ព័ត៌មានអន្តរជាតិ – Post News Cambodia

ឯកឧត្តម កែវ រ៉េមី ទេសរដ្ឋមន្ត្រី ដឹកនាំសហការី នាំយកអំណោយជួយសមាគមស្នាមញញឹមថ្មីនៃក្តីសង្ឃឹមកុមារកម្ពុជា

សំណព្វ — Wed, 26 Feb 2025 08:52:58 +0000

កាលពីថ្ងៃទី26 ខែកុម្ភៈ ឆ្នាំ2025 មុននេះ ឯកឧត្តម កែវ រ៉េមី ទេសរដ្ឋមន្ត្រី និងជាប្រធានគណៈកម្មាធិការសិទ្ធមនុស្សកម្ពុជា បានដឹកនាំសហការី បាននាំយកអំណោយជាច្រើនរួមមានអង្ករ មី ទឹកត្រី ទឹកស៊ីអ៊ីវ ភេសជ្ជៈ ថវិកា និង អំណោយជាច្រើនទៀត យកទៅប្រគល់ជូន សមាគមស្នាមញញឹមនៃក្តីសង្ឃឹមកុមារកម្ពុជា។ ដែលតាមការដឹង នេះមិនមែនជាលើកទីមួយទេដែល ឯកឧត្តម កែវ រ៉េមី ចុះមកជួយដល់មណ្ឌលកុមារកំព្រាមួយកន្លែងនេះ គឺឯកឧត្តម
តែងតែពាំយកជំនួយច្រើនបែបនេះ ដើម្បីជាការចូលរួមសម្រួលកង្វះខាតនៅក្នុងមណ្ឌលផងដែរ។

ក្នុងនោះ ឯកឧត្តម កែវ រ៉េមី ទេសរដ្ឋមន្ត្រី និងជាប្រធានគណៈកម្មាធិការសិទ្ធមនុស្សកម្ពុជា បានដឹកនាំសហការី ផ្តល់ក្តីស្រលាញ់ បង្ហាញនូវការសំណេះសំណាល និង លើកទឹកចិត្តប្អូនៗកុមារ អោយបន្តប្រឹងប្រែងរៀន និង កុំអស់សង្ឃឹមព្រោះខ្លួនជួបនូវបញ្ហានៅក្នុងគ្រួសារ ដែលនាំអោយពួកគេមានឈ្មោះជាក្មេងកំព្រាក្នុងមណ្ឌលនោះផងដែរ។ លោកបានបន្តទៀតថា នៅតែបន្តជ្រោមជ្រែងមណ្ឌល ហើយបើទោះជាស្ថានភាពពិភពលោក នៅតែបន្តអូសបន្លាយយ៉ាងណា លោកនៅតែរក្សាជំហរ នាំយកអំណោយបែបនេះ អោយបានអ្វីដែលធ្លាប់បានធ្វើ។

លោកស្រី ប៉ូ ស្រីគង្គ អនុប្រធានសមាគម យល់ថា វត្តមានរបស់មណ្ឌល និង វត្តមានរបស់ក្មេងៗ កាន់តែមានចំនួនកើនឡើងទាំងនេះ គឺដោយសារតែកម្លាំងសាមគ្គីរបស់សប្បុរសជនគ្រប់ផ្នែកទាំងអស់ដែលបានចូលរួម។ លោកស្រី ក៏ថ្លែងអំណរដល់ថ្នាក់ដឹកនាំគ្រប់ជាន់ថ្នាក់ និង សប្បុរសជនទាំងអស់ ដែលតែងតែជួយមណ្ឌលកន្លងមក ដែលធ្វើអោយមណ្ឌលស្នាមញញឹម អាចបន្តចិញ្ចឹមក្មេងបានមកដល់ពេលនេះ បើទោះជាមានវិបត្តិពិភពលោក។ លោកស្រី ក៏ប្រកាសថានឹងបន្តមើលថែក្មេងដោយមិនបោះបង់ មិនថានៅក្នុងកាលៈទេសៈ ដែលក្នុងពេលខ្លះមណ្ឌល ក៏ជួបនូវផលវិបាកនោះផងដែរ៕

អ្វីដែលគួរអោយកត់សម្គាល់ ក្នុងថ្ងៃនោះលោក ផាត់ តារារដ្ឋ ស្ថាបនិកគ្រួសារតារាកម្ពុជា ក៏បានដឹកនាំសិល្បករសិល្បការិនីមួយចំនួនចូលរួមដើម្បីលើកទឹកចិត្តដល់ប្អូនៗដែលរស់នៅក្នុងមណ្ឌល មានកំលាំងក្នុងការធ្វើខ្លួនជាទំពាំងស្នងឫស្សីល្អផងដែរ។

ឯកឧត្តម តាំង សុខឃី និង លោកជំទាវ ទ្រី ចិន្តា ដឹកនាំក្រុមកាងារចែករំលែកក្តីស្រលាញ់ ជាមួយ ជនមានពិការ ក្នុងសមាគមន៍តន្ត្រីសំនៀងជនពិការ

