ព័ត៌មានបច្ចេកវិទ្យា – Post News Cambodia

កំពូលស្មាតហ្វូនស៊េរីថ្មី HONOR Magic6 Pro 5G យុគ្គសម័យ AI កាមេរ៉ា 180MP ដាក់លក់ក្នុងតម្លៃត្រឹមតែ 999$ ថែមកាដូសរុបតម្លៃ 317$

សំណព្វ — Sat, 27 Apr 2024 06:35:22 +0000

ភ្នំពេញ៖ ក្រុមហ៊ុន HONOR ប្រចាំប្រទេសកម្ពុជាដាក់សម្ពោធ កំពូលស្មាតហ្វូនឆ្លាតវៃស៊េរីថ្មី HONOR Magic6 Pro 5G បំពាក់នូវកាមេរ៉ា AI 180MP ហ្សូមបាន 100X ដំបូងគេបង្អស់ក្នុងតម្លៃត្រឹមតែ 999$ ថែមកាដូ នាឡិកាឆ្លាតវៃ HONOR Watch GS3, Wireless Charge, Premium Case និងScreen សរុបជាសាច់ប្រាក់ 317$ ផ្អើលអស់ម្ចាស់ហាង ដៃសហការ និងបណ្តាអ្នកសារព័ត៌មាន នៅ Morgan Tower ជាន់ទី47 កាលពីយប់មិញនេះ។

ចាប់ពីថ្ងៃទី 26 មេសា រហូតដល់ 02 ឧសភា 2024 អតិថិជនអាចកម្ម៉ង់កំពូលស្មាតហ្វូនស៊េរីថ្មី HONOR Magic6 Pro 5G នៅតាមបណ្តាហាងលក់ទូរស័ព្ទនានាទូទាំងប្រទេសក្នុងតម្លៃត្រឹមតែ 999$ នឹងទទួលបានកាដូសរុបតម្លៃ 317$ ភ្លាមៗ។

ថ្លែងនៅក្នុងកម្មវិធី លោក ថង សារី នាយកគ្រប់គ្រងទូទៅរបស់ក្រុមហ៊ុន YAKO TECHNOLOGY (CAMBODIA) CO., LTD. ដែលជាតំណាងចែកចាយផ្តាច់មុខទូរសព្ទដៃ HONOR ប្រចាំប្រទេសកម្ពុជា បានបង្ហើបឲ្យដឹងថា វត្តមានស្មាតហ្វូនស៊េរីថ្មី HONOR Magic6 Pro 5G យុគ្គសម័យ AI កាមេរ៉ា នឹងផ្តល់នូវបទពិសោធដ៏អស្ចារ្យ ជាមួយនឹងកាមេរ៉ាថតរូបបែបAI ស្រស់ស្អាតដូចចិត្តចង់ លែងធ្ងរ លែងរអ៊ូរទាំ លែងបារម្ភ ភ័យខ្លាចរូបថតមិនស្អាតទៀតហើយ ជាមួយនឹង យុគ្គសម័យAI កាមេរ៉ាទំហំ 180MP។

HONOR Magic6 Pro 5G ដែលត្រូវបានក្រុមហ៊ុនសម្រិតសម្រាងជាមួយនឹងរចនាបថ ទំនើបស៊ីវិល័យ ទាន់សម័យកម្រិត Flagship Design ជាមួយនឹងបច្ចេកវិទ្យាAI ឆ្លាតវៃ សម្បូរបែប AI Motion Sensing Capture ជាមុខងារចាប់យករូបភាពដែលមានចលនាលឿនបំផុត បានយ៉ាងច្បាស់ដោយស្វ័យប្រវត្តិ មានកាមេរ៉ាក្រោយបីគ្រាប់ដែលកាមេរ៉ាមេមានទំហំ 50MP (f/1.4-f2.0, OIS) សម្រាប់ថតប្លង់ទូទៅ អាចកែ (Adjust) ពន្លឺទាំងយប់ទាំងថ្ងៃដោយស្វ័យប្រវតិ្ត (1/1.3-inch) និងថតរូប Portrait 2.5X-5X ដូចកាមេរ៉ាអាជីព មានមុខងារ Color Video LOG/LUT សម្រាប់ Vloger។

កាមេរ៉ាទី2 ទំហំ 50MP Ultra Wide (f/2.0) សម្រាប់ថតប្លង់ទូលាយ ថតរូបមនុស្សឃើញខ្ពស់ស្រឡះល្អ និង កាមេរ៉ាទី3 ទំហំ 180MP Periscope Telephoto ( f/2.6, 2.5x Optical Zoom) អាចហ្សូមបានរហូតដល់ 100X (Digital Zoom) ជាមួយនឹងបច្ចេកវិទ្យាទប់លំនឹង OIS ជាពិសេសអាចថតវីដេអូកម្រិត4K ថែមទៀតផង។ ចំណែកកាមេរ៉ាមុខមានទំហំ 50MP (f/2.0) ផ្គួបនឹង 3D Depth កាមេរ៉ា ងាយស្រួលសម្រាប់ការថតស៊ែលហ្វីបានច្បាស់ស្អាតល្អ ទ្រទ្រង់ការថតវីដេអូស៊ែលហ្វីកម្រិត 4K និង Face Unlock បានលឿនរហ័ស សុវត្ថិភាព មិនថានៅទីងងឹតខ្លាំង ដោយបច្ចេកវិទ្យា (biometrics sensor)។

