ព័ត៌មានជាតិ – Post News Cambodia

ប្រុស សេង និកជនខ្មែរនៅអាមេរិក គៀងគរជំនួយជាច្រើន ជួយដល់សមាគម ស្នាមញញឹមនៃក្ដីសង្ឃឹមរបស់កុមារ

សំណព្វ — Thu, 12 Feb 2026 22:38:53 +0000

កាលពីថ្ងៃទី12 ខែកម្ភៈ ឆ្នាំ2026មុននេះ លោក ប្រុស សេង កូនខ្មែររស់នៅសហរដ្ឋអាមេរិក បានដឹកនាំក្រុមការងារ ចុះយកជំនួយជួយដល់ សមាគម ស្នាមញញឹមនៃក្ដីសង្ឃឹមរបស់កុមារ បានយ៉ាងច្រើនដូចជា អង្ក ត្រីខ ទឹកត្រីទឹកស៊ីអ៊ីវ ទឹកដោះគោ គ្រឿងទេះ ទូរទស្សន៍2គ្រឿង កុំព្យូទ័រ 4គ្រឿង សំលៀកបំពាក់ ស្បែកជើងនិងសម្ភារៈផ្សេងៗទៀត ហើយថែមទាំងបានដុតគោ1ក្បាលធ្វើម្ហូបជាច្រើនយ៉ាងឈ្ងុយឆ្ងាញ់ មួយពេលដល់កុមារ ដើម្បីជាអបអរឱកាសបុណ្យចូលឆ្នាំចិន។

លោក ប្រុស សេង បានលើកឡើងថា នេះជាលើកទីមួយដែលលោកបានមកដល់មណ្ឌលកុមារកំព្រារមួយកន្លែងនេះ ហើយលោកក៏សប្បាយរីករាយយ៉ាងខ្លាំងរហូតដល់ថ្នាក់ស្រក់ទឹកភ្នែកពេលបានមកជួបក្មេងៗដោយផ្ទាល់ និង មានមោទនភាពចំពោះប្រធានមណ្ឌលផងដែរ ដែលអាចចិញ្ចឹមមើលថែក្មេងដែលសុទ្ធតែក្មេងកំព្រា ក្មេងរងគ្រោះ មកពីគ្រប់ទិសទី បានរហូតដល់ជាង១៣០នាក់ ហើយមើលថែបានយ៉ាងល្អទៀត ដែលចាត់ទុកថាជាភ័ព្វវាសនារបស់ក្មេងៗ ដែលបានមកជ្រកកោននៅក្នុងមណ្ឌលនេះ។

នៅក្នុងកម្មវិធីផងដែរ លោក ប្រុស សេង បានស្នើអោយក្មេងៗ ត្រូវចេះស្ដាប់បង្គាប់មណ្ឌល និង លោកគ្រូអ្នកគ្រូ ហើយត្រូវខិតខំរៀនសូត្រ ក្រេបយកចំណេះវិជ្ជា ដើម្បីក្លាយជាក្មេងល្អ និង មានអនាគតល្អ។

លោកស្រី ប៉ូ ស្រីគង ប្រធានសមាគមស្នាមញញឹមនៃក្ដីសង្ឃឹមកុមារ បានលើកឡើងថា ការចូលរួមចំណែក និង ចុះមកកាន់មណ្ឌលរបស់លោក ប្រុស សេង អនិកជនខ្មែររស់នៅសហរដ្ឋអាមេរិក ក៏ដូចជាក្រុមការងារ គឺជាការលើកទឹកចិត្តមួយដ៏ធំ ដល់លោកស្រី ដល់លោកគ្រូអ្នកគ្រូ និង ក្មេងៗទាំងអស់ ដែលត្រូវការនូវភាពកក់ក្ដៅ។ លោកថាមណ្ឌលនៅទីនេះ គឺពឹងអាស្រ័យទាំងស្រុង លើការរួមចំណែករបស់សប្បុរសជន ហើយក៏មកដល់របស់សប្បុរសជន គឺជាកាដូដ៏ធំរបស់កុមារ ដែលរស់នៅក្នុងមណ្ឌលទាំងមូល។

សូរ ស្រណោះ រកឃើញម្ចាស់ Champion ផ្នែកតន្ត្រី

សំណព្វ — Sun, 08 Feb 2026 19:20:13 +0000

នៅទីបំផុតការប្រកួតពានផ្នែកតន្ត្រី និង ចម្រៀងក្លាស៊ិក របស់សាលាស្រណោះតន្ត្រីសម្រាប់ឆ្នាំ២០២៦ បានរកឃើញម្ចាស់ពានសំរិទ្ធិ ពានប្រាក់ ពានមាស និង Champion ធំជាផ្លូវការហើយ កាលពីថ្ងៃទី៨ កុម្ភៈ ឆ្នាំ២០២៦ ដោយការប្រកួតសម្រាប់ឆ្នាំនេះ គឺរកបានម្ចាស់ពានប្រាក់ និង មាសរហូតដល់ជាង៧០រូប ដែលអាចបន្តទៅប្រកួតនៅក្រៅប្រទេស។

