ចាប់ពីថ្ងៃទី១៥ មករា ឆ្នាំ២០២៦នេះ ភាពយន្តខ្នាតធំរឿង ភូមិយាយម៉ប ដែលចូលរួមសម្ដែងដោយលោកស្រី កែវ ម៉ានិច្ច ម្ចាស់ប្រេនសាប៊ូកក់សក់ Jensssy របស់កូរ៉េ ត្រូវបានដាក់បញ្ចាំងលក់សំបុត្រនៅគ្រប់រោងហើយ ខណៈដែលក្នុងពិធីប្រកាសដាក់បញ្ចាំង ក៏មានវត្តមានតារាល្បីៗជាច្រើនចូលរួម។ នេះជាខ្សែរឿងដែលបង្ហាញពីផ្ទៃរឿងគំនំុសងសឹក និងមានឈុតឆាកភ័យរន្ធត់តាំងពីដើមរឿងរហូតបញ្ចប់រឿង។ ក្នុងនោះឈុតឆាកកំប្លុកកំប្លែងក៏បានបង្កប់ច្រើនផងដែរ តាមរយៈវត្តមានតារាសម្ដែង របស់ពូណុយ. លោក ងួន សុបិន្ត. លោក ផាត់តាភូ និង តារាជាច្រើនទៀត។ មួយរឿងនេះត្រូវបានផលិតយ៉ាងយកចិត្តទុកដាក់ ជាពិសេសលើស្ដង់ដារូបភាព សំឡេង និងប្លង់ថតជាដើម។

លោកស្រី កែវ ម៉ានិច្ច ដែលបានចូលរួមសម្ដែង បានចាត់ទុកថាភាពយន្តនេះ ការចូលរួមលើកកម្ពស់វិស័យភាពយន្តមួយដ៏សំខាន់ផ្នែកទម្រង់បុរាណ និង ស្នាដៃទី២ បន្ទាប់ពីបានសម្ដែងក្នុងរឿង ស្នេហា១០០ថ្ងៃ តែគឺជាស្នាដៃដំបូងសម្រាប់ភាពយន្តខ្នាតធំដាក់បញ្ចាំងតាមរោង។ លោកស្រីក៏នឹងគម្រោងចូលរួមនៅក្នុងវិស័យភាពយន្តនាពេលបន្តបន្ទាប់ផងដែរ តែអាស្រ័យទៅលើកាលៈទេសៈសិន ដោយសារតែមួយរយៈនេះលោកស្រីក៏ជាប់បំពេញភារកិច្ចច្រើន។ លោកស្រីទទូចអោយចូលរួមទស្សនាភាពយន្តនេះអោយបានច្រើន ហើយបើស្នាដៃរឿងភូមិយាយម៉ប ទទួលបានជោគជ័យ លោកស្រីក៏អាចនឹងសហការផលិតស្នាដៃណាមួយក្នុងពេលក្រោយៗដូចគ្នា។

លោកស្រី អ៊ុឹម សុគន្ធា អគ្គនាយិការក្រុមហ៊ុន HK7 ប្រកាសតែងតាំងតារាចម្រៀង រ៉ាប៊ី ធ្វើជា BA សាប៊ូដុសខ្លួនជាផ្លូការ

សំណព្វ — Thu, 15 Jan 2026 08:37:54 +0000

កាលពីថ្ងៃទី១៤ មករា ឆ្នាំ២០២៦ មុននេះ ក្រុមហ៊ុន HK7 បានប្រកាសពីការតែងតាំង តារាចម្រៀង អ្នកនាង រ៉ាប៊ី អោយក្លាយជា BA ដោយអ្នកនាងត្រូវតំណាងអោយផលិតផលសាប៊ូដុសខ្លួនរបស់ HK7 ហើយតំណាងដោយមិនរយៈពេលទៀតផង។ នេះជាផលិតផលដែលក្រុមហ៊ុនបាននាំយកវត្ថុធាតុដើមពីប្រទេសបារាំង ហើយត្រូវបានផលិតពីរោងចក្រនៅក្នុងប្រទេសចិន។

លោកស្រី អ៊ឹម សុគន្ធា អគ្គនាយិកាក្រុមហ៊ុន បានគូសបញ្ជាក់ថា ហេតុផលដែលលោកស្រីសម្រេចជ្រើសយកអ្នកនាង រ៉ាប៊ី ក៏ព្រោះតែអ្នកនាងគឺជាអាយដល ដែលខ្លួនស្រលាញ់តាំងពីផ្ទុះបទ មាន់ស្រែ ហើយដោយសារអ្នកនាង រ៉ាប៊ី ក៏ទទួលយកលក្ខណ្ឌរបស់ក្រុមហ៊ុន និង បានប្រើប្រាស់ផលិតផលសាប៊ូដុសខ្លួននេះ ទើបលោកស្រីសម្រេចិត្តកុងត្រា។ លោកស្រីចាត់ទុកថាវត្តមាន រ៉ាប៊ី មកកាន់ក្រុមហ៊ុន គឺជាការបើកបង្ហាញការរីកចំរើនថ្មីមួយរបស់ HK7 ដែលអាចយកបានកំពូលតារាចម្រៀងដ៏ល្បីលំដាប់ប្រទេសអោយតំណាងផលិតផល។