លោក Jerry Thai អគ្គនាយកក្រុមហ៊ុន និងជាស្ថាបនិកអាជីវកម្ម ប្រាប់ចំៗ (BrabChomChom) បានបង្ហាញនូវរូបភាព ដែលបានផ្តិតដោយ កំពូលស្មាតហ្វូនស៊េរីថ្មី HONOR Magic6 Pro 5G ប្រកបដោយគុណភាពច្បាស់ស្អាតកម្រិតអាជីព ជាអំណះអំណាងជាក់ស្តែងនឹងភ្នែក ធ្វើឲ្យម្ចាស់ហាង ភ្ញៀវកិត្តិយស និង ហ្វេនៗ ស្ញើចសរសើរភ្ញាក់ផ្អើល នូវសមត្ថភាព AI កាមេរ៉ារបស់កំពូលស្មាតហ្វូនស៊េរីថ្មីនេះមិនដាច់ពីមាត់។

ទន្ទឹមនឹងនេះ លោក John Sey ជាអ្នកផលិតមាតិកាលើបណ្តាញសង្គម (Top Reviewer) បានសង្កត់ធ្ងន់ៗថា HONOR Magic6 Pro 5G គឺស័ក្តសមសម្រាប់អ្នកស្រឡាញ់ការថតរូប ថតវិដេអូកម្រិតអាជីព និងជាពិសេសអ្នកដេញទាន់យុគ្គសម័យAIកាមេរ៉ា។

ស្មាតហ្វូនស៊េរីថ្មី HONOR Magic6 Pro 5G លើកនេះ ត្រូវបានក្រុមហ៊ុនធ្វើកំណែរអាប់ដេត Magic Portal ដែលជាមុខងារ AI អនុញ្ញាតឲ្យអ្នកប្រើប្រាស់ ចូលទៅកាន់ Navigate (Drag to Navigate), ចូលទៅកាន់កំណត់ចំណាំ (Drag to Notes), ចែករំលែក (Drag to Share), ផុស (Drag to Post), និង ស្វែងរក (Drag to Search) កាន់តែឆ្លាតវៃ។

HONOR Magic6 Pro 5G បំពាក់នូវអេក្រង់ដែកថែប 6.8” ធន់នឹងការធ្លាក់ជាងមុន10ដង ភ្ជាប់បច្ចេកវិទ្យាប្រព័ន្ធការពារភ្នែក200% 4320Hz PWM dimming ដែលទទួលស្គាល់ដោយ Dolby VISION និង HDR Vivid មានថាមពលថ្មធំទំហំ 5600 (HONOR Gen 2nd Silicon-carbon Battery) សាកត្រឹមតែ 40 នាទី បាន100% ពេញ ជាមួយនឹងបច្ចេកវិទ្យាសាកថ្មលឿនរហ័សទាន់ចិត្ត 80W និង Wireless Charger 66W។ កាន់តែអែម HONOR Magic6 Pro 5G មានប្រព័ន្ធការពារជម្រាបទឹក IP68 ប្រតិបត្តិការណ៍ដោយ បំពាក់បន្ទះឈីប Snapdragon 8 Gen3 បច្ចេកវិទ្យា 5G (HONOR C1+Chipset) ចាប់សេវ៉ាលឿនដូចផ្លេកបន្ទោរ។

កំពូលស្មាតហ្វូនស៊េរីថ្មី HONOR Magic6 Pro 5G យុគ្គសម័យAI កាមេរ៉ា មានពីរពណ៌សម្រាប់ជ្រើសរើសគឺ ពណ៌បៃតងខ្ចី និងពណ៌ខ្មៅ។ សម្រាប់អតិថិជនដែលចាប់អារម្មណ៍អាចកម្ម៉ង់ទុកមុនបានចាប់ពីថ្ងៃនេះរហូតដល់ថ្ងៃទី02 ឧសភា 2024 ក្នុងតម្លៃត្រឹមតែ 999$ ថែមកាដូសរុបតម្លៃ 317$ ភ្លាមៗ។ ប្រញាប់ឡើងសូមកុំឲ្យឱកាសល្អនេះកន្លងផុតដោយងាយៗ។

ក្រុមហ៊ុនហួវៃ និង លីសា ម៉ម ចាប់ដៃគ្នា ផ្តល់វគ្គសិក្សាគំនូរឌីជីថលលើ HUAWEI MatePad 11.5″ ដោយឥតគិតថ្លៃដល់យុវជនកម្ពុជា

សំណព្វ — Sat, 02 Mar 2024 14:38:21 +0000

បន្ទាប់ពីជោគជ័យដាក់លក់ HUAWEI MatePad 11.5″ ប្រើ Office Liceince ពេញមួយជីវិត ស្រាប់តែពេលនេះ ក្រុមហ៊ុនហួវៃ បានចាប់ដៃជាមួយ វិចិត្រករ លីសា ម៉ម ផ្តល់វគ្គសិក្សាគំនូរបែបឌីជីថលលើកដំបូងលើ HUAWEI MatePad 11.5″ ដល់យុវជនកម្ពុជាដោយឥតគិតថ្លៃ នៅអគារពាណិជ្ជកម្ម Exchange Square ជាន់ទី18។
ដើមចមនៃការបង្កើតវគ្គសិក្សានេះឡើង ដោយសារតែចង់លើកស្ទួយវិស័យសិល្បៈគំនូរតាមបែបឌីជីថលទំនើប ក៏ដូចជាបំផុសគំនិតឲ្យយុវជនកម្ពុជាដែលស្រឡាញ់ការគូររូប គូរគំនូរ ងាកមកដេញឲ្យទាន់បច្ចេកវិទ្យាសម័យថ្មី។

