បទ”សម្ពាធ” ពី គង់ សុធារិទ្ធិ ស្ដាប់ដូចរឿងពិត

0

បទចម្រៀងចេញក្ដៅៗរបស់ផលិតកម្ម BN ដែលបកស្រាយដោយតារាចម្រៀង លោក គង់ សុធារិទ្ធិ ក្រោមចំណងជើងថា “សម្ពាធ” បានស្ដែងពីសាច់រឿងមិនចុះសម្រុង រវាងប្ដីប្រពន្ធ និង គូស្នេហ៍ ទាំងឡាយ ដែលមានតែជម្លោះ ហើយតស៊ូទៅមុខលែងរួច។ ចម្រៀងមួយបទនេះ ត្រូវបានផលិតកម្ម ដាក់បង្ហោះចំពេញរឿងរ៉ាវរវាងអតីតឧកញ៉ា ដួង ឆាយ និង អតីតភរិយា ទើបតែផ្ទុះកក្រើកនូវរឿងជម្លោះ រហូតបង្កើតជាហិង្សា។ មួយបទនេះ ស្ដាប់ទៅគឺស្របនឹងរ៉ាវរបស់ស្នេហាមួយគូនេះ ដែលបានកើតឡើង ប៉ុន្តែលោក យ៉ាន រតនា ដែលជាអ្នកគ្រប់គ្រងផលិតកម្ម BN បញ្ជាក់ថា មួយបទនេះ ស្ដែងពីជីវិតគូដែលមិនចុះសម្រុងទូទៅប៉ុណ្ណោះ ហើយក៏បានផលិតតាំងពីមុនរឿងរបស់ លោក ដួង ឆាយ បានបែកធ្លាយផងដែរ។ លោកថាអត្ថន័យចម្រៀងមួយបទនេះ នឹងត្រូវច្រើននៅក្នុងសង្គម ជាពិសេសគូស្នេហ៍ដែលមានរឿងរ៉ាវមិនចេះចប់ រហូតបែកបាក់ជាមួយគ្នា។ ជាមួយគ្នានោះ លោកក៏រំពឹងថា នឹងមានការគាំទ្រច្រើនផងដែរ សម្រាប់បទ”សម្ពាធ” ដែលបកស្រាយលន្លង់លន្លោចនេះ របស់ លោក គង់ សុធារិទ្ធិ។


🔔 JOIN TELEGRAM

LEAVE A REPLY

Please enter your comment!
Please enter your name here