មង្គលការតារាចម្រៀង លោក ឃុន វុត្ថា កាលពីថ្ងៃទី៧ ធ្នូ ឆ្នាំ២០២៣ មុននេះ គឺអាចនិយាយបានថា ធ្វើឡើងយ៉ាងអធឹកអធមតែម្ដង ដោយមានអ្នកមានមុខមាត់ធំៗនៅក្នុងសង្គម និង មានតារាល្បីៗចូលរួមយ៉ាងច្រើនកុះករ។ នៅក្នុងពិធីនោះ គេក៏វត្តមានតារាដែលបានបង្ហាញខ្លួន សុទ្ធតែបង្អួតរូបសម្រស់ ដែលធ្វើអោយភ្ញៀវកិត្តិយសដែលបានចូលរួម លួចសំឡឹងមិនដាក់ភ្នែក។ លោក ឃុន វុត្ថា និយាយថា ភរិយារបស់លោក គឺជាអ្នកលក់គ្រឿងសម្អាង ហើយបើទោះជារៀបការហើយ ក៏លោកមិនបោះបង់សិល្បៈនោះដែរ គឺនឹងនៅតែបម្រើវិស័យសិល្បៈដោយមិនដកដៃនោះឡើយ។ ម្យ៉ាងមកពីភរិយារបស់លោក គាំទ្រអោយលោកបន្តសិល្បៈនោះផង ទើបលោកមិនមានគម្រោងរយាល ឬ ដកថយ ក្រោយរៀបការឡើយ។