សំណព្វ — Sat, 15 Feb 2025 10:25:29 +0000

កាលពីថ្ងៃទី១៤ ខែកុម្ភៈ ឆ្នាំ2025ជាថ្ងៃទិវានៃក្តីស្រឡាញ់មុននេះឯកឧត្តម តាំង សុខឃី និង លោកជំទាវ ទ្រី ចិន្តា អគ្គនាយកអគ្គនាយិកាក្រុមហ៊ុន ឃី ចិន្តា ឌីវើឡុបមិន បានដឹកនាំក្រុមកាងារទៅចែករំលែកនូវក្តីស្រឡាញ់ និងធ្វើពិធីជប់លៀងអាហារសាមគ្គី20តុអោយបងប្អូនជនមានពិការភាពបានពិសារជុំគ្នាយ៉ាងសប្បាយរីករាយ ព្រមទាំនាំយកអំណោយមួយចំនួនដូចជា:អង្ក1តោន ទឹកសុទ្ធ20កេះ ទឹកភេសជ្ជៈ20កេះ អមថវិការចំនួន2លានរៀល ជូនដល់សមាគមន៍តន្ត្រីសំនៀងជនពិការផងដែរ។

ក្នុងថ្ងៃនោះក្រៅពីពិធីសំណេះសំណាល និងពិសារអាហារ ឯកឧត្តម តាំង សុខឃី និង លោកជំទាវ ទ្រី ចិន្តា បានលេងហ្គេមចាប់ឆ្នោតជូនរង្វាន់ចាប់ពី40000៛ ដល់200000៛ជាច្រើនរង្វាន់ ព្រមទាំងមានការច្រៀងរាំរហូតដល់ចប់កម្មវិធី បងប្អូនជនមានពិភាពសប្បាយយ៉ាងខ្លាំង ធ្វើកម្មវិធីមួយនេះពោពេញដោយអនុស្សាវរីយ៍ល្អៗ។

យ៉ាណាមិញ នេះគឺជាទឹកចិត្តមនុស្សធម៌ចែករំលែកក្ដីស្រឡាញ់ដ៏ល្អប្រពៃដែលឯកឧត្តម និង លោកជំទាវ បានធ្វើជូនចំពោះដល់អ្នកដែលទីទ័លពិតប្រាកដ មិនចំពោះតែថ្ងៃ 14 កុម្ភៈនេះឡើយ តែក៏បង្ហាញពីទឹកចិត្ត និង ការឈឺឆ្អាលចំពោះសុខទុក្ខជនមានពិការភាពដែលគាត់ត្រូវការចាំបាច់បើទោះជាជំនួយមិនបានច្រើនលើសលប់ តែក៏ជាចំណែកមួយជួយឱ្យពួកគាត់យកទៅចម្អែតក្រពះ និង ដោះទ័លបានមួយពេលៗផងដែរ។

K01 ដឹកនាំសប្បុរសជនទៅជួយអ្នកក្រីក្រ កក្រើកស្រុកជល់គិរី ខេត្តកំពង់ឆ្នាំង

សំណព្វ — Wed, 25 Dec 2024 00:29:31 +0000

កាលពីព្រឹកថ្ងៃទី 24 ខែ ធ្នូ ឆ្នាំ 2024 មុននេះលោក ឃឿន សុឡា ហៅ K01 បានគៀងគរ និង ដឹកនាំជំនួយសប្បុរសជនទៅជួយដល់គ្រួសារដែលមានជីវភាពខ្វះខាត ជនចាស់ជរាដែលពុំមានទីពឹងចំនួន17គ្រួសារ ក្នុងនោះមួយគ្រួសារទទួលបានទឹកប្រាក់ចំនួន 30ម៉ឺនរឿល និង គ្រឿងឧបភោគបរិភោគមួយចំនួន ព្រមទាំងអាហារបំប៉នសុខភាពសញ្ញារូបក្រូចឆ្មា ជាច្រើនកំប៉ុងដែលបានមកពីម្ចាស់ជំនួយ ជូនទៅដល់បងប្អូនប្រជាជនដែលមកចូលរួមនៅក្នុងថ្ងៃនេះផងដែរ។

នៅក្នុងថ្ងៃដ៏ពិសេសនេះផងដែរ ក៏មានការចូលរួមហែរក្បួនពីរាជធានីភ្នំពេញឆ្ពោះទៅកាន់ស្រុក ជល់គិរី ខេត្ត កំពង់ឆ្នាំង ដែលជាទីកំណើតរបស់លោក K01 រួមទាំង ឯកឧត្តម អ្នកឧកញ្ញា និង តារាកំប្លែង តារាសម្ដែងជាច្រើនរូបទៀតដែលសុទ្ធសឹងតែជាក្រុមយុវជន បក្សប្រជាជនកម្ពុជា បានចុះទៅដល់ផ្ទាល់នៅទីតាំង ក្រោមការទទួលស្វាគមន៍យ៉ាងកក់ក្ដៅពីសំណាក់លោកស្រីតំណាងរាស្ត្រ និង អភិបាលខេត្ត កំពង់ឆ្នាំង ដែលបានអញ្ជើញកិត្តិយស និង ជាសក្ខីភាពនៅក្នុងសកម្មភាពមនុស្សធម៌នេះ។