លោក សូរ ស្រណោះ នាយកសាលាស្រណោះតន្ត្រី បានថ្លែងបញ្ជាក់ថា ការប្រកួតដែលបានធ្វើឡើងនេះថ្វីត្បិតតែជាការប្រកួតនៅក្នុងស្រុកក៏ពិតមែន ប៉ុន្តែសម្រាប់ការប្រកួតប្រជែងគឺសុទ្ធតែឆ្លងកាត់ដំណាក់កាលដូចគ្នានឹងការប្រកួតនៅលើឆាកអន្តរជាតិ និង សុទ្ធតែមានគណកម្មការជាអ្នកឯកទេសបរទេសមកដាក់ពិន្ទុដូចគ្នាដែរ។

ដូច្នេះហើយទើបការប្រកួតដែលបានធ្វើឡើងគឺម្ចាស់ពានមាស និង ម្ចាស់ Champion សុទ្ធតែមានសមត្ថភាពខ្លាំងដែលលោកហ៊ាននិយាយថាបើចេញទៅប្រកួតតំណាងប្រទេសគឺមិនចាញ់ច្រាបគេឡើយ។ អ្នកឈ្នះពានប្រាក់ ពានមាស និង Champion ដែលទើបរកឃើញ នឹងត្រូវចេញទៅប្រកួតនៅប្រទេសម៉ាឡេនៅអំឡុងខែ៨ និង ចេញទៅអាមេរិកក្នុងព្រឹត្តិការណ៍ធំនៅអំឡុងខែ៧។ លោកយល់ថាគឺជាមោទនភាពដែលកម្ពុជាអាចមានធនធានផ្នែកតន្ត្រី និង ចម្រៀងក្លាស៊ិក ហើយជាធនធានវ័យក្មេង និង កាន់តែច្រើនដែលអាចស្មើមុខស្មើមាត់នឹងបេក្ខភាពខ្លាំងៗនៅក្រៅប្រទេស។

លោកមានជំនឿចិត្តថា ម្ចាស់ Champion គឺកុមារី ហេង ថាវរី នឹងនាំមុខមាត់ថ្មីកាន់តែខ្ពស់នៅលើឆាកអន្តរជាតិនាសហរដ្ឋអាមេរិក ហើយម្ចាស់ពានមាស និង Champion រង ឆ្នាំនេះក៏ពិតជាអាចដណ្ដើមបានពានមាស ឬអាចឈានដល់ពានធំផង សម្រាប់ការប្រកួតនៅក្នុងប្រទេសម៉ាឡេស៊ីខាងមុខ។

គួរបញ្ជាក់ផងដែរថា ការប្រកួតរបស់សាលាស្រណោះតន្ត្រីនេះ ក៏មានវត្តមានកូនប្រុសសម្ដេចនាយករដ្ឋមន្ត្រី ហ៊ុន ម៉ាណែត និង មានវត្តមានកូនៗ ចៅៗរបស់ថ្នាក់ដឹកនាំមួយចំនួនចូលប្រកួតផងដែរ ដែលបង្ហាញថាគឺជាយកចិត្តទុកដាក់ និងបង្ហាញពីការរីកចំរើនក្នុងវិស័យតន្ត្រី និង ចម្រៀងក្លាស៊ិកនៅកម្ពុជា ព្រោះតែមានការលើកទឹកចិត្តកាន់តែច្រើនអោយកូនៗ និង កុមារៗកាន់តែច្រើន ស្រលាញ់ និងលើកស្ទួយក្នុងវិស័យមួយនេះ។

មិនសរសើរមិនបាន ថ្ងៃបើកបវេសនកាល សាលាបឋមសិក្សា សឡា លោកស្រី ឡា សូឡី នាំយកអំណោយ និង ថវិការចែកជូនសិក្សានុសិស្សជាច្រើន

សំណព្វ — Sat, 01 Nov 2025 08:58:33 +0000

កាលពីថ្ងៃទី១ វិច្ឆិកា ឆ្នាំ២០២៥ បណ្ដាសាលានៅទូទាំងប្រទេសបានបើកបវេសនកាលយ៉ាងគគ្រេង ដើម្បីបើកទំព័រឆ្នាំសិក្សាថ្មីបន្ទាប់ពីបានបញ្ចប់វិស្សមកាល។ ក្នុងនាមជាសប្បុរសជន និង ក្នុងនាមជា CEO របស់ ក្រុមហ៊ុន សូឡាគ្រុប លោកស្រី ឡា សូឡី បានជំនួសមុខអោយលោកឧកញ៉ា កែវ ឡា ជាឪពុក បាននាំយកជំនួយជាថវិកា និង សម្ភារៈសិក្សាជាច្រើន យកទៅប្រគល់ជូនគណគ្រប់គ្រងសាលាសឡា និង សិស្សានុសិស្សនៅទីនោះ ដើម្បីជាការលើកទឹកចិត្តថ្ងៃបើកបវេសនកាលថ្មី និង ដើម្បីបង្ហាញពីការយកចិត្តទុកដាក់ចំពោះលោកគ្រូអ្នកគ្រូ និង សិស្សសាលានៅលាលាបឋមសិក្សាសឡាទាំងមូល។

