មានការចាប់អារម្មណ៍ម្តងទៀតហើយ នៅពេលដែលគេ បានឃើញវត្តមាន ពេជ្រ សូលីកា ឡើងបង្ហាញមុខលើឆាកតន្ត្រីហង្សមាស។នាងបានច្រៀងចម្រៀងបែប មនោសញ្ចេតាយ៉ាងពិរោះកាលពីយប់ថ្ងៃទី១៣ ធ្នូ ឆ្នាំ២០២០។អ្វីដែលគេមើលឃើញ គឺសម្រស់ឆោមរបស់នាងឃើញថា មានភាពស្អាតមើលមិនដឹងថាមានកូនឡើយ។
សូលីកា បានរងនូវវិបត្តិគ្រួសារមួយយ៉ាងធំដោយនាង បានសម្ងំមួយរយៈហើយបានពង្រឹងស្មារតីក្លាយជានារីរឹងមាំហើយហ៊ានប្រឈមការពិត មើលឃើញនូវបរិយាកាសនោះ ពេជ្រ សូលីកា ឃើញថាស្អាតគួរអោយគយគន់ ការតុបតែងខ្លួនក៏មានភាពសុីវិល័យទាន់សម័យ។មុខផូរផង់ណែនហើយក្មេងជាងវៃ ឯទឹកដមសំឡេង បានបន្លឺឡើងវិញក៏ពិរោះរណ្តំចាក់ដោតមនោសញ្ចេតនាយ៉ាងជ្រាលជ្រៅ។
បើទោះជានាងមានការសោកសៅរឿងរង្វង់គ្រួសារក៏នាងមិនអាចដើរចោលពីជំហ៊ានសិល្បៈទីដែលទទួលបានការគាំទ្រពីមហាជន។ម្ល៉ោះហើយ សូលីកា ទទួលបាននូវការលើកទឹកចិត្តធំបំផុតនោះគឺការលួងពីស្វាមីដែលអាចជាជំហរអោយនាងរឹងមាំបានមួយទៀតជាចំណែកផ្សំគឺកូនរបស់នាងក៏ជាពន្លឺជីវិតអោយនាងបោះជំហ៊ានទៅមុខបន្តទៀតបាន។ សូលីកា ក៏ជាដៃគូចម្រៀងដ៏សមគ្នាជាមួយនីកូ ទើបគេឧស្សាហ៍ឃើញអ្នកទាំង២ចាប់ដៃគូគ្នាបំបែកទីផ្សាររហូតមានការគាំទ្រខ្លាំង។