ក្រៅពីរ៉ាប៊ី តារាល្បីៗចំនួនផ្សេងទៀតក៏នឹងអាចត្រូវជ្រើសជា BA ផងដែរ ដើម្បីបំបុកទីផ្សារផលិតផលសាប៊ូដុសខ្លួនដែលទើបដាក់បង្ហាញនេះ ផ្ទុះការគាំទ្រ និង មានទីផ្សារកាន់តែខ្លាំង។ លោកស្រីក៏សប្បាយចិត្តផងដែរ ដែលអ្នកនាង រ៉ាប៊ី ទទួលធ្វើជា BA អោយក្រុមហ៊ុន ហើយជាផលិតផលសាប៊ូដុសខ្លួន ដែលជាផលិតផលថ្មីប្រចាំក្រុមហ៊ុន ដែលកន្លងមកក្រុមហ៊ុនធ្លាប់មានតែគ្រឿងសម្អាង និង គ្រឿងផ្នែកសម្រស់នោះ។

សាន ផានិត ប្រកាសមិនលក់ខុសពីផលិតផលប្រេន Original

សំណព្វ — Sat, 03 Jan 2026 01:48:49 +0000

ក្នុងជំនួបនៅហាងសានផានិតប្រេនក្បាលគីប លោក សាន ផានិត តារាចម្រៀង ដែលជាម្ចាស់ហាងបានថ្លែងប្រាប់ក្រុមការងារផ្ទះតារា នៅក្នុងហាងរបស់លោកដែលស្ថិតនៅក្បែរវិទ្យាល័យ ហ៊ុន សែនសេរីភាព ក្រុងតាខ្មៅ ថា នៅក្នុងហាងរបស់លោកលក់តែផលិតផលប្រេនល្បីៗដែលជាផលិតផល Original តែប៉ុណ្ណោះ មិនលក់ផលិតផលកូពី ឬ ផលិតផលថ្មី ហើយយកមកកោសបន្លំជាផលិតផលប្រេនក្បាលគីបនោះឡើយ។

លោកហ៊ានយកកិត្តិយសមកបញ្ជាក់ថា បើមានផលិតផលណាមួយត្រូវបានរកឃើញថាជាផលិតផលកូពី ឬ ផលិតផលមិនសុទ្ធ ឬ ផលិតផលថ្មីគ្មានគុណភាព លោកហ៊ានសងមួយគុណនឹង១០ ហើយរាល់ផលិតផលប្រេន Original ដែលលក់នៅក្នុងហាងរបស់លោកក៏ដាក់លក់តែផលិតផលដែលនៅថ្មី៩៩ភាគរយ ដែលនៅថ្មីមិនសឹកមិនឆ្កូតខ្លាំង ដែលធ្វើអោយគេឃើញហើយ មើលមិនដឹងថាជារបស់ជជុះ។

អ្វីដែលសំខាន់គឺមិនថាកាបូប ស្បែកជើង ខ្សែក្រវាត់ និង មួក គឺតម្លៃ២គ្រាប់៣គ្រាប់ត្រឹមតែក្រោម១០០ដុល្លារប៉ុណ្ណោះ ពោលគឺសមស្របសម្រាប់អ្នកចង់បានរបស់ប្រេនៗមួយទឹកដែលជាផលិតផលបែបអភិជន តែចំណាយទាបអាចប្រើបាន។

នៅលើផេកឧកញ៉ាក្បាលគីប លោកក៏ផ្អាកបង្ហោះកាបូប មួក និង ខ្សែក្រវាត់ជាដើម នៅលើផេកផងដែរ ដើម្បីអោយអតិថិជនបានមករើសម៉ូតដោយផ្ទាល់ដល់ហាងនៅតាខ្មៅ ជាជៀសឃើញតែតាមអនឡាញហើយមិនបានរើសដោយផ្ទាល់។ លោកថាកាបូប និង មួកភាគច្រើនសុទ្ធតែជាផលិតផលថ្លៃៗល្អៗ ដូច្នេះមិនចង់អោយភ្ញៀវមករើសដោយផ្ទាល់ ទើបលោកផ្អាកមិនផុសលើផេក ហើយដាក់លក់តែក្នុងហាងវិញ។

