មើលទិដ្ឋភាពដ៏អស្ចារ្យនៃសិល្បកររបស់ក្រសួវវប្បធម៌ហាត់សមសម្ដែង សិល្ប:សម្រាប់ស្វាគមន៍កិច្ចប្រជុំរដ្ឋមន្ត្រីវប្បធម៌អាស៊ាន

0

លោកជំទាវបណ្ឌិតសភាចារ្យ ភឿង សកុណា បានអញ្ជើញជួបសំណេះសំណាលនិងផ្តល់អនុសាសន៍ណែនាំដល់សិល្បករសិល្បការិនី ដែលកំពុងហាត់សមសម្តែងសិល្ប:សម្រាប់ស្វាគមន៍កិច្ចប្រជុំរដ្ឋមន្ត្រីវប្បធម៌អាស៊ាន។ដែលទាំង នេះជាការពង្រឹងស្នាដៃពិសេសថែមទៀត ដែលកម្ពុជា ព្យាយាមសម្រេចអោយបាននាមុខមាត់ថ្មីមួយទៀត ដែលកើតឡើងឆាប់ៗ។

នាព្រឹកថ្ងៃពុធ ទី២៣ ខែកញ្ញា ឆ្នាំ២០២០ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ ព្រមទាំងឯកឧត្ដម លោកជំទាវ ជាថ្នាក់ដឹកនាំក្រសួង បានអញ្ជើញជួបសំណេះសំណាលនិងពិនិត្យការតម្លើងស្នាដៃសិល្ប:របាំ ដើម្បីត្រៀមសម្តែងស្វាគមន៍ក្នុងកម្មវិធីប្រជុំរដ្ឋមន្ត្រីវប្បធម៌អាស៊ាន ដែលកម្ពុជាប្រធាន គ្រោងនឹងប្រព្រឹត្តទៅនៅសប្ដាហ៍ទី៣ ខែតុលា ឆ្នាំ២០២០ ខាងមុខ។

នាឱកាសនោះដែរ លោកជំទាវបណ្ឌិតសភាចារ្យបានសម្តែងនូវការកោតសរសើរចំពោះលោកគ្រូ អ្នកគ្រូ ដែលបានខិតខំរៀបចំដំឡើងស្នាដៃនេះដោយការទទួលខុសត្រូវខ្ពស់ និងថ្លែងអំណរគុណចំពោះសិល្បករសិល្បការិនីទាំងអស់ ដែលបានខិតខំយកអស់កម្លាំងកាយចិត្តក្នុងការហាត់សម។ ជាមួយគ្នានេះ លោកជំទាវបណ្ឌិតសភាចារ្យក៏បានជូនថវិកា មួយចំនួនឧបត្ថម្ភដល់សិល្បករសិល្បការិនីផងដែរ។

LEAVE A REPLY

Please enter your comment!
Please enter your name here