ជ្រះថ្លាណាស់ ឯកឧត្តម តាំង សុខឃី និង លោកជំទាវ ប្រគេនស្ពាន់ទាំងគីឡូថ្ងៃចាក់ព្រះ

សំណព្វ — Sun, 22 Dec 2024 10:00:13 +0000

បន្ទាប់ពីចូលរួមគ្រងឈុតលង្វែកនិង ទៅបំពេញកិច្ចក្នុងពិធីចម្រាញ់ប្រេងឱសថ នៅរាជនីលង្វែក កាលពីថ្ងៃទី២២ ធ្នូ ឆ្នាំ២០២៤ នៅថ្ងៃដដែល ឯកឧត្តម តាំង សុខឃី និង លោកជំទាវ ទ្រី ចិន្តា អគ្គនាយកអគ្គនាយិកាក្រុមហ៊ុន ឃី ចិន្តា ឌីវើឡុបមិន ក៏បានទៅចូលរួមក្នុងពិធីសិតព្រះ ឬ ចាក់ព្រះនៅវត្តបទមវត្តីផងដែរ ដោយឯកឧត្តម និង លោកជំទាវក៏បានចូលរួមនូវស្ពាន់ចំនួន៦គីឡូ និង បច្ច័យមួយចំនួន ដែលធ្វើអោយគេកាន់តែមើលឃើញពីចូលរួមចំណែកលើកស្ទួយវិស័យព្រះពុទ្ធសាសនាដ៏សំខាន់ របស់លោកទាំងពីរ។

ពិធីសិតព្រះដែលបានធ្វើឡើងនេះ ចាត់ទុកជាពិធីបុណ្យសាសនាធំមួយ ខណៈដែលអ្នកចូលរួមសិតព្រះ ហើយបានចូលរួមធនធានដូចជាស្ពាន់ និង លោហៈធាតុ ដើម្បីអោយពុទ្ធបដិមាអាចលេចរួបរាងបានគឺបានបុណ្យកុសលធំណាស់។ ឯកឧត្តម តាំង សុខឃី និង លោកជំទាវ ទ្រី ចិន្តា បានអះអាងថា ពិធីសិតព្រះ និង ការបរិច្ចាគធនធានក្នុងពិធីសិតព្រះនេះ លោកទាំងពីរបានរួមចំណែក និង ចូលរួមច្រើនមកហើយ ហើយឯកឧត្តម និង លោកជំទាវ ក៏សូមជូនកុសលដែលបានទទួលក្នុងពិធីសិតព្រះនេះជូនដល់ញាតិញោម ដែលតាមដានសកម្មភាពរបស់ឯកឧត្តម និង លោកជំទាវ នូវកុសលស្មើៗគ្នា ដោយពិធីមួយនេះ ក្រោយបញ្ចប់ទៅក៏ផ្ទុះការចាប់អារម្មណ៍ផងដែរ ពីស្រទាប់មហាជន។

ឯកឧត្តមលើកឡើងថា នៅក្នុងវិស័យព្រះពុទ្ធសាសនា អ្នកបានរួមចំណែកសិតព្រះ នឹងកាន់តែបានខ្ពស់មុខខ្ពស់មាត់ ហើយពិធីមួយនេះ ឯកឧត្តមលើកទឹកចិត្តអោយបងប្អូនកូនខ្មែរចូលរួមអោយខានតែបានក្នុងមួយជីវិត ដើម្បីអោយកាន់តែមានកុសលផលបុណ្យថែមទៀត និង មានពន្លឺនៅក្នុងជីវិត។ ជាមួយនឹងទឹកចិត្តដ៏មហាជ្រះថ្លានេះ មានអ្នកលេងបណ្ដាញសង្គមច្រើនណាស់ កោតសរសើរចំពោះសកម្មភាពរបស់ឯកឧត្តម និង លោកជំទាវ ខណៈដែលក្នុងរយៈពេលចុងក្រោយ ឯកឧត្តម និង ភរិយា ក៏សកម្មក្នុងការងារជួយសង្គម លើកស្ទួយវិស័យព្រះពុទ្ធសាសនា និង វប្បធម៌នៅរាជនីលង្វែក ហើយក៏មានទឹកចិត្តធ្វើបុណ្យសិតព្រះដ៏គួរអោយសរសើរនៅក្នុងពេលនេះទៀត។ នេះក៏ចាត់ទុកថាគឺជាសកម្មភាពគំរូ ដែលធ្វើអោយកូនខ្មែរភាគច្រើន មើលឃើញពីគុណតម្លៃផងដែរ។

ស្រស់ស្អាតណាស់ ឯកឧត្តម តាំង សុខឃី និង លោកជំទាវ ក្នុងថ្ងៃចម្រាញ់ប្រេង នៅរាជនីលង្វែក

សំណព្វ — Sun, 22 Dec 2024 09:30:45 +0000

កាលពីថ្ងៃទី២២ ធ្នូ ឆ្នាំ២០២៤ នៅរាជនីលង្វែក មានប្រាព្ធពិធីចម្រាញ់ប្រេងធម្មជាតិយ៉ាងគគ្រឹកគគ្រេង ដោយការចម្រាញ់ប្រេងនេះ គឺជាការយកបន្លែ ផ្លែឈើ និង ផល្លានុផល ផ្កាភ្លឺ ដែលខូចស្អុយរលួយទាំងឡាយ មកស្ងោររម្ងាស់អោយក្លាយជាប្រេង ខណៈដែលប្រេងដែលនឹងចម្រាញ់បាននេះ ត្រូវបានគេចាត់ទុកថាគឺជាប្រេងឱសថ ដែលនឹងក្លាយជាប្រយោជន៍របស់អ្នកប្រើប្រាស់។

