យោងតាមការប្រកាស តួស្រីថៃ នាង ចាន់វ៉ាត ដែលមហាជនស្គាល់នៅក្នុងរឿង “បុព្វេសន្និវាស” នឹងមកប្រទេសកម្ពុជានៅថ្ងៃទី ០១ កញ្ញានេះ ដើម្បីចូលរួមសម្តែងក្នុងការបើកសម្ពោធជាផ្លូវការរបស់ BREW COFFE & LOUNGE ជាមួយនឹងតារាល្បីៗរបស់កម្ពុជាផ្សេងទៀត។
កញ្ញា LADII PRANG តារាសម្តែង និង ជាអ្នកចម្រៀងដ៏ល្បីប្រចាំនៅប្រទេសថៃ ដែលភាគច្រើនគេស្គាល់រូបនាងពីរឿងភាគថៃ “បុព្វេសន្និវាស” បានប្រកាសហើយថា នាងនឹងមកបង្ហាញខ្លួន នៅកម្ពុជា នៅក្នុងថ្ងៃសម្ពោធនោះ។ កញ្ញា LADIIPRANG នឹងមកច្រៀងនៅប្រទេសកម្ពុជាដើម្បីសម្ពោធ BREW COFFEE & LOUNGE ជាផ្លូវការនៅថ្ងៃទី 0១ កញ្ញា ចាប់ពីម៉ោង ៦ ល្ងាចតទៅ។ ក្រៅពីវត្តមានរបស់នាង ក៏មានវត្ថមានរបស់តារាខ្មែរជាច្រើនរូបទៀតដូចជា លោក kai កញ្ញា kon An កញ្ញា សំណាង អាលីណា លោក Rainnie Dara និង លោក David ផងដែរ។
ក្រៅពីការសម្តែងនេះ កញ្ញា LADIIPRANG និង BREW COFFEE ក៏បានចូលរួមសហការគ្នា បង្កើតជាកម្មវិធីដ៏ពិសេសមួយទៀតសម្រាប់អ្នកគាំទ្ររបស់នាងនៅកម្ពុជា ដោយបង្កើតជា Exclusive Meet & Greet Session សម្រាប់មនុស្សតែ ១០០ នាក់ប៉ុណ្ណោះ។ ដើម្បីចូលរួម Meet & Greet Session នេះអ្នកគាំទ្រគ្រាន់ទិញ mystery box ដែលមានតម្លៃត្រឹមតែ ១០ ដុល្លារអ្នកនឹងទទួលបានវត្ថុអនុស្សាវរីយ៍ជាច្រើន និង សំបុត្រចូលរួម Meet & Greet ជួបជាមួយ LADIIPRANG ដោយផ្ទាល់។
សម្រាប់ពត៌មានបន្ថែមក្នុងការទិញ Mystery Box អ្នកទាំងអស់គ្នាអាចទាក់ទងផ្ទាល់បានតាម ហ្វេសប៊ុករបស់ BREW COFFEE & LOUNGE។
