អ្នកគាំទ្រវិស័យបវរកញ្ញាសុទ្ធសឹងតែជ្រាបហើយពីបវរកញ្ញាភេ..ទទី- ៣ ដ៏មានសក្កដានុពលកញ្ញា សៃ ហ្វុន ដែលនាងជាបវរកញ្ញា កម្ពុជាដំបូងដែលបានតំណាងប្រទេសចូលប្រកួត Miss Inter-national Queen នៅប្រទេសថៃ កាលពីពាក់កណ្ដាលឆ្នាំ ២០២២ កន្លងទៅ។
ក្រោយពីបំពេញបេសកម្មយ៉ាងល្អលើឆាកអន្តរជាតិ មកដល់ពេលនេះ បវរកញ្ញា សៃ ហ្វុន នៅតែរក្សាបានប្រជាប្រិយភាពខ្លាំងដដែរ ដោយមហាជនតែងចាប់អារម្មណ៍ និង សរសើរជាមួយនឹងសកម្មភាពផ្សេងៗរបស់នាងលើបណ្ដាញសង្គម ក៏ដូចជាការបង្ហាញខ្លួនក្នុងវិស័យបវរកញ្ញាកន្លងមក។
ម៉្យាងវិញទៀត សៃ ហ្វុន ក៏ត្រូវបានមហាជនជាច្រើនបង្ហាញការស្ដាយពីសមត្ថភាពរបស់នាង ដែលតែងលើកទឹកចិត្តជំរុញឱ្យនាងចូលប្រកួតក្នុងកម្មវិធីប្រកួតសម្រស់ណាមួយ និង ចង់ឃើញនាងឈរលើឆាកអន្តរជាតិជាថ្មីម្ដងទៀត។
ដោយឡែក ថ្មីៗនេះ មហាជនអ្នកគាំទ្ររបស់បវរកញ្ញារូបនេះ កាន់តែជំរុញលើកទឹកចិត្តចំពោះនាងយ៉ាងពេញទំហឹង ជាពិសេសអ្នកគាំទ្របង្ហាញការរំភើបជំនួស ក្រោយពីបានឃើញអ្នកគ្រប់គ្រងស្ថាប័ន MUC លោក ម៉ែន និមលរ័ត្ន បាននិយាយពាក្យស្វាគមន៍បើកឱកាសចំពោះបវរកញ្ញា សៃ ហ្វុន ចូលប្រកួតកម្មវីធី MUC៕