ផលិតភាពយន្ត ផ្លូវងងឹត បញ្ចាំងរឿងចំពេលថៃវាយប្រហារកម្ពុជា

សំណព្វ — Tue, 09 Dec 2025 03:45:45 +0000

កាលពីថ្ងៃទី៨ ធ្នូ ឆ្នាំ២០២៥ លោក អុិន សុភិន ម្ចាស់ផលិតកម្មមហាហង្ស និង ជាផលិតករភាពយន្តរឿង ផ្លូវងងឹត បានបង្ហាញពីការខកចិត្ត ដែលភាពយន្តរបស់ខ្លួន ត្រូវបានដាក់សម្ពោធចំថ្ងៃដែលកងទ័ពថៃ បើកការវាយប្រហារមកលើកម្ពុជានៅតាមតំបន់ព្រំដែនសារជាថ្មី ។ លោកបានហៅស្ថានភាពនេះថាជារឿងដ៏អាក្រក់ ហើយក៏ធ្វើអោយប៉ះពាល់ដល់ដំណើរការក្នុងការដាក់បញ្ចាំងភាពយន្តរបស់លោកផងដែរ ស្របពេលដែលភាពយន្តរឿង ផ្លូវងងឹត គឺជាស្នាដៃដែលលោកបានបោះទុនច្រើន និងជាភាពយន្តដែលលោកបានចាត់ទុកថាគឺជាភាពយន្តដែលអាចឆក់យកបេះដូងអ្នកគាំទ្របានកម្រិតខ្ពស់ តែបែរជាប៉ះជាមួយនឹងបរិយាកាសដែលប្រទេសទាំងមូលត្រូវបានបរទេសធ្វើការឈ្លានពាន។

លោកថាបើអាចពន្យារពេលដាក់បញ្ចាំងបានគឺពិតជាសម្រេចលើកពេលប៉ុន្តែមកពីនេះគឺជាគោលការណ៍ដែលបានសម្រេចជាមួយរោងកុនរួចហើយ ហើយម្យ៉ាងបើលោកសម្រេចចិត្តលើកពេលគឺនឹងខាតបង់លើការត្រៀមទុកផ្សេងៗច្រើន ក៏ដូចជាពិបាកនឹងរកថ្ងៃដាក់ក្នុងរោងជាថ្មី ទើបលោកបង្ខំចិត្តដាក់បញ្ចាំងក្នុងភាពប្រថុយប្រថាន។ លោក អ៊ិន សុភិន និយាយថា ទម្រាំតែបានថ្ងៃបញ្ខាំងគ្រប់រោង ភាពយន្តនីមួយៗត្រូវការឆ្លងជាមួយបណ្ដារោងកុនយូរណាស់ ហើយមកពីខាងរោងកុនក៏សុទ្ធតែជាប់កុងត្រាជាមួយភាពយន្តផ្សេងៗ ដែលពិបាកអោយយើងកំណត់ថ្ងៃដាក់រោងបានជាថ្មី ទើបលោកមិនអាចលើកថ្ងៃបាន។

យ៉ាងណាមិញលោកថាខ្លួននឹងទទួលយកលទ្ធផល ដោយយ៉ាងហោចណាស់ ក៏អាចបញ្ចេញភាពយន្តដែលកប់ទុកយូរនេះ អោយមានវត្តមាននៅលើទីផ្សារផងដែរ។ មួយរឿងនេះលោកថាខ្លួនបោះទុនខ្ពស់ ព្រោះតួក៏ច្រើន ហើយសុទ្ធតួល្បីៗស៊ីថ្លៃខ្ពស់ ហើយស្តង់ដារផលិតក៏ខុសពីរឿងមុនៗ ដែលអាចនិយាយបានថា មានកម្រិតមិនចាញ់ការផលិតរបស់បរទេស។ នេះជារឿងបែបភ័យរន្ធត់ និង បង្ហាញពីការច្រណែនឈ្នានីសអំពើអំព័ន្ធ ដែលសូម្បីតែលោកខ្លួនឯងក៏មានមោទនភាព នៅពេលអ្នកបានទស្សនាក្នុងថ្ងៃសម្ពោធសរសើរថាមួយរឿងនេះល្អមើល។ ថ្វីត្បិតតែក្នុងថ្ងៃសម្ពោធមានវត្តមានភ្ញៀវកិត្តិយស និង តារាសិល្បករកុះករ ប៉ុន្តែលោកថាតួសម្ដែងដែលបានចូលរួមមានចំនួនតិចនាក់ប៉ុណ្ណោះ។ ក្រោយការបើកសម្ពោធលោកថា ការលក់សំបុត្រផ្លូវការនឹងចាប់ពីថ្ងៃទី១១ ខែធ្នូតទៅ ដោយអ្នកនិយមភាពយន្តរន្ធត់ៗ និង បែបកំប្លែង អាចទៅទស្សនាគ្រប់រោង ទាំងខេត្ត និង នៅរាជធានីភ្នំពេញបាន។

