នាយក្រិន មិនលើកដៃសុំជំនួយស៊ូរកសុីចិញ្ចឹមកូន

0

តារាកំប្លែងមាឌល្អិតនាយ ក្រិន ហាក់ស្ងប់ស្ងាត់ខ្លាំងលើវិស័យសិល្បៈ ជាពិសេសអាជីពកំប្លែងរបស់លោក បន្ទាប់ពីបាក់បែកក្រុមជាមួយនាយ កុយ និងសមាជិកក្រុមកំប្លែងដទៃទៀត។
យ៉ាងណាសម្រាប់នាយ ក្រិន ហាក់មានកម្រិតជីវភាពទាបជាងតារាកំប្លែងដទៃទៀតក្នុងក្រុមនាយ កុយ ក្រោយពីតារាកំប្លែងរូបនេះ បានជួបបញ្ហាទាំងផ្លូវកាយ និងផ្លូវចិត្តនាពេលកន្លងទៅ។ ជាពិសេសនៅពេលភរិយារបស់ខ្លួនបានផិតក្បត់ទៅមានអ្នកថ្មី ហើយបន្សល់ទុកកូនៗ ៣នាក់ឱ្យលោកជាអ្នករ៉ាប់រង។

ម្យ៉ាងវិញទៀតការមានជំងឺប្រចាំកាយ រិតតែធ្វើឱ្យតារាកំប្លែងមាឌល្អិតខាងលើជួបការលំបាកកាន់តែខ្លាំង ខណៈការរកចំណូលបានពីវិស័យសិល្បៈតាមរយៈការដើរកំប្លែងកម្មវិធីនានាជាមួយនាយ កុយ បានធ្លាក់ចុះជាខ្លាំងនៅពេលក្រុមកំប្លែងទាំងមូលបានចែកផ្លូវគ្នា។

ជាក់ស្ដែងកាលពីពេលថ្មីៗគេឃើញវត្តមានរបស់ នាយ ក្រិន បានដើរសម្ដែងតាមរោងល្ខោននានាតាមវត្តអារាម និងតាមភូមិឃុំស្រុកជាដើម ដើម្បីរកកម្រៃចិញ្ចឹមក្រពះ និងគ្រួសារ បើទោះជាកម្រៃដែលនាយទទួលបាននោះ មិនទទួលបានច្រើនដូចដែលនាយធ្លាប់នៅមានប្រជាប្រិយភាពក្នុងក្រុមកំប្លែងនាយ កុយពីមុនក្ដីតែនាយ សប្បាយចិត្តព្រោះនេះគឺជាកម្លាំងញើសឈាមផ្ទាល់ខ្លួន។

LEAVE A REPLY

Please enter your comment!
Please enter your name here