កញ្ញា លីសា ម៉ម ជា វិចិត្រករគំនូរឌីជីថល និងជាវាគ្មិននៃកម្មវិធី វគ្គសិក្សាគំនូរឌីជីថលលើ HUAWEI MatePad 11.5″ បានឲ្យដឹងថា ការផ្លាស់ប្តូរមកគូររូបតាមបែបឌីជីថលលើ HUAWEI MatePad 11.5″ ធ្វើឲ្យយុវជនកម្ពុជាយើងអាចសន្សំសំចៃ វេលា ថវិកា និងបរិស្ថាន ពោលគឺ មានតែខ្មៅដៃវេទមន្ត Huawei M-Pencil និង ថេប្លេត HUAWEI MatePad 11.5″ ជាការស្រេច ចំណាយតែម្តងគឺគូររូបបានមួយជីវិត ពុំចាំបាច់ដោះដូរខ្មៅដៃច្រើនដឹង ចំណាយថវិកាទិញគូល័រផាត់ពណ៌ ក្រដាស ក្រណាត់ ឬក្តារឡើយ។ គំនូរតាមបែបឌីជីថល អនុញ្ញាតឲ្យយើងអាចប្រើប្រាស់នៅលើអនឡាញ ឬបោះពុម្ពនៅលើសម្ភារៈប្រើប្រាស់ប្រចាំថ្ងៃ តាមតម្រូវការ។

“គំនូរដៃ និង ឌីជីថល គឺសុទ្ធតែមានគុណតម្លៃដូចគ្នា គ្រាន់តែបច្ចុប្បន្នយើងស្ថិតនៅក្នុងសម័យឌីជីថល អាស្រ័យហេតុនេះ ក្រៅពីគំនូរដៃ នាងខ្ញុំ លីសា ម៉ម សូមលើកទឹកចិត្តឲ្យបងប្អូន គួរតែពង្រីក ឬអភវិឌ្ឈន៍ចំណេះជំនាញរគូររូបរបស់ខ្លួនតាមបែបឌីជីថលបន្ថែមទៀត ទើបអាចមានឱកាសការងារច្រើន។ ប្រសិនបើចង់ចាប់ផ្តើម អាចចាប់ផ្តើមជាមួយនឹង HUAWEI MatePad 11.5″ តម្លៃត្រឹមតែ $399 ប៉ុណ្ណោះ”។

សូមរំលឹកផងដែរថា Huawei MatePad 11.5’ មិនត្រឹមតែមានរូបតូចស្លីម ងាយ ស្រួលដាក់តាមខ្លួនប៉ុណ្ណោទេ ថែមទាំងបំពាក់នូវបច្ចេកវិទ្យាសម្បូរបែបរួមមានការប្រើកម្មវិធី Office License មួយវីជិត អាចTyping និងផ្លាស់ប្តូរហ្វុនអក្សរខ្មែរ Unicode ជាង300 Font លើក្តារចុច និងធ្វើបទបង្ហាញនៅក្នុង Power Point និង ចងរូបមន្តក្នុង Excel តាមតម្រូវការ ដូចកុំព្យូទ័រតែម្តង មានកម្មវិធី Huawei Note អនុញ្ញាតឲ្យ អ្នកប្រើប្រាស់អាចកូពីអក្សរចេញពីរូបភាព, វីដេអូ, ប្តូរអក្សរសរសេរដោយដៃទៅជា Text ដោយស្វ័យប្រវត្តិ និងថតសំឡេងក្នុងកម្មវិធី Note ថែមទៀត។

កម្មវិធីវគ្គសិក្សាគំនូរបែបឌីជីថលលើកដំបូងលើ HUAWEI MatePad 11.5″ មិនត្រឹមតែផ្តល់នូវបទពិសោធថ្មីសម្រាប់យុវជនយុវតីកម្ពុជា ទាក់ទងនឹងគំនូរតាមបែបឌីជីថលតែប៉ុណ្ណោះទេ តែថែមទាំងផ្តល់ឱកាសឲ្យបញ្ចេញស្នាដៃថែមទៀតផង។ ជាក់ស្តែងក្រុមហ៊ុនហួវៃបានស្វែងរកឃើញជើងខ្លាំង៦រូបដែលអាចគូរគំនូរតាមបែបឌីជីថលលើ Huawei MatePad 11.5” បានស្អាតជាងគេ ក្នុងរយៈពេលត្រឹមតែកន្លះម៉ោងប៉ុណ្ណោះ ក្រោមការដាក់ពិន្ទុយ៉ាងសុក្រិតពីវាគ្មិន លីសា ម៉ម។ សម្រាប់ថ្ងៃអនាគត ក្រុមហ៊ុនហួវៃ មិនត្រឹមតែប្តេជ្ញា ផ្តល់ជូននូវបច្ចេកវិទ្យាទំនើបឈានមុខគេសម្បូរបែបប៉ុណ្ណោះទេ តែថែមទាំងផ្តល់នូវវគ្គបណ្តុះបណ្តាលជាបន្តបន្ទាប់សម្រាប់អតិថិជន អ្នកគាំទ្រ និងហ្វេនៗរបស់ខ្លួន