លោកស្រីបញ្ជាក់ថា ក្នុងនាមជា CEO របស់ក្រុមហ៊ុនសូឡាគ្រុប លោកស្រី និង លោកឪពុក គឺលោកឧកញ៉ា កែវ ឡា និង ក្រុមការងារ នៅតែមានការគិតគូរខ្ពស់ចំពោះសាលាបឋមសិក្សាសឡា ដោយនៅតែបន្តជ្រោមជ្រែងនូវការកសាងសមិទ្ធិផលបន្តបន្ទាប់ និង នៅតែបន្តចែកជូននូវសម្ភារៈសិក្សាជូនដល់ប្អូនៗ ក៏ដូចជាលោកគ្រូអ្នកគ្រូទាំងអស់ ដើម្បីអោយវិស័យសិក្សានៅក្នុងសាលាទាំងមូលកាន់តែមានការរីកចំរើន។ ទន្ទឹមនឹងការពាំនាំនូវការសួរសុខទុក្ខពីលោកឧកញ៉ា កែវ ឡា លោកស្រីក៏សន្យាថានឹងបន្តជួយជ្រោមជ្រែងដល់សាលាមួយនេះ នាពេលបន្តបន្ទាប់។

ទេីបដឹង! BOTICA ផលិតផលសំណង់កូនខ្មែរលាក់មុខជាង20ឆ្នាំ មានចំណែកក្នុងការកសាងព្រលានយន្តហោះថ្មី…

សំណព្វ — Sat, 13 Sep 2025 07:34:20 +0000

មិនមែនជារឿងលេងសើចនោះទេ ដែលកូនខ្មែរមួយរូប អាចផលិតផលិតផលសំខាន់ៗជាច្រើន ហើយផលិតផលទាំងនោះ ត្រូវបានវិស្វករជ្រើសយកមករួមចំណែកសាងសង់ព្រលានយន្តហោះ Techo International Airport ដែលអ្នកមិនបានដឹងគិតថាប្រហែលព្រលានមួយនេះ យកគ្រឿងបង្គំ និង ផលិតផលផ្សេងៗមកពីក្រៅប្រទេសទេ ដើម្បីអោយព្រលានដែលទើបរួចរាល់ មានភាពរឹងមាំ និង ប្រណិត។ លោកឧកញ៉ា កែវ បូណ៍ភិរក្ស អគ្គនាយក ក្រុមហ៊ុន បូទីកា (Botica Cambodia) និង បុរីឡុងនី បានលើកឡើងថា វត្តមានរបស់ Techo Airport International គឺបង្ហាញយ៉ាងច្បាស់ថា កម្ពុជាអ្វីក៏អាចធ្វើបាន ហើយនឹងមានការរីកចំរើនលើគ្រប់វិស័យ ពិសេសគឺវិស័យអាកាសចរនៅក្នុងពេលនេះ។

លោកឧកញ៉ាថា គឺជារឿងដែលមោទនភាពដ៏ធំដែលកម្ពុជាអាចស្ថាបនាបានព្រលាននេះ ហើយអ្វីដែលកាន់តែធ្វើអោយលោកឧកញ៉ាបង្ហាញនូវមោទនភាពមិនអាចកាត់ថ្លៃបានទៅទៀត គឺព្រលានមួយនេះបានជ្រើសរើសផលិតផលជាច្រើនមុខពីបូទីកា ដែលជាក្រុមហ៊ុនផលិតដោយស្នាដៃកូនខ្មែរ នឹងជារបស់លោក ដែលអាចអោយផលិតផលរបស់លោក បានរួមចំណែកក្នុងសាងសង់ហេដ្ឋារចនាសម្ព័ន្ធនៅក្នុងព្រលាននេះទាំងមូល ដោយរាប់បញ្ចូលទាំងការផ្គត់ផ្គង់គ្រឿងបរិក្ខា និង ផលិតផលផលិតដោយកូនខ្មែរជាច្រើនមុខ ដូចជា ស៊ីម៉ង់ ម៉ាប ផលិតផលការពារជម្រាបទឹក និង ផលិតផលជាច្រើនទៀត ដែលព្រលានយន្តហោះថ្មីនេះ បានជ្រើសយកមកប្រើប្រាស់ ដែលបញ្ជាក់យ៉ាងច្បាស់ថា កូនខ្មែរនាពេលបច្ចុប្បន្នក៏មានសមត្ថភាពអាចផលិតបាននូវសម្ភារៈ និង ផលិតផលស្ដង់ដាររាប់មិនអស់ ដោយមិនចាំបាច់អោយវិស្វករជំនាញត្រូវចំណាយខ្ពស់នាំចូលផលិតផលមកពីប្រទេសខាងក្រៅ នៅពេលស្ថាបនា ឬ សាងសង់គម្រោងធំៗ ដូចជាព្រលានយន្តហោះ តេជោ នេះជាដើម។

