មានការជជែកវែកញែកមិនតិចទេ បន្ទាប់ពីឃើញ លោក ជុំ សម្ផស្ស ហៅ ចេស្ដា ដែលគេស្គាល់ថាគឺជាអតីតបេក្ខភាព នៅកម្មវិធី The Voice Cambodia កាលពីរដូវកាលទី២ ស្រាប់តែលេចមុខជាអ្នកអត្ថាធិប្បាយប្រដាល់ ក្នុងកម្មវិធី គ្រុឌគុនខ្មែរ ដែលជាកម្មវិធីធំ និង មានប្រជាប្រិយភាពរបស់ ទទក តែអត្ថាប្បាយកីឡាបានយ៉ាងល្អនោះ។
ក្នុងចំណោមពិធីករ៤រូប ដែល៣រូបសុទ្ធតែជាជើងចាស់ និង មានជំនាញអត្ថាប្បាយប្រដាល់ ឬ កីឡាចាស់វស្សា លោក ចេស្ដា អាចជាកូនពៅ ក្នុងអាជីពនេះ ទើបមានការសរសើរយ៉ាងខ្លាំង នៅពេលដែលលោកស្រាប់តែលេចធ្លោរក្នុងការលើកដាក់សំលេង និង អត្ថាធិប្បាយបានយ៉ាងរដាស់ ប្រដំប្រសងនឹងពិធីករអាជីព៣រូបទៀត ដែលកំពុងឈរជើងនៅលើសង្វៀនតែមួយ។
លោកក៏ត្រូវគេស្គាល់ថា គឺជាតារាចម្រៀងប្រចាំនៅក្លិបកម្សាន្តធំមួយ និង ឧស្សាហ៍លេចមុខឡើងឆាកទូរទស្សន៍ និង កម្មវិធីជួបជុំតារាសិល្បៈផង ទើបអ្នកខ្លះលាន់មាត់ នៅពេលលោកស្រាប់តែបត់ទៅធ្វើជាអ្នកអត្ថាធិប្បាយប្រដាល់ ហើយជាកម្មវិធីរបស់ស្ថាប័នធំ និង មានប្រជាប្រិយភាពបែបនេះ៕