ថែមទៀតផង។

កីឡាក ម៉េត បូរិន យកឈ្នះ តាំង សីហា បង្គោលក្រហម ដោយពិន្ទុ

សំណព្វ — Mon, 27 Nov 2023 05:57:07 +0000

មកទល់ម៉ោងនេះ គូរពិសេសរបស់ស្ថានីTV5 រវាង កីឡាក តាំង សីហា បង្គោលក្រហម និង ម៉េត បូរិន កីឡាកបង្គោលខៀវ ធ្វើអោយត្រូវអ្នកតាមដានទស្សនា កាលពីថ្ងៃទីអាទិត្យទី26 វិច្ឆិកា កន្លងទៅ ចាត់ទុកថាគឺជាគូពិសេសដែលល្អមើល និង វាយគ្នាទៅវិញទៅមក ដែលធ្វើអោយអ្នកទស្សនាជក់ចិត្តតាំងពីដើមទឹក ដល់រកឃើញលទ្ធផល។ ជាមួយនឹងលទ្ធផលកីឡាកបង្គោលខៀវ ម៉េត បូរិន យកឈ្នះតាំង សីហាបង្គោលក្រហម ដោយពិន្ទុ រឹតតែធ្វើអោយអ្នកណាៗ ក៏សរសើរថាប៉ុស្តិ៍លេខ៥ ពូកែជ្រើសរើសកីឡាករ ស្របពេលអ្នកគាំទ្រ ក៏ចង់ឃើញគណកម្មការប្រដាល់ ប៉ុស្តិ៍លេខ៥ អោយពួកគេជួបគ្នាជាថ្មីឆាប់ៗ ដើម្បីចង់ដឹងថាបើជួបគ្នាលើកក្រោយ ល្អមើលបែបនឹងទៀតឬទេ?

អ្នកទស្សនាជាច្រើនយល់ថា ប៉ុស្តិ៍លេខ៥ កំពុងលើកស្ទួយ និងលើកទឹកចិត្តអ្នកប្រដាល់គុនខ្មែរ កាន់តែល្អជាងមុន ដោយមិនជ្រើសតែអ្នកខ្លាំងដដែលៗ អោយឡើងប្រកួតយកតែលុយ ហើយកីឡាករដែលស្ថាប័ននេះជ្រើសមកមួយៗ គឺមានល្បីខ្លាំង ល្បីហើបៗ និង មិនសូវល្បីតែម្ដង តែបើនិយាយពីសមត្ថភាពប្រកួត គឺថាជក់ចិត្ត។

មិនយូរនោះទេ ដោយសារតែប៉ុស្តិ៍លេខ៥ ធ្លាប់មានប្រវត្តិរៀបចំប្រដាល់អន្តរជាតិ ដែលមានលក្ខណៈជាការប្រកួត ដណ្ដើមខ្សែក្រវាត់បែបនេះកក្រើកៗច្រើនលើកមកហើយ ដែលច្បាស់ណាស់ថា មិនយូរប៉ុន្មានគឺព្រឹត្តិការណ៍ដ៏កក្រើកមួយ នឹងកើតឡើងនៅប៉ុស្តិ៍លេខ៥ ដែលនឹងផ្ដល់អោយកីឡាករកម្ពុជា មានឱកាសបានបញ្ចេញសមត្ថភាព ហើយអាចទទួលបានតម្លៃខ្លួនខ្ពស់ពីការប្រកួត។

ស្ងាត់ៗ!ក្រុមហ៊ុន សេងហាន បើកបង្ហាញដៃគូរសហការ និង ចុះMOU ជាមួយក្រុមហ៊ុនកូរ៉េ រយៈពេលដល់….

សំណព្វ — Tue, 10 Oct 2023 15:53:19 +0000

កាលពីថ្ងៃទី10.ខែតុលា ឆ្នាំ2023មុននេះ ក្រុមហ៊ុនសេងហាន ខូអិលធីឌី បានសម្រេចចុះអនុស្សារណ:យោគយល់គ្នា (MOU) ជាផ្លូវការ ជាមួយក្រុមហ៊ុន Oppa Nuna Beauty Cosmetics Co..LTD & SENG HAN Co.LTD ដែលជាក្រុមហ៊ុននាំចូលផលិតផលគ្រឿងសំអាង ពីប្រទេសកូរ៉េសុទ្ធ100% យ៉ាងអធឹកអធម ដោយមានសិល្បករ និង ភ្ញៀវកិត្តិយសចូលរួមយ៉ាងច្រើនកុះករ។ MOU ដែលបានធ្វើឡើងនេះ ក្នុងបំណង២សំខាន់ៗ ទី២ ក្រុមហ៊ុនកូរ៉េ ត្រូវទទួលផ្គត់ផ្គត់រាល់គ្រឿងសម្អាង ដែលមានគុណភាពល្អជូនដល់ក្រុមហ៊ុនសេង ហើយក្រុមហ៊ុនសេងហាន ជាអ្នកចែកចាយក្នុងនាមជាដៃគូ ដោយកិច្ចព្រមព្រៀងនេះ គឺមានរយៈពេល៥ឆ្នាំ។

លោកជំទាវ ម៉ៃ សុម៉ាលី គឺជាតំណាងអោយក្រុមហ៊ុនសេងហាន ហើយក្រុមហ៊ុន អូបប៉ានូណា តំណាងដោយលោក ម៉ៅ អាលរីក ដែលជាអគ្គនាយកក្រុមហ៊ុន។ ក្នុងនោះក៏មានវត្តមាន BA សំខាន់ៗ ដែលរួមមាន លោកស្រី ចៅ មូលី ម្ដាយអ្នកនាង ចន ច័ន្ទលក្ខិណា និង តារាជាអ្នកតំណាងផ្សេងទៀត ចូលរួមជាសាក្សីផងដែរ។

