មិនត្រឹមតែជោគជ័យក្នុងជំនួញជាអ្នកផលិតស្ពត ផលិត MV និង ថតវីដេអូផ្សេងៗប៉ុណ្ណោះទេ ម្ចាស់ផលិតកម្ម BN លោក យ៉ាន រតនា ក៏កំពុងកាក់កបជាមួយអាជីបលក់ជ្រូកកណ្ដុរអាំង ពពែអាំង និង អាហារដ្ឋាន យីហោស្រវឹងនៅ? ផងដែរ។ អ្វីដែលគេកត់សម្គាល់គឺលោកបង្ហោះពីការកុម្ម៉ង់ចេញស្ទើរតែគ្រប់មុខម្ហូប ដែលភ្ញៀវកុម្ម៉ង់ដឹក ដែលមានន័យថា អ្វីត្បិតតែលោក និង ភរិយាទើបតែបើករកស៊ី តែមានការគាំទ្រខ្លាំង។ យ៉ាងណាមិញ លោកថា មិនចោលសិល្បៈនោះឡើយ គឺនៅតែបន្តផលិតស្នាដៃ ជាពិសេសបទចម្រៀងអោយច្រើនដដែល បើទោះជាកំពុងមមាញឹកនឹងរបរលក់ជ្រូកកណ្ដុរអាំង ពពែអាំង និង មុខម្ហូបផ្សេងទៀត ដែលដាច់ទាំងតាមអនឡាញ និង នៅហាងដោយផ្ទាល់ ដែលស្ថិតនៅម្ដុំទួលពង្រនោះ។
![](https://i0.wp.com/postnewscambodia.com/wp-content/uploads/sites/2/2023/12/postnewscambodia.com-kh71.com-2023-12-12_02-19-24_584266-scaled.jpg?fit=2560%2C1440&ssl=1)