ក្រៅពីកោតសរសើរចំពោះស្នាដៃថ្មី ដែលទើបដំណើរការ លោកឧកញ៉ា ក៏បង្ហាញជំហរមិនរិះគន់លើសកម្មភាពរបស់លោកតាលោកយាយ ដែលបានសម្រុកមកទស្សនានៅព្រលានច្រើនៗជារៀងរាល់ថ្ងៃ ដែលកំពុងផ្ទុះការវែកញែកនៅលើបណ្ដាញសង្គម។ លោកឧកញ៉ា បានគូសបញ្ជាក់ថា ចំពោះសកម្មភាពរបស់លោកតាលោកយាយ គួរតែមានការលើកទឹកចិត្ត និង កោតសរសើរពីការចំណាយធនធានរបស់ពួកគាត់ ព្រោះតែចង់ឃើញព្រលានដ៏អស្ចារ្យនេះជំនួសវិញ ព្រោះបើពួកគាត់មិនរំភើប មិនចូលរួមអបអរ ប្រហែលជាបងប្អូនខ្មែរទាំងនោះ មិនខំចំណាយធនធាន និង ពេលវេលាមកលេងដល់ទីតាំងយ៉ាងកកកុញជារៀងរាល់ថ្ងៃបែបនេះនោះទេ។ លោកឧកញ៉ាក៏បានប្រកាសជំហរចំពោះការបន្តធ្វើពហិកាមិនប្រើផលិតផលរបស់ពួកផ្ទះលេខ២ដូចគ្នានឹងបងប្អូនកូនខ្មែរផងដែរ ដោយចាត់ទុកថា គឺជាឱកាសអាចអោយបណ្ដាម្ចាស់សិប្បកម្ម និង រោងចក្រឧស្សាហកម្មទាំងអស់ បានបញ្ចេញស្នាដៃ និង ជំនួសអោយផលិតផលសៀម ដែលខ្មែរប្រកាសមិនប្រើប្រាស់។ លោកឧកញ៉ាថា បើខ្មែរសាមគ្គីគ្នាបានល្អ មិនយូរទេសេដ្ឋកិច្ចខ្មែរនឹងខ្លាំង ហើយសមិទ្ធិផលធំៗ ដូចគ្នានឹងព្រលានថ្មីនេះ ក៏នឹងបន្តការលេចឡើងជាបន្តបន្ទាប់ផងដែរ ដោយសារតែចរន្តលុយ ដែលខ្មែរចរាចរទិញដូរគ្នាទៅវិញទៅមក មិនហូរចេញក្រៅ។

ឧកញ៉ា ចេង ខេង អគ្គនាយកក្រុមហ៊ុន CPL ដែលបានចុះចតក្នុងព្រលានថ្មី ជាមួយផងដែរ បានលើកឡើងថា គឺជាមោទនភាពធំណាស់ ដែលក្រុមហ៊ុនបូទីកា អាចផលិតបាននូវផលិតផលសំខាន់ៗជាច្រើនក្នុងវិស័យគ្រឿងសំណង់ និង សាងសង់ ដើម្បីចូលរួមអោយថ្នាក់ដឹកនាំជ្រើសយកមកប្រើ ក្នុងការសាងសង់ព្រលានយន្តហោះថ្មី និង សមិទ្ធិផលជាច្រើនទៀត នៅក្នុងប្រទេស ដែលបញ្ចៀសនូវការនាំចូល ដែលនាំអោយកម្ពុជាត្រូវហូរលុយចេញក្រៅ។ លោកឧកញ៉ាថា ផលិតផលកូនខ្មែរឥលូវមិនត្រឹមតែសំបូរបែបទេ សូម្បីគុណភាពក៏ស្តង់ដារដែរ ទើបត្រូវទទួលស្គាល់ដោយវិស្វករជំនាញ ហើយឈានដល់ការជ្រើសយកមកប្រើក្នុងការសាងសង់សមិទ្ធិផលធំៗ។ ជាមួយនឹងការរិះគន់ចំពោះលោកតាលោកយាយដែលត្រូវគេរិះគន់ថា បានបង្កអោយបរិយាកាសនៅក្នុងព្រលានថ្មីមិនមានសណ្ដាប់ធ្នាប់ លោកឧកញ៉ា បានបញ្ចេញទស្សនៈថា ធម្មតាសមិទ្ធិផលនៅក្នុងប្រទេសណាក៏ដោយ អោយតែទើបបង្ហាញថ្មី តែងតែមានមនុស្សឈូរឆរទៅមើលកកកុញ ដែលចលនាអ៊ូរអរទាំងនោះ រមែងត្រូវបានគេសម្គាល់ថា បណ្ដាលអោយខ្វះសណ្ដាប់ធ្នាប់។

ក្នុងនាមជាកូនខ្មែរ លោកឧកញ៉ាថា គួរតែលើកទឹកចិត្ត និង សាទរចំពោះវត្តមានរបស់ពួកគាត់ ដែលខំចំណាយធនធាន ហើយស្កាត់មកមើលដោយផ្ទាល់។ ផលោកឧកញ្ញា ក៏បង្ហាញនូវមោទនភាពផងដែរ ដែលកម្ពុជាអាចសម្រេចបាននូវព្រលានយន្តហោះថ្មីខ្នាតយក្ស និង ធំលំដាប់ទី៩នៅលើពិភពលោក ដែលបង្ហាញថាកម្ពុជា កំពុងតែមានការរីកចំរើន និង អាចប្រកួតប្រជែងក្នុងតំបន់បានជាប្រវត្តិសាស្ត្រ សម្រាប់វិស័យអាកាសចរណ៍។