លោកជំទាវ ម៉ៃ សុម៉ាលី អគ្គនាយិកាក្រុមហ៊ុនសេងហាន បានលើកឡើងថា នេះជាលើកទី១ ដែលក្រុមហ៊ុនសម្រេចចិត្តចាប់ដៃជាមួយក្រុមហ៊ុនផ្សេង ខណៈដែលក្រុមហ៊ុនក៏ទទួលជោគជ័យ ក្នុងវិស័យអនឡាញច្រើនឆ្នាំមកហើយ។ ហេតុផលនៃការសហការ គឺដោយសារតែក្រុមហ៊ុន Oppa Nuna គឺជាផលិតផលសុទ្ធរបស់កូរ៉េ១០០ភាគរយ តែម្ចាស់ក្រុមហ៊ុនបានយកចំណេញតិច ដែលអាចអោយអ្នកមានតម្រូវការផលិតផលកូរ៉េ អាចប្រើប្រាស់បាន។ ទី២ក្រុមហ៊ុនសេងហាន កន្លងមក មិនមានផលិតផលគ្រឿងសម្អាងចរាចរ និង ទី៣ ដោយសារតែគុណភាព និង ភាពស្របច្បាប់ របស់ Oppa Nuna។

លោក ម៉ៅ អេរិច ក៏ចាត់ទុកថា MOU ដែលបានធ្វើឡើងគឺសញ្ញាវិជ្ជមានផងដែរ ដោយសារក្រុមហ៊ុនរបស់លោក គឺជាផ្គត់ផ្គង់ផលិតផលស្ដង់ដារ ហើយក្រុមហ៊ុនសេងហាន គឺជាក្រុមហ៊ុនដែលមានភ្នាក់ងារលក់ទូទាំងប្រទេសរួចជាស្រេច ដែលងាយស្រួលពង្រីកទីផ្សារ។ ក្នុងនោះក្រុមហ៊ុនក៏មានយុទ្ធសាស្ត្របន្ថែម ដើម្បីអោយផលិតផលទាំងមូលទទួលការគាំទ្រ ដើម្បីអោយក្រុមហ៊ុនសេងហាន កាន់តែងាយវាយលុកទីផ្សារផងដែរ៕

ចែងចាំងដូចមាស ស្រាបៀរ អង្គរ រូបរាងថ្មី កាន់តែទាន់សម័យ កាន់តែប្រណីត

សំណព្វ — Thu, 25 May 2023 05:03:43 +0000

រាជធានីភ្នំពេញ ខែឧសភា ឆ្នាំ២០២៣៖ ស្រាបៀរ អង្គរ ដែលជាស្រាបៀរដ៏ពេញនិយមមួយ នៅក្នុងប្រទេសកម្ពុជា បានធ្វើឲ្យមហាជនភ្ញាក់ផ្អើល និងចាប់អារម្មណ៍យ៉ាងខ្លាំងចំពោះរូបរាងថ្មី ចែងចាំងដូចមាស ជាមួយនឹងរសជាតិថ្មីស្រស់។ ស្រាបៀរ អង្គរ ឥឡូវនេះ ត្រូវបានរចនាឡើងនូវរូបរាងថ្មី រំលេចពណ៌មាសចែងចាំងពន្លឺភ្លឺផ្លេកយ៉ាងស្រស់ស្អាតនៅលើសំបកកំប៉ុង និងដប ដែលបង្កប់នូវមោទកភាពជាតិ តាមរយៈការបង្ហាញនូវក្បាច់ខ្មែរ ដែលជាមរតកវប្បធម៌ដ៏មហស្ចារ្យរបស់ជាតិខ្មែរ។

កាលពីពេលថ្មីៗនេះ នៅសណ្ឋាគារ Hyatt Regency Phnom Penh «ស្រាបៀរ អង្គរ ចែងចាំងដូចមាស» ត្រូវបានសម្ពោធ និងបង្ហាញរូបរាងថ្មីជាផ្លូវការ ជាមួយនឹងរសជាតិថ្មីស្រស់ កាន់ តែទាន់សម័យ កាន់តែប្រណីត រសជាតិស្រទន់ឆ្ងាញ់ជាប់ចិត្ត ដែលជាជម្រើសដ៏ល្អសម្រាប់អ្នកនិយមស្រាបៀរ និងសក្តិសមសម្រាប់ការជួបជុំដ៏រីករាយគ្រប់កម្មវិធី ។

ការរចនារូបរាងថ្មីនេះ បានបន្ថែមភាពស្រស់ស្អាត និងគួរឲ្យទាក់ទាញមួយកម្រិតទៀតដល់រូបប្រាង្គប្រាសាទអង្គរវត្តដែលមានស្រាប់ និងរឹតតែបង្ហាញឲ្យឃើញកាន់តែច្បាស់ថា ស្រាបៀរ អង្គរ ជាស្រាបៀររបស់ប្រជាជនខ្មែរ ដែលតែងតែផ្សារភ្ជាប់ជានិច្ចទៅនឹងវប្បធម៌ប្រកប ដោយក្តីមោទនៈ ជាមួយនឹងការលើកកម្ពស់កេរដំណែល មរតក និងសម្បត្តិបេតិកភណ្ឌដ៏សម្បូរបែបរបស់កម្ពុជា។ ស្រាបៀរ អង្គរ រូបរាងថ្មី តំណាងឲ្យគុណភាពលំដាប់ខ្ពស់របស់ស្រាបៀរ អង្គរ និងការតម្កល់គុណតម្លៃខ្ពស់ចំពោះមរតកខ្មែរ ដែលជានិមិត្តរូបនៃភាពរីកចម្រើនឥតឈប់ឈរ និងភាពសុខដុមរមនាក្នុងជីវភាពរស់នៅប្រចាំថ្ងៃ។

