ដំណឹងនេះ បានភ្ញាក់ផ្អើលហើយ ក៍ធូរចិត្តមកវិញ ក្រោយដឹងថាលោក នៅអាចសង្រ្គោះពីក្រុមគ្រូពេទ្យ។អ្វីដែលតម្រូវគឺ បន្តសម្រាកនៅក្នុងមន្ទីរពេទ្យ មួយរយៈសិនដើម្បីតាមដាន អាការៈបន្តទៀត។
រូបភាព១សន្លឹករបស់បញ្ញា សិទ្ធ ដេកលើគ្រែពេទ្យក្នុងអាការៈស្ដូកស្ដឹងបន្ដោកសេរ៉ូមនោះបង្ហាញឲ្យឃើញលោកមានស្នាមរបួសខ្លាំងនៅដៃខាងឆ្វេងហើយលោកស្ថិតក្នុងស្ថានភាពសន្លប់មិនដឹងខ្លួន។មិត្តភក្ដិអ្នកសិល្បៈរួមអាជីពបានជូនពរឲ្យលោកបញ្ញា សិទ្ធ ឆាប់ជាសះស្បើយ ហើយមានអ្នកខ្លះក៍បានទៅសួរសុខទុក្ខលោកផ្ទាល់ដល់មន្ទីពេទ្យផងដែរ។
តារាចម្រៀងបញ្ញា សិទ្ធ ត្រូវបានដឹកយកទៅសង្រ្គោះនៅមន្ទីពេទ្យលោកសង្ឃជាបន្ទាន់កាលពីរាត្រីថ្ងៃទី២វិច្ឆិកា បន្ទាប់ពីលោកបានជួបគ្រោះថ្នាក់ចរាចរណ៍នៅម្ដុំរង្វង់មូលកួរស្រូវ (ផ្លូវជាតិលេខ២)ហើយរងរបួសនិងមានអាការៈធ្ងន់រហូតដល់សម្លប់ទៀតផង។នេះបើតាមការអះអាងរបស់ម្ចាស់ហ្វេសបុកឈ្មោះHour Arun (ហួ សុផល)ដែលជាថៅកែClassic បញ្ចេញនៅលើហ្វេសបុកនៅថ្ងៃទី៣ វិច្ឆិកា ។