ពួកយើងបន្តស្វែងរកជំនួយ សម្រាប់ការចុះទៅផ្ទាល់ នៅសប្ដាហ៍ក្រោយ។ ពេលា និង ទិសជាក់លាក់ ជូនដំណឹងនៅពេលមានទំហ៊ំកញ្ចប់មូលនិធិច្បាស់លាស់

សំណព្វ — Sat, 02 Aug 2025 03:24:52 +0000

https://www.facebook.com/share/v/19C5GJAEGg/
https://www.facebook.com/share/v/1NGqYdNFoc/
https://www.facebook.com/share/v/1JP1oxC8QV/
https://www.facebook.com/share/v/19FjFhyvxS/

កាលពីថ្ងៃទី២៩ កក្កដា ឆ្នាំ២០២៥ មូលនិធិផ្ទះតារា ដឹកនាំសិល្បករ និង ជំនួយ រួមមានស្បៀងអាហារ គ្រឿងឧបភោគបរិភោគ ទឹកសុទ្ធ មី មីកំប៉ុង អាល់កុល អាហារក្រៀម ត្រីងៀត ប្រហុក ផ្អក ឆៃប៉ូវផ្អែមប្រៃ សាច់ផាត់ តង់ ហតដក ទឹកដោះ ខោទឹកនោម (Juju & Poney) សាប៊ូកក់សក់ ទឹកត្រី ទឹកស៊ីអ៊ីវ ថ្នាំដុសធ្មេញ សាប៊ូដុសខ្លួន កៅអៀក ធូបមូស សំឡីអនាម័យ សំលៀកបំពាក់ អាវភ្លៀង ចង្ក្រានហ្គាស់ ម៉ាស់ កន្សែង នំប៉័ង ស្ករគ្រាប់ នំកូនក្មេង សាច់ប្រឡាក់ បារី ម្សៅកូនក្មេង ខោអាវឈុត ទៅកាន់សមរភូមិមុខ នៅតំបន់អូរស្មាច់ ក្នុងខេត្តឧត្តរមានជ័យ ដោយជួយស្បៀង និង សម្ភារៈជូនកងទ័ពបានចំនួន៧ទីតាំង នៅលើភ្នំ ជួយពលរដ្ឋបានមួយចំនួន និង ជួយបងប្អូនរត់ភាសឹកក្នុងមួយកន្លែងៗ បានចំនួនជាង១០០គ្រួសារ នៅវត្តអទ្វារ និង វត្តអារញ្ញសាគរ ក្នុងខេត្តសៀមរាប។

សមាសភាពសិល្បករចូលរួម
លោក ផាត់ តារារដ្ឋ ស្ថាបនិកគ្រួសារតារាកម្ពុជា
លោក រុន ណាកូ តារាសម្ដែង
អ្នកនាង ស្វែង សុជាតា តារាសម្ដែង
អ្នកនាង ប៉េងប៉ោង តារាកំប្លែង
អ្នកនាង និន សុធារ៉ា តារាសម្ដែង
លោកជំទាវ រីយ៉ា ត្រាណេ សិល្បករ
កញ្ញា វង្ស សុម៉ាលីន ក្រុមការងារ
អ្នកនាង យិន ស្រីពៅ តារាសម្ដែង
អ្នកនាង ពេជ្រ មុន្នីតាក់វ៉ាន់ តារាសម្ដែង
អ្នកនាង លីអាឡិចសាន់ដ្រា តារាម៉ូដែល
កញ្ញា ស្ករ ស តារាសម្ដែង
លោកគ្រូពេទ្យ វ៉ន កុម្ភៈ តារាសម្ដែង
កញ្ញា ឈុំភួយ តារាសម្ដែង
បងស្រីមុំ អ្នកនាំផ្លូវ
កញ្ញ៉ា អ៊ុក ដារ៉េត តារាសម្ដែង
លោក ទួន ប៉ារីស តារាសម្ដែង
កញ្ញា សាវ៉ន តារាកំប្លែង
លោក ឱម ពីណែល ក្រុមការងារ
អមដោយសិល្បករ និង ក្រុមការងារជាច្រើនទៀត