តាមការប្រកាស ប្រេងដែលស្លរបាន ក៏នឹងពិធីប្រសិទ្ធីពីព្រះអង្គច័ន្ទ មុន្នីផង ទើបគេឃើញលោកតាលោមយាយ និង អ្នកមានជំនឿជាច្រើន មកដេកចាំដើម្បីទទួលប្រេងដែលចម្រាញ់។ អ្វីដែលគេកោតសរសើរ គឺឯកឧត្តម តាំង សុខឃី និង លោកជំទាវ ទ្រី ចិន្តា អគ្គនាយកអគ្គនាយិកាក្រុមហ៊ុន ឃី ចិន្តា ឌីវើឡុបមិន និង លោកស្រី ទ្រី រក្សា ដែលជាក្រុមការងារ បានគ្រងឈុតលង្វែករំលេចសម្រេចយ៉ាងស្រស់ស្អាត ដែលធ្វើពិធីស្លរប្រេង និង សិតប្រេងទាំងមូល កាន់តែមានរូបភាពទាក់ទាញនៅក្នុងពិធី។

លោកទាំង៣ មិនត្រឹមតែជាម្ខាស់ទាន ដែលបានចំណាយធនធានប្រគេនទេយ្យទាន ចំណាយធនធានប៉ុណ្ណោះទេ តែក៏បានចូលរួមជាកម្លាំង និង រំលេចនូវឈុតលង្វែក ដែលធ្ចើអោយគេមើលឃើញពីការចូលរួមលើកស្ទួយ ពីសំលៀកបំពាក់បុរាណខ្មែរនោះផង។ ក្នុងនោះ លោកស្រី ទ្រី រក្សា ក៏នៅតែរក្សាការច្នៃប្រឌិតក្រមាខ្មែរជាឈុតលង្វែក ដែលរក្សាជបាននូវការចូលរួមលលើកស្ទួយ ដល់សិល្បៈបុរាណខ្មែរ ពោលគឺសំលៀកបំពាក់សម័យលង្វែក។ អ្នកទាំង៣ ត្រូវគេមើលឃើញថាស្រស់ស្អាត និង លេចធ្លោយ៉ាងខ្លាំង ដែលធ្វើអោយគេនឹកស្រម៉ៃកាលដ៏រុងរឿងរបស់ខ្មែរ នាសម័យលង្វែក។

ឯកឧត្តម តាំង សុខឃី និង លោកជំទាវ ទ្រី ចិន្តា ក៏បានចាត់ទុកថា នេះគឺជាការចូលរួមបំផុសដ៏ល្អ នូវទម្រង់សំលៀកបំពាក់ខ្មែរ និង បំផុសអោយកាន់តែមានការចាប់អារម្មណ៍ពីពិធីចម្រាញ់ទេយ្យទានជាប្រេងឱសថនៅក្នុងពេលនេះ។ ឯកឧត្តម ក៏ប្រកាសជូនបុណ្យកុសលដល់អ្នកគ្រប់គ្នាផងដែរ ដោយសារតែពិធីចម្រាញ់ប្រេងឱសថគឺមានតាំងពីសម័យព្រះវេស្សន្តរ និង ក្នុងសម័យព្រះ ដែលកាលសម័យនោះ គឺការចម្រាញ់ប្រេងតាមវិធីនេះ ពិតជាផ្ដល់នូវគុណប្រយោជន៍យ៉ាងខ្លាំង។

កំមើលស្រាលឱ្យសោះ ជម្ងឺរបេងនៅតែបន្តសម្លាប់មនុស្សក្នុងចំនួនច្រើនជារៀងរាល់ឆ្នាំ

សំណព្វ — Fri, 21 Jun 2024 11:26:22 +0000

យោងតាមកិច្ចប្រជុំអន្តរជាតិធំមួយ នៅខេត្តសៀមរាប ដែលកម្ពុជាធ្វើជាម្ចាស់ផ្ទះរយៈពេល៣ថ្ងៃ ចាប់ពីថ្ងៃទី១៩ ដល់ថ្ងៃទី២១ មិថុនា ឆ្នាំ២០២៣ បានលើកឡើងថា ពិភពលោកនៅតែសម្ដែងការព្រួយបារម្ភ ពីជម្ងឺរបេង ដែលនៅតែបន្តសម្លាប់មនុស្សក្នុងចំនួនច្រើនជារៀងរាល់ឆ្នាំ។ ក្នុងនោះ លោក ជួប សុខចំរើន ប្រធានអង្គការ KHANA បានលើកឡើងថា នៅប្រទេសកម្ពុជា ជម្ងឺរបេង នៅតែមានអ្នកឆ្លង ហើយក្នុងមួយឆ្នាំ មានអ្នកឆ្លងចាស់ និង អ្នកឆ្លងថ្មី យ៉ាងហោច ជាង៥ម៉ឺននាក់។

ក្នុងនោះអ្នកស្លាប់នៅកម្ពុជា មានរហូតដល់២៣ករណី ក្នុងចំណោម១សែននាក់ ដែលស្មើនឹងជាង៣០០០នាក់ ជារៀងរាល់ឆ្នាំ នៅក្នុងប្រទេស ដែលកត្តាឆ្លង និង ស្លាប់នេះ គឺដោយសារតែអ្នកកើតជម្ងឺរបេង ខ្វះការយល់ដឹង និង មិនព្រមទៅធ្វើការព្យាបាលអោយបានត្រឹមត្រូវ។ លោកទទូចអោយពលរដ្ឋ ដែលមានសភាពចុះស្គមលឿន បែកញើសពេលយប់ និង មានបញ្ហាឈឺឆ្អឹងឈឺឆ្អែងខុសប្រក្រតី ទៅពិនិត្យរកមេរោគរបេង និង ស្វែងរកការព្យាបាលអោយបានរួសរាន់ ដើម្បីបញ្ជៀសអត្រាចម្លង និង ស្លាប់ ដោយសារតែការព្យាបាលជម្ងឺរបេង គឺគ្មានការបង់ថ្លៃ។