ពេលនេះ ប្រជាជនខ្មែរដែលនិយមគាំទ្រស្រាបៀរ អាចរីករាយក្រេបឱជារសរបស់ស្រាបៀរ អង្គរ ចែងចាំងដូចមាស រូបរាងថ្មី ដោយក្តីមោទនៈ។ នេះជាសក្ខីភាពមួយចំពោះការខិតខំប្រឹងប្រែងឥតឈប់ឈររបស់ក្រុមហ៊ុនក្នុងការផលិតស្រាបៀរដែលប្រសើរជាងមុន និងភាពមោះមុតមិនផ្លាស់ប្តូរក្នុងការច្នៃប្រឌិត និងផ្តល់ឲ្យអតិថិជននូវបទពិសោធន៍ថ្មីៗ និងរសជាតិប្រកបដោយគុណភាព។

អស់រយៈពេលជាច្រើនឆ្នាំមកហើយ ដែលស្រាបៀរ អង្គរ ជាផលិតផលលំដាប់កំពូលរបស់ ខេមប្រ៊ូវ ដែលជាក្រុមហ៊ុនមានដំណើរការលើរោងចក្រផលិតស្រាបៀរដំបូងគេបង្អស់នៅកម្ពុជា និងជារោងចក្រដ៏ធំមួយនៅតំបន់អាស៊ីអាគ្នេយ៍។ ដោយឆ្លងកាត់បទពិសោធន៍ជាច្រើនទស្សវត្ស ស្រាបៀរ អង្គរ តែងតែបង្ហាញពីការប្តេជ្ញាចិត្តខ្ពស់ក្នុងការផលិតស្រាបៀរ ដើម្បីឆ្លើយតបទៅនឹងចំណង់ចំណូលចិត្ត ភាពច្នៃប្រឌិត និងការផ្តល់នូវបទពិសោធន៍ស្រាបៀរដ៏អស្ចារ្យសម្រាប់អតិថិជនរបស់ខ្លួន។

ស្រាបៀរ អង្គរ តែងតែជាជម្រើសរបស់ប្រជាជនខ្មែរ និងភ្ញៀវទេសចរ។ ជាមួយនឹងរូបរាងថ្មី រសជាតិថ្មីស្រស់
ស្រាបៀរ អង្គរ ត្រូវបានរំពឹងថា នឹងទទួលបានការពេញនិយម និងគាំទ្រកាន់តែខ្លាំងក្លាពីសំណាក់អ្នកនិយមស្រាបៀរ ហើយនឹងអាចពង្រឹងជំហររបស់ខ្លួនឲ្យក្លាយជាពាណិជ្ជសញ្ញាស្រាបៀរដ៏ល្អនៅក្នុងប្រទេសកម្ពុជា និងក្នុងតំបន់ផងដែរ៕

ពិសាដោយការទទួលខុសត្រូវ

ក្រុមហ៊ុន អាយ អ៊ី បាយ ទទួលបានកិច្ចសហការជាមួយវិទ្យាស្ថានពហុបច្ចេកទេសព្រះកុសុមៈ

tirano — Thu, 29 Dec 2022 07:02:51 +0000

ក្រុមហ៊ុន អាយ អ៊ី បាយ ដោយទទួលបានកិច្ចសហការជាមួយវិទ្យាស្ថានពហុបច្ចេកទេសព្រះកុសុមៈ បានរៀបចំសិក្ខាសាលាស្តីពី «ពាណិជ្ជកម្មអេឡិចត្រូនិក និងបណ្ដាញសង្គម» ក្នុងគោលបំណង ដើម្បីចែករំលែកនូវបទពិសោធន៍ និងចំណេះដឹងថ្មីៗ ស្តីពីការធ្វើពាណិជ្ជកម្មអេឡិចត្រូនិក និងបណ្ដាញសង្គម ស្របតាមបដិវត្តន៍ឧស្សាហកម្ម ៤.0 (Industry 4.0) ជូនដល់សិស្ស និស្សិត និងបុគ្គលិក ដើម្បីស្វែងយល់អំពីចំណេះដឹងបច្ចេកវិទ្យា ក្នុងការអភិវឌ្ឍជំនាញផ្ទាល់ខ្លួន លើការសិក្សា ការងារ និងអាជីវកម្ម ។ សិក្ខាសាលានេះ ធ្វើឡើងនៅព្រឹកថ្ងៃទី២៨ ខែធ្នូ ឆ្នាំ២០២២ ក្រោមវត្តមានលោក ចាន់ ជឿន នាយករង វិទ្យាស្ថានពហុបច្ចេកទេសព្រះកុសុមៈ និងលោក ឯម ឬទ្ធី អគ្គនាយក នៃក្រុមហ៊ុន អាយ ម៉ី បាយ អេប ដោយមានការចូលរួមពីសិស្ស និស្សិតជាច្រើនរូបទៀត ។