សមាសភាពម្ខាស់ជំនួយធំៗ
មូលនិធិផ្ទះតារា
ម្ចាស់អាក់ខោន អ្នកណា ជា ខ្ញុំ (មករា)
ម្ចាស់ផេក 7Fashion Store 2
លោកស្រី មករា សប្បុរសជន
អ្នកនាង សម្បត្តិ ស្រីពេជ្រ តារាសម្ដែង
មូលនិធិ Bro Kheang ក្រុមពលករប្រទេសជប៉ុន
ម្ចាស់ហាងលក់ម៉ូតូសុលាភ
ម្ចាស់អាក់ខោន Savon Mechai នៅប៉ោយប៉ែត
លោកស្រី En Sokny ម្ចាស់ប្រេន ESN
ខោទឹកនោម និង សាប៊ូកូនក្មេង Juju & Poney
CEO XPlus
ប្អូនស្រី សឿន ផានផាភួង
ក្រុមហ៊ុន សម្បត្តិ Online
អ្នកស្រី ពៅ រដ្ឋា តារាសម្ដែង
មូលនិធិ លោកស្រី ទ្រី សោភា
សមាគមស្នាមញញឹមកុមារនៃក្ដីសង្ឃឹម ជួយរថយន្តក្រុងធ្វើដំណើរទៅមក
ម្ចាស់ហាង សែនសប្បាយហ្គោលឌិន ខាងក្រោយស្ដាតចាស់ ខេត្តសៀមរាប ដែលផ្ដល់អាហារពេលរាត្រីមួយពេល
លោកស្រី មករា ដែលជួយថ្លៃស្នាក់នៅ នៅសណ្ឋាគារផ្កាយ៥ ចំនួន១០បន្ទប់
មូលនិធិ លោក Nong Rithy ពីសហរដ្ឋអាមេរិក
មូលនិធិ បងស្រី មុំ នៅសៀមរាប

ផ្ទះតារា នឹងបន្តចុះជួយដល់បងប្អូនកងទ័ព នៅសមរភូមិមុខ។ បងប្អូនអាចបរិច្ចាគតាមរយៈតេលេក្រាម 089 25 36 36 និង តាមរយៈ QR Code មូលនិធិ Phat Dararath 070278585

កងទ័ពជូមុខនៅប្រសាទតាមាន់ធំ ទទួលបានកាក់ត្រៃភពតេជៈលោកឪសាន្ត

សំណព្វ — Wed, 09 Jul 2025 10:23:42 +0000

យោងតាមការបង្ហោះរបស់លោកគ្រូ នីរាន្ត និង ក្រុមការងារ លោកគ្រូ និង ក្រុមហ៊ុនម៉ាហ៊ូ បាននាំយកកាក់ត្រៃភពតេជៈ ដែលជាកាក់យន្តដ៏ស័ក្តសិទ្ធិរបស់លោកឪសាន្ត និង អំណោយជាច្រើន យកទៅប្រគល់ជូនកងទ័ពជួរមុខ នៅប្រាសាទតាមាន់ធំ។

កាក់ថាមពលនេះ ត្រូវបានគេចាត់ទុកថាមានថាមពលពិសេសមួយ តាមទម្រង់បុរាណ ដែលដូនតាខ្មែរធ្វើឡើងតាមដំណើរផ្កាយ ហើយអាចបញ្ជៀសនូវរឿងរ៉ាវមិនល្អជាច្រើន ដូចជាវិទ្យុសកម្ម ជួយសុខភាពអ្នកពាក់ និង ជួយអោយគេចចេញពីគ្រោះថ្នាក់ផ្សេងៗ ដែលអ្នកប្រើប្រាស់ជាប្រចាំថ្ងៃ ទើបដឹង។ ក្នុងនោះ ក្រុមហ៊ុនម៉ាហ៊ូ និង សប្បុរសជន ក៏បាននាំយកនូវអំណោយជាច្រើន យកទៅប្រគល់ជូនផងដែរ។

ប្រជាពលរដ្ឋជាង300គ្រួសារ មកទទួលអំណោយពីលោកជំទាវឧកញ៉ា កែវ មុំ និង ម្ចាស់ជំនួយមកពីសិង្ហបុរី

សំណព្វ — Mon, 17 Mar 2025 08:00:02 +0000

កាលពីព្រឹកថ្ងៃទី១៧ មីនា ឆ្នាំ២០២៥ លោកជំទាវឧកញ៉ា កែវ មុំ ស្ថាបនិកនំស្រួយលីលី បានដឹកនាំថ្នាក់ដឹកនាំ និង ក្រុមការងាររបស់សមាគម Save Life មកពីប្រទេសសិង្ហបុរី ដើម្បីចែកអំណោយជូនពលរដ្ឋរហូតដល់ជាង៣០០គ្រួសារ នៅវត្តភ្នៀត ដោយមានព្រះគ្រូព្រះចៅអធិការវត្តជាអ្នកសម្របសម្រួល។ ក្នុងឱកាសនោះ លោកជំទាវឧកញ៉ា ក៏បានប្រគល់ជូននូវអំណោយ និង ថវិកាផ្ទាល់ខ្លួនរបស់ក្រុមហ៊ុននំស្រួយលីលី ប្រគល់ជូនបន្ថែមពីលើសមាគម Save Life របស់ប្រទេសសិង្ហបុរីផងដែរ។

