លោកជំទាវ ម៉ៅ​ ម៉ាល័យ​ និង ឧត្តមស្វាមី បរិច្ចាគថវិកា៥ម៉ឺនដុល្លារ

0

ឯកឧត្តម នាយឧត្តមសេនីយ៍​ កែ​ គឹមយ៉ាន​ ឧបនាយករដ្ឋមន្ដ្រីប្រធានអាជ្ញាធរជាតិប្រយុទ្ធប្រឆាំងគ្រឿងញៀន​ និងលោកជំទាវ ម៉ៅ​ ម៉ាល័យ​ កែ​ គឹមយ៉ាន​ បានបរិច្ចាគថវិកា៥ម៉ឺនដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ-១៩ សម្រាប់ចាក់ជូនប្រជាពលរដ្ឋដោយឥតគិតថ្លៃ។

ការចូលរួមបរិច្ចាគនេះ បានធ្វើឡើងបន្ទាប់ពីសម្តេចតេជោ ហ៊ុន សែន ប្រកាសពីការត្រៀមថវិកាទិញវ៉ាក់សាំងកូវីដ-១៩ មកចាក់ជូនប្រជាពលរដ្ឋដោយឥតគិតថ្លៃ ស្របពេលដែលជំងឺកូវីដ១៩ បានឆ្លងចូលដល់សហគមន៍កម្ពុជា។ នេះមិនមែនជាការបរិច្ចាគលើកដំបូងរបស់ឯកឧត្តម និង លោកជំទាវនោះទេ ខណៈដែលលោកជំទាវឧកញា៉ ម៉ៅ ម៉ាល័យ ក៏ត្រូវបានទទួលស្គាល់ថាសប្បុរសជនដែលបានរួមជួយដល់ទុរគតជន និងកសាងសមិទ្ធិផលរាប់មិនអស់នៅលើទឹកដីខេត្តបន្ទាយមានជ័យ។

សូមបញ្ជាក់ថា សម្តេចតេជោ ហ៊ុន សែន នៅល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហានដំបូងចំនួន ១លានដូស ដើម្បីចាក់ជូនប្រជាពលរដ្ឋប្រមាណ ៥០ម៉ឺននាក់៕

LEAVE A REPLY

Please enter your comment!
Please enter your name here