លោក ឯម ឬទ្ធី បានលើកឡើងថា ក្រុមហ៊ុន អាយ អ៊ី បាយ គឺជាមជ្ឍមណ្ឌលពាណិជ្ជកម្ម និងកម្សាន្ត ឌីជីថល ត្រូវបានបង្កើតឡើងឆ្នាំ២០១៨ នឹងចុះបញ្ជីបើកក្រុមហ៊ុនជាផ្លូវការនៅថ្ងៃទី15 មេសា ឆ្នាំ២០២០ ដោយស្នាដៃកូនខ្មែរសុទ្ធសាធ និងដាក់ឱ្យប្រើប្រាស់សាកល្បងនៅប្រព័ន្ធប្រតិបត្តិការទូរស័ព្ទដៃស្មាតហ្វូន នៅខែតុលា ឆ្នាំ២០២១ ហើយបច្ចុប្បន្ន ក្រុមហ៊ុននេះ កំពុងតែអភិវឌ្ឍន៍បន្ថែមនូវមុខងារសំខាន់ៗជាច្រើនទៀតនៅកម្មវិធីអេបតែមួយ។

លោកបន្តថា ក្នុងបំណងដើម្បីជួយដល់ម្ចាស់អាជីវកម្មគ្រប់រូប អាចបង្កើតហាងឌីជីថល ដើម្បីដាក់លក់ទំនិញ ឬសេវាកម្មរបស់ខ្លួនបានគ្រប់ទីកន្លែង គ្រប់ពេល ដោយមិនចាំបាត់មានជំនាញ IT នឹងចំណាយទាប មានប្រសិទ្ធភាពខ្ពស់ ដោយគ្មានហានីភ័យ មានភាពងាយស្រួលលើការគ្រប់គ្រងអាជីវកម្មរបស់ខ្លួន និងធ្វើឲ្យប្រាកដថា ការទិញលក់ទំនិញតាម អាយ អ៊ី បាយ អេប ធានាបាននូវគុណភាព សុវត្ថិភាព និងទំនុកចិត្តបំផុត ក៏ដូចជាអនុញ្ញាតិឲ្យមនុស្សជុំវិញពិភពលោក អាចទំនាក់ទំនង និងលេងកម្សាន្ត ជាមួយគ្នាបានយ៉ាងងាយស្រួល ទៅលើប្រព័ន្ធតែមួយ បង្កើនប្រាក់ចំណូលថែមទៀត និងចូលរួមចំណែកអភិវឌ្ឍសេដ្ឋកិច្ចជាតិ និងពិភពលោក ឱ្យមានភាពរីកចម្រើនតាមរយៈការអភិវឌ្ឍគោល នយោបាយ សេដ្ឋកិច្ចឌីជីថល នាពេលបច្ចុប្បន្ន និងអនាគត ។

លោក ចាន់ ជឿន បានមានប្រសាសន៍ថា អង្គសិក្ខាសាលានេះ ពិតជាមានសារៈសំខាន់ ស្របតាមពេលវេលា នៃកាលៈទេសៈដែលយើងត្រូវការចាំបាច់បំផុត នូវសម័យបច្ចេកវិទ្យាឧស្សាហកម្មជំនាន់ 4.0 ដោយមានការរួមបញ្ចូលគ្នា នូវការធ្វើការ ឬក៏ការធ្វើអាជីវកម្មផ្សេងៗ ដែលយើងកំពុងតែប្រើនូវបច្ចេកវិទ្យា 4.0 ហើយអង្គសិក្ខាស្រលានេះ ធ្វើឡើងដើម្បីជួយដល់សិស្ស និស្សិត ឬក៏បណ្ដាបុគ្គលិកនៅវិទ្យាស្ថានពហុបច្ចេកទេសព្រះកុសុមៈ ជួយបង្កើនជំនាញផ្ទាល់ខ្លួន ឬក៏ការស្រាវជ្រាវឱ្យបានសមស្របតាមសម័យកាល នៃបច្ចេកវិទ្យាសព្វថ្ងៃ ។

និស្សិតវិទ្យាស្ថានពហុបច្ចេកទេសព្រះកុសុមៈ ឈើយ សូនីតា សំដែងក្ដីរីករាយដែលបានចូលរួមក្នុងសិក្ខាសាលានេះដោយបានជួបនូវវាគ្មិនជាច្រើន បានផ្ដល់បទពិសោធន៍ពាក់ព័ន្ធទៅនឹងការធ្វើអាជីវកម្មទៅលើប្រព័ន្ធអេឡិចត្រូនិចហើយក៏មានការណែនាំឱ្យមានការជួយគាំទ្រទៅលើផលិតផលខ្មែរផងដែរ។ និស្សិតរូបនេះ ក៏បានសំដែងនូវចំណាប់អារម្មណ៍ចំពោះស្នាដៃកូនខ្មែរ ដែលបានបង្កើតឡើងនូវ អេប អាយ អ៊ី បាយ ដែលជាការលើកស្ទួយផលិតផលខ្មែរនៅក្នុងបណ្ដាញសង្គម ដែលរួមមានជាមួយនឹងការកម្សាន្ត ការទំនាក់ទំនងគ្នានៅលើប្រព័ន្ធ Social Media តែមួយផងដែរ។