លោកជំទាវឧកញ៉ា កែវ មុំ បានចាត់ទុកថា នេះគឺជាទឹកចិត្តដ៏ប្រពៃរបស់ជនជាតិសិង្ហបុរី ដែលបានពាំនាំនូវជំនួយពីសប្បុរសជននានា ហើយបានសហការជាមួយលោកជំទាវ ដើម្បីជាប្រយោជន៍ដល់បងប្អូនខ្មែរទាំងជាង៣០០គ្រួសារ ដែលបានមកទទួលអំណោយនៅក្នុងពេលនេះ។ ជាគម្រោង លោកជំទាវ និង សមាគម Save Life ក៏នឹងបន្តចុះចែកអំណោយជាច្រើនកន្លែងទៀត ពិសេសគឺនឹងចែកកង់ ជូនដល់អ្នកខ្វះខាត មុនពេលបេសកកម្មរបស់ក្រុមសមាគម Save Life ត្រូវត្រលប់ទៅប្រទេសសិង្ហបុរីវិញផងដែរ។ លោកជំទាវថា ការចែករំលែកគឺជារឿងដ៏សំខាន់ ដូច្នេះក្រៅសកម្មភាពចុះចែកដោយផ្ទាល់នូវធនធានផ្ទាល់ខ្លួន ដូចដែលបានឃើញកន្លងមក លោកជំទាវឧកញ៉ា ក៏នឹងគៀងគរជនបរទេស អោយមកចូលរួមដូចគ្នានេះ អោយបានកាន់តែច្រើននាពេលបន្តបន្ទាប់ទៀត។

ភាពយន្តរឿង « បណ្ដាសានាងរាត្រី » របស់ផលិតកម្ម LD កំពុងផ្ទុះអ្នកទស្សនា នៅលើ App Angkor DC

សំណព្វ — Sat, 15 Mar 2025 16:57:51 +0000

ភាពយន្តដ៏រន្ធត់ ព្រឺព្រួច ដែលទទួលបានការគាំទ្រពីសំណាក់អ្នកស្នេហាវិស័យកុនបានទទួលស្គាល់ពីគុណភាព និង ចំនួនអ្នកទស្សនាលើសលប់នៅតាមបណ្ដារោងកុនរួចមកហើយ ឥឡូវនេះរឿង « បណ្ដាសារនាងរាត្រី » កំពុងដាក់បញ្ចាំងជាថ្មីម្ដងទៀតនៅក្នុង App Angkor DC ហើយ។

ភាពយន្តរន្ធត់នេះផងដែរ សង្កេតឃើញថាមានការចូលរួមសម្ដែងពីសំណាក់វត្តមានតារាកិត្តិយសល្បីៗជាច្រើនរូប ពិសេសនោះគឺព្រះរាជវត្តមាន ព្រះនាងតូចនរោត្តម ជេនណា, តារាសម្ដែងប្រុសជនជាតិភូមាលោក ប៉ៃ តាកន, កញ្ញា ស៊ីន យូប៊ីន , កុមារី ម៉ានីកា និង តារាកិត្តយសប្រុសស្រីល្បីៗជាច្រើនរូបផ្សេងទៀត។

ការប្រកួត បាល់ទាត់មិត្តភាព កម្ពុជា-ថៃ ធ្វើអោយកក្រើកពហុកីឡដ្ឋានជាតិអូឡាំពិក

សំណព្វ — Mon, 10 Mar 2025 03:57:05 +0000

កាលពីថ្ងៃទី ៨ ខែ មីនា ឆ្នាំ ២០២៥ មុននេះ មហាព្រឹត្តិការណ៍ ប្រវត្តិសាសការប្រកួតបាល់ទាត់មិត្តភាពកម្ពុជា-ថៃ អបអរសាទរខួប លើកទី៧៥ នៃការបង្កើតទំនាក់ទំនងការទូតរវាងព្រះរាជាណាចក្រកម្ពុជា និង ព្រះរាជាណាចក្រថៃ បានបញ្ចប់ទៅដោយរលូន ក្រោមអធិបតីភាពដ៏ខ្ពង់ខ្ពស់ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និង ឯកឧត្តម ម៉ារីស សាងៀមផុង្ស រដ្ឋមន្ត្រីក្រសួងការបរទេស នៃព្រះរាជាណាចក្រថៃ ។

ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរបានចូលរួមជាគណអធិបតី និង បានប្រកាសអំពីសមាសភាពក្រុមកីឡាករដែលបានចូលប្រកួតនៅពហុកីឡដ្ឋានជាតិអូឡាំពិកកម្ពុជា នៅក្នុងមហាព្រឹត្តិការណ៍ដ៏អស្ចារ្យនេះរួមមាន៖

ប្រកួតទី១: ក្រុមបាល់ទាត់គុនខ្មែរ vs ក្រុមបាល់ទាត់មួយថៃ
ប្រកួតទី២: ក្រុមបាល់ទាត់តារាកម្ពុជា vs ក្រុមបាល់ទាត់តារាថៃ
ក្រុមតារាល្បីៗរួមមាន តារាសម្តែង តារាចម្រៀង តារាម៉ូដែល YouTuber, Vlogger, តារាTikTok នៃប្រទេសកម្ពុជា និងប្រទេសថៃ ព្រមទាំងកីឡាករប្រដាល់គុនខ្មែរ កីឡាករប្រដាល់មួយថៃ បានធ្វើការប្រកួតបាល់ទាត់នៅលើវាលស្មៅពហុកីឡដ្ឋានជាតិអូឡាំពិក ដើម្បីបង្ហាញពីវប្បធម៌កីឡានាំមកនូវមិត្តភាព សាមគ្គីភាព និងទំនាក់ទំនងការទូតល្អរវាងប្រទេសទាំង២ និងវប្បធម៌នៃការរស់នៅប្រកបដោយសុខសន្តិភាព ក្រោមម្លប់ព្រះធម៌នៃព្រះពុទ្ធិសាសនា ក្នុងនាមជាប្រជាជាតិនៃសហគមន៍អាស៊ានតែមួយ។

