មហាជនជាច្រើនមានការមិនពេញចិត្តនូវអត្តចរិតរបស់ អ្នកលេង TikTok ល្បី ឈ្មោះ សុខា អំពីចរិតកោងកាចនិយាយស្ដីគ្មានសុជីវធម៌ទៅកាន់អ្នកមើលវីដេអូរបស់នាង។
លោក អ៉ឹម ជីវ៉ា ដែលត្រូវបានគេដឹងថាជាអ្នកជួយអូសទាញនាង សុខា ឱ្យបានទទួលការងារមួយចំនួននៅក្នុងក្រុងភ្នំពេញ ហើយក៏ជាអ្នកផ្ទុះជំម្លោះតវ៉ាគ្នាជាមួយនឹងលោក ផែង វណ្ណៈ ដើម្បីការពារកិត្តិយសឱ្យបុគ្គលឈ្មោះសុខាដែលត្រូវបានគេមើលងាយ ធ្លាប់តែបង្ហាញក្ដីអាណិតអាសូរ ស្រាប់តែពេលនេះលោកផ្ទុះកំហឹងចេញមុខរិះគន់និងទម្លាយចំៗមិនទុកមុខឱ្យនាងតាមបណ្ដាញសង្គមថា « សត្វក្រពើ សត្វតិរច្ឆាន សត្វអាសិរពិស ទោះបីខំលើកតម្កើង ដុសលាងវាឲ្យផុតពីជាតិជាសត្វ ឬចង់ចិញ្ចឹមវាឲ្យចូលក្នុងសង្គមដ៏ស៊ីវិល័យ ក៏វានៅតែមិនអាចកែចេញពីសារធាតុជាសត្វបានដដែល! ព្រោះចរិតសត្វក្រពើ មិនអាចមកដេកលើពូកជាមួយមនុស្សបានទេ!លោកបន្តថា ខ្ញុំមិនស្តាយលុយទេ តែខ្ញុំស្តាយពេលវេលា ស្តាយទឹកចិត្ត ដែលខំលះបង់ធ្វើគ្រប់បែបយ៉ាង តែមិនអីទេ ចាប់ថាបាបកម្មដែលពីជាតិមុនខ្ញុំជំពាក់គេ ជាតិនេះខ្ញុំសងវិញហើយ ហើយក៏ទុកថាជាបទពិសោធន៍នៃមេរៀនជីវិតខ្ញុំចុះ។ លើក្បាលមានមេឃ ក្រោមជើងជាន់ដី អំពើល្អអាក្រក់មិនអាចច្របាច់បញ្ចូលគ្នាបានទេ អំពើល្អមិនសាបសូន្យ។ »
យ៉ាងណាមិញតារាTik Tokសុខា ក៏បានធ្វើការឡាយវីដេអូបកស្រាយ និងទទួលស្គាល់ កំហុសរបស់ខ្លួនឯងផងដែរ។ ក្នុងនោះ នាងក៏បានខ្លួនឯងថាជាសត្វក្រពើនេះផងដែរ សមតែឲ្យលោកផែង វណ្ណៈ អាចារ្យធំ ថាជាបាតសង្គមមែនហើយ។ចំពោះការនិយាយថា ពេទ្យឲ្យនិយាយកុហកថា អត់ឈឺនោះ តារាTik Tokរូបនេះ បាននិយាយថា ខ្លួននិយាយកុហកទេ និយាយពន្លើសទេ តាមពិតការចាក់ច្រមុះនោះមិនឈឺនោះទេ គ្រាន់តែឈឺមុខម្ជុលបន្តិចប៉ុណ្ណោះ។ ជាមួយគ្នានេះ នាងក៏បានអង្វរឲ្យគ្លីនិក ដែលកែសម្ផស្សឲ្យនាងលើកលែងទោតាំងពីដើមរហូតដល់បញ្ចប់ការឡាយរបស់នាង។
តែមិនដឹងថា មានរឿងអីកើតឡើងទេ ព្រោះម៉ោង១០ព្រឹក ថ្ងៃទី១០ ខែមិថុនា ឆ្នាំ២០២០ ម្ចាស់ហាងកែសម្ផស្សនោះ បានឲ្យសុខាទៅកាន់ហាងរបស់ខ្លួន ធ្វើការឡាយរួមគ្នា រួចបញ្ចប់បញ្ហាជាមួយគ្នាត្រឹមនឹងដោយសន្យាឈប់ពាក់ព័ន្ធនឹងជីវិត ឬនិយាយបរិហាកេរ្តិ៍គ្នាទៅវិញទៅមកបន្តទៀត។
