កាលពីយប់ថ្ងៃទី16 ខែ កក្កដា ឆ្នាំ2024មុននេះ ម្ចាស់ជ័យលាភីក្នុងកម្មវិធី 𝐌𝐀𝐍 𝐨𝐟 𝐭𝐡𝐞 𝐖𝐨𝐫𝐥𝐝 𝐂𝐚𝐦𝐛𝐨𝐝𝐢𝐚 2024 កម្លោះសង្ហារ រិត ស៊ីភុន បានឡើងយន្តហោះចាកចេញពីកម្ពុជាទៅប្រកួតសម្ថភាព និង សម្រស់ក្នុងកម្មវិធី Man of The World 2024 លើឆាកអន្តរជាតិនាទឹកដីប្រទេសហ្វីលីពីន។
មុនការចេញដំណើរទៅប្រកួតលើឆាកអន្តរជាតិលោក រិត ស៊ីភុន បានខិតខំហ្វឹកហាត់យ៉ាងយកចិត្តទុកដាក់ និងស្ទាត់ជំនាញ ដើម្បីតំណាងឲ្យកម្ពុជាចូលរួមប្រកួតលើឆាកអន្តរជាតិ Man Of The world 2024។ ការចេញទៅប្រកួតនេះ លោកនឹងនាំយក ទង់ជាតិកម្ពុជា វប្បធម៌ និង អរិយធម៌ ដ៏ស្រស់ផូរផង់របស់កម្ពុជា ទៅបង្ហាញនៅលើឆាកអន្តរជាតិផងដែរ។ លោកបន្តទៀតថាបានត្រៀមខ្លួនរួចជាស្រេច ពោរពេញដោយភាពជឿជាក់ក្លាហាន ក្នុងនាមបុរសឯកដែលតំណាងកម្ពុជាចូលរួមប្រកួតលើឆាកអន្តរជាតិឆ្នាំនេះ៕
ការចេញទៅប្រកួតលើឆាកអន្តរជាតិរបស់បុរសឯក រិត ស៊ីភុន មុននេះ គឺមានការចូលរួមជូនដំណើរពីសំណាក់មិត្តភក្តិមួយចំនួនផងដែរ ដែលទាំងនេះគឺជាកម្លាំងចិត្តមួយសម្រាប់លោកមុនចេញទៅ។ រង់ចាំមើលថាតើបេក្ខភាពតំណាងកម្ពុជាយើងមានភាពលេចធ្លោកម្រិតណានៅក្នុងកម្មវិធី Man Of The World លើកដំបូងសម្រាប់កម្ពុជា ទស្សនិកជនអាចរង់ចាំតាមដានទស្សនានៅលើផេកផ្លូវការបានចាប់ពីពេលនេះតទៅ។