ជាលទ្ធផល ថ្វីបើការប្រកួតលើកនេះគឺជាលក្ខណៈមិត្តភាព មិនសម្រុកយកចាញ់ឈ្នះ កីឡាករទាំងពីរភាគី ខ្មែរ-ថៃ គឺលេងបែបបច្ចេកទេស គោរពគោលការណ៍ តាមជំនាញរៀងៗខ្លួន ពីព្រោះជាធម្មតាការប្រកួតតែងតែមានចាញ់មានឈ្នះ និង មិនមានការរៀបចំឱ្យខាងភាគីណាចាញ់ឬឈ្នះ ដាក់ពិន្ទុដោយយុត្តិធម៌ ដើម្បីបង្កើតវប្បធម៌សន្តិភាព និង រឹតចំណងមេត្រីភាពតាមរយៈវិស័កីឡា ដោយបញ្ជ្រៀតជាមួយនឹងមាគ៌ាព្រះធម៌ ពុទ្ធឱវាទ ក្នុងនាមជាពុទ្ធសាសនិករួមសាសនាតែមួយ។

មិនសរសើរមិនបាន!មានទឹកចិត្តណាស់ ឯកឧត្តម គង់ សោភ័ណ្ឌ បរិច្ចាគថវិកា១ពាន់ដុល្លារ ក្នុងការសាងសងក្លោងទ្វារសាលា តាមរយៈឯកឧត្តម តាំង សុខឃី

សំណព្វ — Thu, 06 Mar 2025 18:53:49 +0000

បន្ទាប់ពីបានទស្សនាវីដេអូ ពីសកម្មភាពប្រគល់ថវិកាជាង១ម៉ឺនដុល្លារជូនដល់សាលាភូមិថ្មី នៅខេត្តកំពង់ស្ពឺ កសាងជាខ្លោងទ្វារ របស់ឯកឧត្តម តាំង សុខឃី និង លោកជំទាវ ទ្រី ចិន្តា ឧត្តមក្រុមប្រឹក្សាផ្ទាល់សម្ដេចព្រះសង្ឃរាជ បួរ គ្រី និង ជាអគ្គនាយកអគ្គនាយិកាក្រុមហ៊ុន ឃី ចិន្តា ឌីវេឡុបម៉ិន ឯ.ក ឯកឧត្តម គង់ សោភ័ណ្ឌ រដ្ឋលេខាធិការក្រសួងមហាផ្ទៃ ក៏ទាក់ទងមកដោយផ្ទាល់ ទៅកាន់ឯកឧត្តម តាំង សុខឃី ដោយបានបរិច្ចាគថវិកាចំនួន 1000$ ( មួយពាន់ដុល្លា )

ក្នុងការកសាងរបងសាលាបឋមសិក្សា ភូមិថ្មី មិត្តភាព កម្ពុជា ជប៉ុន បន្ទាប់ពីបានឮនៅក្នុងវីដេអូ តារារដ្ឋ TV ថា ឯកឧត្តមកំពុងពិចារណារឿងជួយកសាងរបងសាលា បន្ទាប់ពីសាលាទទួលបាន ក្លោងទ្វារជាផ្លូវការ។ ឯកឧត្តម តាំង សុខឃី បានបង្ហាញនូវអារម្មណ៍រំភើប ដែលឯកឧត្តម គង់ សោភ័ណ្ឌ ក្នុងនាមជាថ្នាក់ដឹកនាំមួយរូប បានយកចិត្តទុកដាក់ចំពោះសកម្មភាពរបស់ក្រុមហ៊ុន ឃី ចិន្តា ហើយក្រោយពីឯកឧត្តម គង់ សោភ័ណ្ឌ បរិច្ចាគជួយតាមរយៈឯកឧត្តមនេះ ឯកឧត្តមផ្ទាល់នឹងប្ដេជ្ញាគៀងគរសប្បុរសជន និង បរិច្ចាគថវិកាផ្ទាល់ ដើម្បីជួយកសាងរបងដល់សាលានេះតាមការស្នើសុំហើយ បើទោះជាក្នុងពិធីបុកគ្រឹះកសាងក្លោងទ្វារ ឯកឧត្តម ត្រឹមតែអះអាងថា នឹងពិចារណាសំណើររបស់នាយកសាលា។
ឲ
ឯកឧត្តម ក៏សូមអំពាវអោយមានការចូលរួមបរិច្ចាគជួយដល់របងសាលាមួយនេះ ពីគ្រប់ទិសទី ដើម្បីរួមចំណែកបុណ្យរួមគ្នា និង ជួយអោយសាលានេះ ទទួលបានទាំងក្លោងទ្វារ និង របងព្រមគ្នា ជាប្រយោជន៍ដល់សិស្ស និង លោកគ្រូអ្នកគ្រូ។