ញាក់សាច់!Miss Trans Cambodia ទាំង15រូប ម្ចាស់ប្រេន មករា មុំ ប្រកាសយកជា BA

សំណព្វ — Sun, 26 Oct 2025 03:48:32 +0000

កាលពីថ្ងៃទី២៤ តុលា ឆ្នាំ២០២៥ លោកស្រី មករា មុំ ម្ចាស់ប្រេន MKM បានប្រកាសនៅក្រោយការប្រកួតរកឃើញអ្នកឈ្នះថា លោកស្រីសម្រេចកំណត់យកបេក្ខភាពដែលបានចូលរួមប្រកួតប្រជែងទាំង១៥រូបអោយក្លាយជា BA តែម្ដង ដោយមិនយកតែអ្នកជាប់ Top ឬ ម្ចាស់មកុដនោះទេ។ លោកស្រីបានថ្លែងក្រោយការប្រកាសរបស់ លោក ជា វិបុល ជាពិធីករថា ដើម្បីជាការលើកទឹកចិត្តដល់អ្នកចូលរួមប្រកួតទាំងអស់ បានក្លាយជាអ្នកផ្សព្វផ្សាយផលិតផលប្រចាំក្រុមហ៊ុន ដោយលោកស្រីបញ្ជាក់ថា មិនចង់ផ្ដល់ឱកាសអោយតែម្ចាស់មកុដនោះទេ គឺផ្ដល់ឱកាសអោយទាំងអស់តែម្ដង ហើយប្រសិនបើ BA ណាមួយបំពេញការងារជាអ្នកប្រូម៉ូតបានល្អ គឺនឹងយកកាន់ឆ្នាំតែម្ដង។

លោកស្រីថា ពួកគាត់ (បេក្ខភាព) មើលទៅប្រឹងប្រែងណាស់ ដូច្នេះដើម្បីជាការលើកទឹកចិត្ត លោកស្រីមិនអាចបោះបង់ពួកគាត់បានទេ ដោយលោកស្រីសម្រេចអោយក្លាយជា BA ទាំង១៥រូបតែម្ដង ដោយការងារប្រូម៉ូតផលិតផលរបស់អ្នកទាំង១៥ នឹងចាប់ផ្ដើមឆាប់ៗ។

ក៏នឹងបន្តផ្ដល់ឱកាសដល់ជនទី៣ផ្សេងទៀតផង។ ជាមួយនឹងការប្រកាសរបស់លោកស្រី មករា មុំ បានធ្វើអោយបេក្ខភាពរបស់កម្មវិធី Miss Trans Cambodia 2025 ក្រោយការរកឃើញម្ចាស់មកុដសប្បាយចិត្តយ៉ាងខ្លាំង ដោយអ្នកខ្លះយល់ថា ការសម្រេចចិត្តរបស់លោកស្រី គឺរឿងដ៏កម្រសម្រាប់ម្ចាស់ស្ពុនស័រទូទៅនោះផង។ នៅក្នុងថ្ងៃនោះ លោកស្រី ក៏ត្រូវបានកម្មវិធីជ្រើសជាគណកម្មការ ក្នុងចំណោមបុគ្គលល្បីៗ ដែលត្រូវបានជ្រើសជាគណមេប្រយោគផងដែរ។

លោក ស៊ូ សុវណ្ណដា ម្ចាស់ស្ពនស័រ ដាវ៉ាតហ្គោលសំអាងការ ដែលជាស្ពុនស័រធំ និង លោក ធីវ៉ាត់ DN កម្មវិធី បានបង្ហាញពីការសាទរយ៉ាងខ្លាំង ដែលលោកស្រី មករា មុំ ម្ចាស់ប្រេនសាប៊ូ MKM សម្រេចជ្រើសយកបេក្ខនារីទាំងជាប់ទាំងធ្លាក់ទាំង១៥រូប អោយក្លាយជា BA ។ នេះក៏ចាត់ទុកថា គឺជាផ្ដល់ឱកាសការងារដល់ប្អូនៗជាភេទទី៣ និង ជាការផ្ដល់ឈ្នាន់អោយពួកគាត់ បានសាងស្នាដៃ ក្នុងនាមជាអ្នកផ្សព្វផ្សាយផលិតផលសម្រាប់បណ្ដាក្រុមហ៊ុនផ្សេងៗសំឡឹងឃើញ។