លោក សិន សុលីណា ព្រឹទ្ធបុរសមហាវិទ្យាល័យបច្ចេកវិទ្យាព័ត៌មាន នៃវិទ្យាស្ថានពហុបច្ចេកទេសព្រះកុសុមៈ បានបង្ហាញអារម្មណ៍ភ្ញាក់ផ្អើលដែលឃើញថា បច្ចុប្បន្ន កូនខ្មែរយើងបានបង្កើតនូវអេបមួយ ដែលមានសារៈសំខាន់ប្រហាក់ប្រហើរទៅនឹង អេប របស់បរទេស ក្នុងការផ្សព្វផ្សាយទាក់ទងទៅនឹង Social Media ក៏ដូចជាការលក់ទំនិញ និងការទំនាក់ទំនងគ្នាទៅវិញទៅមក តាមរយៈអនឡាញ ។

លោកបានបន្តថា អេបនេះ មានអត្ថប្រយោជន៍ខ្លាំង ដែលបច្ចុប្បន្ននេះ ប្រជាជនខ្មែរយើងភាគច្រើន ត្រូវការទិញទំនិញ តែងតែប្រើប្រាស់ អេបរបស់បរទេស អញ្ចឹងដោយសារសិក្ខាសាលានេះ គឺជួយផ្សព្វផ្សាយឱ្យប្រជាជនខ្មែរយើង ក៏ដូចជាកូនខ្មែរយើង បានដឹងអំពីស្នាដៃខ្មែរ ដែលបានបង្កើតអេប ដូចទៅនឹង អេប របស់បរទេស ដែលលោក នឹងជួយគាំទ្រពេញទំហឹង ចំពោះការបង្កើតអេបនេះ ។

សូមបញ្ជាក់ថា អេប អាយ អ៊ី បាយ គឺជាសមិទ្ធផលថ្មីមួយលើវិស័យបច្ចេកវិទ្យាដែលកូនខ្មែរបានធ្វើឡើង ហើយនេះក៏ជាមោទនៈភាពជាតិខ្មែរមួយ ដែលកន្លងមក យើងធ្លាប់តែប្រើប្រាស់របស់បរទេស តែពេលនេះ កូនខ្មែរយើងអាចបង្កើតបាន ដូច្នេះយើងគួរតែនាំគ្នាមកជួយគាំទ្រ និងលើកស្ទួយទាំងអស់គ្នា ៕

លើកទី១ អតីតបវរកញ្ញាចក្រវាឡ កម្ពុជា៤រូបបានវិសារទៅអាមេរិក ជាមួយសិស្សប្អូន ហង្ស ម៉ានីតា

tirano — Fri, 23 Dec 2022 19:04:22 +0000

ឆាបៗនេះម្ចាស់មកុដចក្រវាឡ២០២២កម្ពុជា ហង្ស ម៉ានីតា នឹងឡើងទៅអាមេរិកប្រកួតព្រឹត្តិការណ៍បវរកញ្ញាចក្រវាឡពិភពលោកលើកទី៧២។ ប្លែកទៀតនោះ អតីតបវរកញ្ញាកម្ពុជាយើង៤រូប ត្រូវបានផ្តល់សិទ្ឋិអោយហោះទៅអមដំណើរជាមួយដែរ ដើម្បីបានចូលរួមកម្មវិធី និងបានឱកាសផ្តល់កម្លាំងចិត្តអោយសិស្សប្អូនហង្ស ម៉ានីតា បន្តយកឈ្នះសាងភាពលេចធ្លោ។

ឆ្នាំនេះកូនពៅ មានបងៗទាំង 4ជំនាន់នៃ Miss Universe Cambodia ចាំទៅជួយផ្ដល់កម្លាំងចិត្ដដល់USAសង្ឃឹមថាហង្សម៉ានីតា នឹងបំបែកប្រវត្តិសាស្រ្តជាលេីកដំបូងជូនកម្ពុជាជាលេីឆាកMiss Universe 2022 ។នាងទទួលបានការហ្វឹកហាត់ខ្លាំងណាស់ពីគ្រូជំនាញៗ រាប់តាំងពីប្រទេសហ្វីលីពីន ឥណ្ឌា និងការជួយលើកទឹកចិត្តខ្លាំងពីថៅកែហាងពេជ្រ លោក ចិន សំណាងក៍ដុតដៃជើងខ្លាំងណាស់ដែរ ព្រោះជឿជាក់នាង និងសមត្ថភាពរបស់តួឯកនេះផងដែរ។

ហង្ស ម៉ានីតា ជាម្ចាស់មកុដជ័យលាភីMiss Universe Cambodia 2022 ឆ្នាំ២០២២ ។បេក្ខភាពរូបនេះសាកសមខ្លាំងក្នុងការគ្រងតំណែងដ៍អស្ចារ្យនេះព្រោះនាងមានរូបសម្រស់ស្រស់ស្អាត ចំណេះដឹងក៍ខ្ពស់ ហើយអាចនិយាយភាសារបារាំង និងអង់គ្លេសបានយ៉ាងស្ទាត់តែម្ដង ហេតុនេះហើយការចេញទៅប្រកួតនៅអាមេរិកនាពាក់កណ្ដាលខែមករាឆ្នាំ២០២៣ ខាងមុខនេះមហាជនជឿរជាក់ថានាងនឹងធ្វើឲ្យពិភពលោក ភ្ញាក់ផ្អើល។បងៗទាំង៤ ដែល មាន រឿន ណាត សំណាង អេលីណា រ៉េតត សារីតា ងិន ម៉ារ៉ាឌី បានចូលរួមពិតជាជម្រុញអោយរៀមប្អូនមានកម្លាំងចិត្តដើម្បីយកភាពលេចធ្លោជូនមាតុភូមិ។