ព្រះគ្រូ នី សុវណ្ណមុនីរ៉េត បង្ហាញសារអបរំ ដែល មានអត្ថន័យ កប់ជ្រៅ

0

សារបង្ហោះ រៀបរាប់ មួយចំនួន បានធ្វើអោយ អ្នកអាន បានឃើញហើយ មានភាព ក្តុកក្តួល ដែលបង្ហាញដោយ ព្រះអង្គ មុនីរ៉េត។ ពាក្យពេចន៏ ទាំងនោះ បើយកមកពិចារណា នោះអាចដាស់តឿន យុវវ័យ ងាកមកចាប់អារម្មណ៍ ចំពោះអ្នកមានគុណ មិនខាន។

លោកអ្នក ដែល ធ្លាប់តាមដាន រាល់សកម្មភាព នានា របស់ ព្រះអង្គ នី សុវណ្ណមុនីរ៉េត ប្រាកដ ជាទទួលជ្រាបថា ព្រះអង្គ គឺជា ព្រះសង្ឃ ដែលចូលចិត្តសាងផលបុណ្យ និងជួយ សង្រ្គោះ អ្នកលំបាកទាំងឡាយមិនរើសអើង។ ព្រះអង្គ មាន ទឹកចិត្តជ្រះថ្លាណាស់ ក្រោយពេល បានជួយសម្រាលផលលំបាក ដល់អ្នកទីទ័ល។ ម្ល៉ោះហើយ មនុស្សជាច្រើនគោរពស្រឡាញ់ព្រះអង្គ។

ព្រះអង្គ បានបង្ហាញ រូបភាព និង អត្ថន័យគួរ អោយចាប់អារម្មណ៍ នៅលើ បណ្តាញសង្គម ដោយបាន រំលឹកនូវ រឿងរ៉ាវមួយចំនួន កាលពីអតីតកាល ហើយនេះក៏ ជាការបង្ហាញ នូវបទពិសោធន៍មួយ អោយមនុស្សឬអ្នក ជំនាន់ក្រោយចេះតស៊ូ។ ព្រះអង្គបានសរសេរ ថា«ពេលវេលានិងអនុស្សាវរីយដែលកន្លងទៅបន្សល់ទុករូបថតមួយសន្លឹកប្រវត្តិដែលធ្វើឲ្យរូបអាត្មា មិនអាច បំភ្លេចបានគឺ កាលពីក្មេងខិតខំប្រឹងប្រែងតស៊ូ រៀនផង ឆ្លៀតពេលទំនេរ ខ្លះទៅជួយកិច្ចការអ្នកផ្ទះ ដើរយកផ្លែត្នោត ផ្កាស្ដៅ ផ្លែដូងនិងស្រាយកទៅ លក់នៅក្នុង ភូមិដង្កោ”។ព្រះតេជគុណមានសង្ឃដិកាបន្ថែមថា៖”ស្រុកស្វាយជ្រំខេត្តស្វាយរៀងលោកយាយជាអ្នកលក់ដើម្បីទ្រទ្រង់ជីវភាពគ្រួសារលំបាក លោកយាយតែងតែប្រដៅ ទូន្មាន អប់រំ ឲ្យចៅ ដើរផ្លូវល្អ ប្រឹងប្រែងរៀន ពាក្យពេចន៍លោក យាយ ម្នាក់ នេះមិនអាចគណនាបាន តែទម្រាំមានថ្ងៃនេះ ម៉ោងនេះ ពេលនេះ អ្វីៗវាហួសអស់ហើយ មកដល់សព្វថ្ងៃនេះ លោកជាអ្នកមានគុណ របស់ ចៅ តែឥឡូវនេះលោកយាយបាន លាចាកលោកនេះបាត់ទៅហើយ បន្សល់ទុកហ្នឹងស្នាម ញញឹម សេចត្ដីសង្ឃឹម មកដល់អាត្មា ទម្រាំមកដល់ពេលនេះចៅបាន ឆ្លងកាត់ ឧបសគ្គ ជាច្រើន មានព្យុះ មានភ្លៀង លោកយាយ តែងតែប្រដៅចៅថា ចៅត្រូវតែតស៊ូ”។

ការទម្លាយ ហេតុផលនេះ អាចកំណត់ អោយ ប្អូនៗយុវជន ជំនាន់ក្រោយ ត្រូវ ចូលរួម បង្ហាញទង្វើណា អោយអាណាព្យាបាល ឬឪពុកម្តាយ សប្បាយចិត្ត។ ពិសេសត្រូវខំធ្វើបុណ្យ ទាន់ខែភ្លឺ មិនមែនបាត់បង់ទើបស្តាយ ហើយខំឧទ្ទិសកុសលនោះទេ។

LEAVE A REPLY

Please enter your comment!
Please enter your name here