នៅក្នុងកិច្ចប្រជុំដ៏ធំក្នុងក្របខ័ណ្ឌអង្គការសហប្រជាជាតិនេះ តំណាងប្រទេសនីមួយៗ ក៏បានចែករំលែកពីបទពិសោធន៍ នៃការទប់ស្កាត់ និង កាត់បន្ថយជម្ងឺរបេង នៅតាមបណ្ដាប្រទសនីមួយៗផងដែរ ដោយក្រុមប្រទេសដែលចូលរួម សុទ្ធតែបង្ហាញពីការប្ដេជ្ញា រួមគ្នាធ្វើយ៉ាងណា អោយជម្ងឺដែលនៅតែបន្តសម្លាប់មនុស្សនៅលើពិភពលោកមានការថយចុះ។ ក្នុងនោះយុទ្ធនាការនៃការផលិតឱសថព្យាបាលដែលកាត់បន្ថយរយៈពេល និង វ៉ាក់សាំងជាដើម ក៏ត្រូវបានអង្គពិធីទាំងមូល ផ្ដោតលើការស្នើសម្រេច ដើម្បីអោយមានសញ្ញាវិជ្ជមានជារួម នៅលើពិភពលោកផងដែរ។

នៅក្នុងកិច្ចប្រជុំរយះពេល៣ថ្ងៃនោះ ស្ថាបនិកគ្រួសារតារាកម្ពុជា និង លោក រុន ណាកូ ពិធីករ ផ្ទះតារា ក៏ត្រូវបានអញ្ជើញអោយតំណាងកម្ពុជា ដើម្បីចូលរួមផងដែរ ដើម្បីអោយអ្នកទាំងពីរទទួលបាននូវចំណេះដឹង និង ចូលរួមផ្សព្វផ្សាយ អោយបានទូលំទូលាយ ទៅកាន់ស្រទាប់មហាជន ក្នុងនាមជាតំណាងសិល្បករកម្ពុជា។

យុទ្ធនាការហែរបក្ស គណបក្សប្រជាជនកម្ពុជា កក្រើកថ្ងៃទី១

សំណព្វ — Sat, 01 Jul 2023 14:22:57 +0000

គ្រប់បណ្ដាខេត្តក្រុង នៅថ្ងៃទី១ កក្កដា ដែលជាថ្ងៃបើកយុទ្ធនាការឃោសនាបោះឆ្នោតនេះ គណបក្សប្រជាជនកម្ពុជា បានបើកយុទ្ធនាការហែរបក្សយ៉ាងកក្រើកតែម្ដង ជាពិសេសនៅរាជធានីភ្នំពេញ។ ជាក់ស្ដែងក្បួនដង្ហែរពេលល្ងាច ដែលមានផែនសហគ្រិនវ័យក្មេងជាច្រើនពាន់នាក់ចូលរួម គឺស្ទើរតែងងឹតដងផ្លូវតែម្ដង ដោតសារតែក្បួនដង្ហែរដ៏ធំមួយនេះ មានអ្នកចូលរួមយ៉ាងកុះករ ជាពិសេសគឺម្ចាស់អាជីវកម្មតូចធំតែម្ដង។

លោក ផាត់ តារារដ្ឋ អនុប្រធានសាខាកិត្តិយស ក្នុងផែនសហគ្រិនវ័យក្មេង នៃជួរគណបក្សប្រជាជនកម្ពុជា ដែលបានដឹកនាំប្រធានក្រុម និង សមាជិកចូលរួមដង្ហែរបក្សក្នុងក្បួននោះ ប្រមាណជិត២០០នាក់ បានអះអាងថា បរិយាកាសឃោសនាបក្សរបស់គណបក្សប្រជាជនកម្ពុជា សម្រាប់អណ្ណត្តិនេះ គឺពិតជាមានការគាំទ្រខ្លាំងមែនទែន ដោយអ្នកស្ម័គ្រចិត្តចូលរួម គឺមានចំនួនកកកុញ និង ចូលរួមដោយឆន្ទៈ ដែលបង្ហាញកាន់តែច្បាស់ពីការគាំទ្រគណបក្សកាន់អំណាច គឺលេខរៀងទី១៨ ដែលខុសពីការយល់ឃើញថា ចំនួនដ៏ច្រើនដែលបានដង្ហែរក្បួននេះ អាចមានការបង្ខិតបង្ខំ ឬ សម្ពាធ។

