សាលាស្រណោះតន្ត្រីសម្តែងអារម្មណ៍រំភើប ពេលឃើញកូនប្រុសពៅ របស់សម្តេចបវរធិបតី ហ៊ុន ម៉ាណែត មកសិក្សាផ្នែក ហ្គីតា នៅសាលារបស់ខ្លួន

មានការកោតសរសើរមិនតិចឡើយ ចំពោះសមត្ថភាពរបស់កូនប្រុសពៅ របស់ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រី នៅពេលលេងហ្គីតាបានយ៉ាងពិរោះទាំងវ័យក្នេង។ ក្រោយការបង្ហោះរបស់ លោក សូ ស្រណោះ ជុំវិញការបង្ហាញសមត្ថភាពរបស់កូនប្រុសសម្ដេច ហើយត្រូវបានសម្ដេចបវរធិបតី Share ចែកចាយ បានធ្វើអោយម្នាក់ៗលាន់មាត់យ៉ាងខ្លាំង នៅពេលបានឃើញពីសមត្ថភាពដ៏ឆ្លាតវៃមួយនេះ។

នេះក៏ចាត់ទុកថា គឺជាមុខមាត់ដ៏ធំមួយរបស់ សាលាសូស្រណោះ ផងដែរ ដែលមានកិត្តិយសបានបង្ហាត់ផ្នែកតន្ត្រីដល់កូនសម្ដេច ក្នុងនាមជាសាលាតន្ត្រីក្លាស៊ិកមួយនៅកម្ពុជា។ នៅក្នុងថ្ងៃនោះ គេក៏ឃើញទាំងវត្តមាន លោកជំទាវ ពេជ្រ ច័ន្ទមុន្នី មកដល់សាលាដោយផ្ទាល់ផងដែរ ទើបអ្នកណាក៏លាន់មាត់សរសើរដល់សាលាស្រណោះដែលមានកិត្តិយសមួយនេះ។

មិនមែនជារឿងងាយទេ ដែលសាលាតន្ត្រីក្លាស៊ិកមួយនេះ មានកិត្តិយស ត្រូវបានថ្នាក់ដឹកនាំកំពូល គឺសម្ដេចនាយករដ្ឋមន្ត្រី ផ្ដល់ទំនុកចិត្ត ហើយបញ្ជូនកូនប្រុសអោយទៅទទួលការបង្វឹក ផ្នែកតន្ត្រី នៅសាលាតន្ត្រីនេះ។ មានការលើកឡើងថា សាលាស្រណោះតន្ត្រី បានបង្ហាត់បង្រៀនផ្នែកហ្គីតា ដល់កូនប្រុសសម្ដេចនាយករដ្ឋតន្ត្រី ផ្នែកហ្គីតា ប្រមាណជាង1ខែហើយ ដោយ ក្រៅពីកូនសម្ដេច ក៏មានបុត្រធីតាឥស្សរជនជាច្រើនរូបទៀត ក៏កំពុងទទួលការបង្ហាត់បង្រៀន ផ្នែកចម្រៀង និង តន្ត្រីក្លាស៊ិកនេះ នៅសាលារបស់លោកផងដែរ ដែលក្នុងនោះ ត្រូវគេដឹងថា បុត្រធីតា2រូប របស់ឯកឧត្តម ហ៊ុន ម៉ានិត ក៏កំពុងសិក្សាផ្នែកព្យាណូ នៅសាលាមួយនេះដូចគ្នា។