ក្នុងកម្មវិធី Cambodian idol រដូវកាលទី 5 បេក្ខជន សន ម៉េងលាង កាន់តែធ្វើអោយអ្នកគាំទ្រពុះកញ្ជ្រោលមិនអន់នោះឡើយ ដោយសារតែទឹកដមសំលេងខ្ពស់ ផ្អែម ច្រៀងមិនភ្លាវសំលេង ហើយមានសមត្ថភាពស័ក្តសមជាសំលេងម្ចាស់ពាន ព្រោះតែអាចច្រៀងបានគ្រប់ទម្រង់ តាមការតម្រូវរបស់កម្មវិធី។ ឆ្លងផុតវគ្គ Sermi Final បេក្ខជនរូបនេះ កាន់តែត្រូវបានគេវិភាគថានឹងអាចឈ្នះតំណែងដែលអ្នកប្រកួតភាគច្រើនចង់បាន បើទោះជាគូប្រជែងនៅវគ្គផ្ដាច់ព្រ័ត្រក៏មិនធម្មតា។
យោងតាមការបង្ហាញសមត្ថភាពពីមួយវគ្គទៅមួយវគ្គ កាន់តែធ្វើអោយការប្រកួត Cambodian Idol រដូវកាលទី៥ ក្លាយជាវេទិកាក្តៅទៅៗ ស្របពេលដែលការប្រលងក៏កាន់តែតានតឹងសម្រាប់បេក្ខជនគ្រប់រូប។ យ៉ាងណាមិញ បេក្ខជន សន ម៉េងលាង នៅតែលេចធ្លោរក្នុងការតាមដាន ជាពិសេសបន្ទាប់ពីលោកបានបង្ហាញសមត្ថភាពក្នុងវគ្គពាក់កណ្តាលផ្តាច់ព្រាត់ ហើយបានជាប់ទៅវគ្គដណ្ដើមពាន។ លោកបានបញ្ចេញសមត្ថភាពដ៏អស្ចារ្យ ហើយបានធ្វើឲគណៈកម្មការទាំង៤ មានការភ្ញាក់ផ្អើល និងកោតសរសើរមិនដាច់ពីមាត់នោះឡើយ នៅពេលលោកអាចបកស្រាយបទច្រៀងបានល្អ ហើយត្រូវចិត្តមហាជន ដែលបទចម្រៀងរបស់លោកកាន់តែស្ដាប់កាន់តែជក់ចិត្ត ហើយត្រូវបានគេយកទៅបង្ហោះយ៉ាងផុលផុសនៅលើបណ្ដាញសង្គម។
អ្វីដែលកំពូលគណកម្មការទាំង៤លាន់មាត់ គឺ សន ម៉េងលាង មានសមត្ថភាពអាចច្រៀងចម្រៀងបានគ្រប់ទម្រង់មិនដែលភ្លាត់ ហើយពូកែលេងស្ទីលសមជាអ្នកអាជីពស៊ីនឹងប្រភេទបទ។ មានអ្នកគាំទ្រច្រើនណាស់ រំពឹងថាលោកនឹងមានលទ្ធផលល្អនាថ្ងៃអាទិត្យ ទី១០ ខាងមុខនេះ ខណៈដែលការប្រកួត 1show ចុងក្រោយរបស់លោក គឺជាការប្រកួតវគ្គផ្ដាច់ព្រ័ត្រ ដែលនឹងមានម្នាក់ក្លាយជាម្ចាស់ពាន។ អ្នកតាមដានការប្រលងនេះច្រើនណាស់ លើកឡើងថា បើផ្អែកលើសមត្ថភាពសំលេង គឺ មានតែសន ម៉េងលាងប៉ុណ្ណោះ ដែលសមជាម្ចាស់ពាន ក្នុងចំណោមបេក្ខជនដែលបានទៅកាន់វគ្គផ្ដាច់ព្រ័ត្រ ប៉ុន្តែលោកក៏ត្រូវចាំអ៊ុតលទ្ធផលបោះឆ្នោតផងដែរ ទើបអ្នកស្នេហាវិស័យចម្រៀង ជម្រុញអោយចូលរួមបោះឆ្នោត Vote អោយបេក្ខជនរូបនេះអោយច្រើន ដោយកុំសរសើរតែមាត់ ហើយភ្លេច Vote អោយ ដើម្បីលើកពាននោះ។
si=fGKc1x9C4qSTq7XN
