កាលពីព្រឹកថ្ងៃទី13 ខែកញ្ញា ឆ្នាំ2020 ដែលត្រូវនឹងថ្ងៃវេនកាន់បិណ្ឌទី 11 អ្នកនាង រ៉ៃ សោភា អគ្គនាយិការហាងថែរក្សាសម្ភស្ស Sophea Skincare ដែលត្រូវបានអ្នកលេង Facebook ឱ្យរហ័សនាមថា Park Boom ខ្មែរ ដោយសារតែអ្នកនាងមានមុខមាត់ស្រដៀងនឹងអតីតសមាជិកក្រុម 2NE1 ដ៏ល្បីប្រចាំប្រទេសកូរ៉េនោះ បានដឹកនាំក្រុមការងាររបស់ខ្លួនប្រមាណជាង30រូប ដែលរួមមានទាំងតំណាងចែកចាយផងមកធ្វើបុណ្យរាប់បាត្រតាមប្រពៃណីខ្មែរក្នុងឱកាសបុណ្យកាន់បិណ្ឌ នៅវត្តស្ទឹងមានជ័យ។ នៅក្នុងពិធីនោះអ្នកនាងក៏បានអំពាវនាវឱ្យយុវវ័យឱ្យចូលរួមស្លៀកសម្លៀកបំពាក់ប្រពៃណីខ្មែរគ្រប់ពេលចូលទីអារ៉ាមក្នុងឱកាសភ្ជុំ និងចូលឆ្នាំឱ្យបានគ្រប់ៗគ្នាជំនួសឱ្យសម្លៀកបំពាក់បែបសម័យដើម្បីបង្ហាញពីអត្តសញ្ញាណខ្មែរ។
អ្នកនាង រ៉ៃ សោភា ឬ Park Boom ខ្មែរបានថ្លែងបញ្ជាក់ថា ការពិតក្រុមការងាររបស់អ្នកនាងត្រូវជួបជុំគ្នាធ្វើបុណ្យបែបនេះតាំងពីកំឡុងពេលបិណ្ឌមួយ បិណ្ឌពីរមកម្លេះ តែមកពីការងារក្នុងហាងមានភាពមមាញឹកខ្លាំង ហើយក្រុមការងារក៏រវល់ ទើបតែបានធ្វើបុណ្យជុំគ្នាក្នុងថ្ងៃបិណ្ឌទី11នេះ ។ អ្នកនាងថាកន្លងមក ក្រុមការងារធ្លាប់តែជួបជុំគ្នាក្នុងសកម្មភាពដំណើរកំសាន្ត និងសកម្មភាពថធ្វើសប្បុរសធម៌តែប៉ុណ្ណោះ តែសម្រាប់ការចូលវត្តធ្វើបុណ្យរួមគ្នា ដូច្នេះហើយទើបនអ្នកនាងចាត់ទុកថាការធ្វើបុណ្យលើកនេះ គឺជាការបង្កើតនូវអនុស្សាវរីយ៍រួមគ្នាមួយ ហើយក៏ជាការបំផុសឱ្យយុវជនយល់ថាពិធីបុណ្យកាន់បិណ្ឌ គឺជាពិធីសំខាន់ក្នុងនាមជាពុទ្ធសាសនិកគ្រប់រូបផងដែរ។