លោកថា អណត្តិនេះ គណបក្សប្រជាជនកម្ពុជា បានស្រូបទាញការគាំទ្រយ៉ាងភ្លូកទឹកភ្លូកដីតែម្ដង ហើយលោកហ៊ានអះអាងថា ប្រជាប្រិយភាពដែលបានស្ដែងឡើងនេះ នឹងធ្វើអោយគណបក្សប្រជាជនមានសំលេងឈ្នះដាច់ ដោយមិនពិបាក។ ក្នុងនោះលោកក៏សរសើរពីបរិយាកាសនៃការហែរក្បួនផងដែរ ដែលទោះជាមានអ្នកចូលរួមច្រើនម៉ឺននាក់ក៏ពិតមែន តែមិនបានបង្កអោយមានការកកស្ទះ ឬ មានបរិយាកាសមិនល្អណាមួយ ក្នុងពេលដង្ហែរក្បួន។ ក្នុងនោះ ពាក្យជ័យឃោស ដែលបានបន្លឺឡើង ក៏បង្កប់នូវភាពរីករាយ និង ធ្វើអោយអ្នកចូលរួម សប្បាយរីករាយ ដោយមិនមានសារនយោបាយណា ដែលបង្កប់ខ្លឹមសារឌឺដងដល់គណបក្សណាមួយនោះផងដែរ។ លោក ផាត់ តារារដ្ឋ ស្ថាបនិកគ្រួសារតារាកម្ពុជា ក៏ទទូចអោយពលរដ្ឋ ចូលរួមបោះឆ្នោតអោយបានគ្រប់ៗគ្នា ហើយលោកថា មានតែបោះជូនគណបក្ស ដែលមានលេខរៀងទី១៨ប៉ុណ្ណោះ ដែលនឹងបន្តនយោបាយអភិវឌ្ឍន៍ជាតិ និង រក្សាសន្តិសុខប្រកបដោយភាពយូរអង្វែងជាងគេ សម្រាប់ការដឹកនាំជាតិ។

ដោយឃើញពីការលះបង់ សាខាកិត្តិយសគណបក្សប្រជាជនកម្ពុជា សម្រេចចិត្តប្រកាសតែងតាំងប្រធានក្រុមជាផ្លូវការ

សំណព្វ — Fri, 30 Jun 2023 05:21:54 +0000

កាលពីថ្ងៃទី២៩ មិថុនា ឆ្នាំ២០២៣ ផែនសហគ្រិនវ័យក្មេង ជួរគណបក្សប្រជាជនកម្ពុជា មិនត្រឹមតែធ្វើពិធីប្រកាសតែងតាំងប្រធានសាខា និង អនុប្រធានសាខា តែប៉ុណ្ណោះទេ នៅពេលរសៀលថ្ងៃដដែល សាខាកិត្តិយស ដែលជាសាខាមួយក្នុងផែនសហគ្រិនវ័យក្មេង ក៏បានរៀបចំធ្វើពិធីប្រកាសតែងតាំង ប្រធានក្រុមទាំងអស់ជាផ្លូវការផងដែរ ដោយពិធីទាំងមូល ត្រូវបានធ្វើឡើងនៅ អគារ CEO Master Club ក្រោមវត្តមាន ឯកឧត្តម បណ្ឌិត អោម សេងបូរ៉ា ប្រធានផែនសហគ្រិនវ័យក្មេង និង លោកបណ្ឌិត ដួង អក្ខរា ដែលជាប្រធានសាខាផ្ទាល់ អមដោយសមាជិកសាខាជាច្រើនរយនាក់។ ពិធីនេះ ត្រូវបានធ្វើឡើងយ៉ាងអធឹកអធម ខណៈដែល លោក បណ្ឌិត អោម សេងបូរ៉ា ដែលជាគណអធិបតី ក៏បានចាត់ទុកថា វត្តមានប្រធានសាខា ទាំងអស់ គឺជាកម្លាំងស្នូលដ៏សំខាន់ ក្នុងជួរគណបក្សប្រជាជនកម្ពុជា និង ស្នើអោយប្រធានសាខា អនុប្រធានសាខា និង ប្រធានក្រុម ត្រូវតែបង្កើនកម្លាំងថ្នាក់ក្រោម អោយបានរឹងមាំ ពោលគឺត្រូវបង្កើនការយកចិត្តទុកដាក់ចំពោះ ប្រធានក្រុម និង សមាជិក។ ក្នុងនោះ លោកបណ្ឌិត ក៏ទទូចអោយរួមគ្នាការពារ និង ថែរក្សាសន្តិភាព និង ត្រូវចូលរួមបោះឆ្នោត ជូនគណបក្សកម្ពុជា អោយឈ្នះភ្លូកទឹកភ្លូកដី សម្រាប់ការបោះឆ្នោតនាថ្ងៃទី២៣ កក្កដា ខាងមុខ។

លោកបណ្ឌិត ដួង អក្ខរា ក៏ថ្លែងកោតសរសើរចំពោះ អនុប្រធានក្រុមទាំងអស់ ដែលបានគៀងគរប្រធានក្រុម និង សមាជិក ធ្វើអោយសាខាកិត្តិយសកើនសមាជិកជារៀងរាល់ថ្ងៃ ដោយមកទល់ពេលនេះ ក្នុងផែនសាខាកិត្តិយសទាំងមូល ក៏មានសមាជិករាប់ទាំងអនុប្រធាន ប្រធានក្រុម និង សមាជិក ប្រមាណជា១ពាន់ហើយ និងកំពុងបន្តគៀងគរទៀត ដើម្បីអោយម្ចាស់អាជីវកម្មបានចូលរួមក្នុងជីវភាពនយោបាយកាន់តែច្រើន។

ក្នុងពិធីប្រកាសតែងតាំងនោះ លោក ផាត់ តារារដ្ឋ ដែលជាអនុប្រធានសាខាមួយរូប បានអះអាងថា សម្រាប់ក្រុមលោក មានសមាសភាពចំនួន១២រូប ដែលត្រូវប្រកាសតែងតាំងជាប្រធានក្រុមផ្លូវការ ដែលក្នុងនោះរួមមាន លោក រុន ណាកូ MC ផ្ទះតារា, អ្នកស្រី ប៊ុត ច័ន្ទសោភ័ណ្ឌ ហៅ រ៉េតរ៉ូស តារាសម្ដែង, ឯកឧត្តម អ៊ុល សំអាង ទីប្រឹក្សាក្រសួងព័ត៌មាន និង ជាម្ចាស់វង់ល្ខោនអ៊ុលសំអាងរាជធានីភ្នំពេញ, លោកជំទាវ រីយ៉ា ត្រាណេ ប្រធានសារមន្ទីរជាតិពិន្ទុវិទ្យា, លោក កែវ វាសនា ម្ចាស់ភោជនីយដ្ឋាន House Of ‘D Ming, អ្នកស្រី ប៉ូ ស្រីគង្គ ប្រធានមណ្ឌលកុមារកំព្រាស្នៃាមញញឹមនៃក្ដីសង្ឃឹមកុមារ, លោក ឯក រ៉ាវ័ន្ត តារាសម្ដែង និង ជាម្ចាស់អាជីវកម្មមួយរូប, កញ្ញា វង់ សុម៉ាលីន និពន្ធនាយក សារព័ត៌មាន ផ្ទះតារា, លោកស្រី រៃ សុភា អគ្គនាយិកា ហាងថែរក្សាសម្ផស្ស Sophea Skin Care, លោក ឆាយ វណ្ណៈ ម្ចាស់ផលិតកម្ម Amnard Media , លោក គង់ ប៊ុនថន ប្រធានបណ្ដាញបុរស អ្នកស្រលាញ់ភេទដូចគ្នា នៅកម្ពុជា, និង លោក វង្ស សច្ចៈវិជ្ជា អ្នកសារព័ត៌មាន។ លោក ផាត់ តារារដ្ឋ ដែលជាស្ថាបនិកគ្រួសារតារាកម្ពុជា ដែលមានកេរ្ត៍ឈ្មោះនៅលើបណ្ដាញសង្គមបញ្ជាក់ថា ដោយសារតែចង់ចូលរួមការពារសន្តិភាព និង ចង់ចូលរួមក្នុងឆាកនយោបាយ ទើបលោកសម្រេចចិត្តដឹកនាំ សមាជិក មកចូលរួមក្នុងផែនសហគ្រិនវ័យក្មេង។ ជំនួសអោយប្រធានក្រុម លោកក៏ថ្លែងអំណរគុណផងដែរ ដែលប្រធានសាខា លោកបណ្ឌិត ដួង អក្ខរា បានរៀបចំពិធីប្រកាសតែងតាំងនេះឡើង និង អរគុណដល់លោកបណ្ឌិត អោម សេងបូរ៉ា ដែលផ្ដល់ជាកិត្តិយស មកប្រគល់លិខិតតែងតាំងដល់ប្រធានក្រុមគ្រប់រូប ដោយផ្ទាល់។

លោក ចាប តូ បុគ្គលងងឹតភ្នែកដំបូងគេ ក្លាយជាអនុរដ្ឋលេខាធិការ

សំណព្វ — Thu, 29 Jun 2023 05:20:08 +0000

យោងតាមព្រះរាជក្រឹត លោក ចាប តូ ដែលងងឹតភ្នែកទាំងសងខាង និង ជាប្រធានសមាគមតន្ត្រីសំនៀងជនពិការ ត្រូវបានអង្គព្រះមហាក្សត្រ ត្រាស់បង្គាប់ជា អនុរដ្ឋលេខាធិការក្រសួង សង្គមកិច្ច អតីយុទ្ធជន និង យុវនិតិសម្បទា កាលពីថ្ងៃទី២៧ មិថុនា ឆ្នាំ២០២៣ មុននេះ។ ផ្អែកតាមព្រះរាជក្រឹត្យ បានធ្វើអោយលោក ចាប តូ ក្លាយជាជនងងឹតភ្នែក ដែលមើលមិនឃើញទាំងសងខាងដំបូងគេ ដែលមានតំណែងជាមន្ត្រីជាន់ខ្ពស់ ក្នុងជួររដ្ឋាភិបាល។

យ៉ាងណាក៏ដោយ មានការអបអរសាទរយ៉ាងខ្លាំង ដោយសារលោក ត្បិតថាមើលមិនឃើញក៏ពិតមែន តែលោកមានសមត្ថភាពពិសេស អាចស្ទាបអក្សរ ហើយអាន និង យល់ខ្លឹមសារបានរហ័ស។ លោកក៏មានសមត្ថភាពអាចលេងកីឡា មានទឹកដមសំលេងល្អ និង មានការចងចាំខុសពីបុគ្គលធម្មតា ហើយលោកក៏ជាប្រធានសមាគមជនពិការភ្នែក ដែលអាចរៀបចំកម្មវិធីធំៗ និង ចេះរៀបចំឯកសារផ្លូវការជូនថ្នាក់ដឹកនាំ ដូចមនុស្សមិនពិការភ្នែកផងដែរ។ តំណែងរបស់លោក ក៏ចាត់ទុកថាគឺជា ការលើកកម្ពស់ចំពោះជនពិការទាំងឡាយ ដែលត្រូវបានគេមើលរំលងផងដែរ។

ក្រោយការប្រកាសនេះ គេជឿថា លោក ចាប តូ នឹងកាន់តែបានរួមចំណែកជួយសង្គមច្រើនឡើង ជាពិសេសសកម្មភាពជាប្រយោជន៍របស់ជនពិការភ្នែក បន្ថែមពីលើសកម្មភាពដែលលោកធ្លាប់បានធ្វើយ៉ាងសកម្មកន្លងមកហើយនោះ។

គណៈកម្មការស្ត្រី និងកីឡា បានរៀបចំដំណើរទស្សនៈកិច្ច សម្រាប់កីឡាការិនី គ្រូបង្វឹក និង អាជ្ញាកណ្តាល ចំនួន206នាក់ទៅលេងខេត្តព្រះសីហនុ

សំណព្វ — Thu, 29 Jun 2023 05:08:37 +0000

កាលពីថ្ងៃទី២៨ មិថុនា ឆ្នាំ២០២៣ គណៈកម្មការស្ត្រី និងកីឡា ដែលភាគច្រើនរួមមាន ដោយកីឡាការិនីទាំងស៊ីហ្គេម និង ប៉ារ៉ាហ្គេម បានទៅទស្សនកិច្ច និង ធ្វើដំណើរកម្សាន្តយ៉ាងសប្បាយរីករាយ ដោយមានសមាសភាពរហូតដល់ ២០៦នាក់ ចូលរួម។ ដំណើរទស្សនកិច្ចនេះ បានដឹកនាំដោយ លោកជំទាវបណ្ឌិត កុយ ពិសី រដ្ឋលេខាធិការក្រសួងទេសចរណ៌ សមាជិកប្រតិបត្តុិគណកម្មាធិការជាតិអូឡាំពិកកម្ពុជា និង ជាប្រធានគណកម្មការស្ត្រី និង កីឡា និង ថ្នាក់ដឹកនាំជាច្រើនរូបទៀត។ ពិធីនេះក៏មានការចូលរួមដោយ លោកជំទាវ ញ៉ែម មរកត អនុរដ្ឋលេខាធិការក្រសួងកិច្ចការនារី ប្រធានសហព័ន្ធកីឡារាំ, លោក ចាប តូ ប្រធានសមាគមតន្ត្រីសំនៀងជនពិការ និង តំណាងគ្រួសារតារាកម្ពុជា៣រូបផងដែរ គឺ អ្នកនាង ស្វែង សុជាតា តារាសម្ដែង, អ្នកស្រី រ៉េតរ៉ូស តារាសម្ដែង និង លោកជំទាវ រីយ៉ា ត្រាណេ សមាជិកគ្រួសារតារាកម្ពុជា ដោយផ្ទាល់។

ឯកឧត្តម គួច ចំរើន គណៈអភិបាល និង ជាអភិបាលខេត្តព្រះសីហនុ បានទទួលស្វាគមន៍យ៉ាងកក់ក្ដៅ ដល់ក្រុមប្រតិភូកីឡា ទាំងអ្នកមិនពិការ និង មានពិការភាព ដោយឯកឧត្តម បានចាត់ទុកថា វត្តមានម្ចាស់មេដាយទាំងអស់នេះ គឺជាមុខមាត់ដ៏ធំរបស់ជាតិមាតុភូមិ។ លោកជំទាវ កុយ ពិសី និង លោកជំទាវ ញ៉ែម មរកត ក៏បានថ្លែងអំណរគុណសិល្បការិនីទាំង៣រូប តំណាងគ្រួសារតារាកម្ពុជា ដែលបានចូលរួមដោយផ្ទាល់ផងដែរ ដោយលោកជំទាវទាំង២បញ្ជាក់ថា វត្តមានតារាសិល្បៈ ក្នុងសកម្មភាពកីឡា គឺសំខាន់ខ្លាំងណាស់ ក្នុងការផ្សព្វផ្សាយ និង លើកទឹកចិត្ត ដល់កីឡាករកីឡាការិនី និង ជាការជំរុញ និង លើកទឹកចិត្តដ៏សំខាន់ ជាពិសេស កីឡាករកីឡាការិនី ជាជនពិការ។

អ្នកនាង ស្វែង សុជាតា និង អ្នកស្រី រ៉េតរ៉ូស តំណាងគ្រួសារតារាកម្ពុជា ដែលបានចូលរួម និង ជំនួសមុខអោយក្រុមទាំងមូល ក៏បានថ្លែងកោតសរសើរដល់ប្រតិភូកីឡា ដែលបានរៀបចំកម្មវិធីនេះ និង បានលើកឡើងថា បរិយាកាសសន្តិភាពនាពេលបច្ចុប្បន្ន បានបង្ហាញពីការរីកចំរើន និង ការឈានឡើងលើគ្រប់វិស័យ ជាពិសេសគឺវិស័យកីឡាដែលធ្លាប់តែអន់ខ្សោយក្នុងតំបន់ និងបង្ហាញពីការឈានឡើងស្ទើរមិនគួរអោយជឿ ក្រោមនយោបាយឈ្នះ សម្ដេចតេជោរ ដែលធ្វើអោយកម្ពុជាកាន់តែស្មើមុខស្មើមាត់នឹងប្រទេសរីកចំរើនក្នុងតំបន់។