កាលពីព្រឹកថ្ងៃទី៥ វិច្ឆិកា ឆ្នាំ២០២៤ ម្ចាស់ហាងលក់គ្រឿងអលង្កាធំមួយនៅកណ្ដាលភ្នំពេញ ដែលមានទីតាំងស្ថិរនៅលើផ្លូវព្រះនរោត្តម ជិតមន្ទីរពេទ្យព្រះអង្គឌួង បានប្រកាសតែងតាំង 1St Runner Up Miss Global Cambodia កញ្ញា ផន សុភ័ក្ត្រ ជា BA ដោយម្ចាស់ហាងពេជ្រ ក៏បាន Live បើកបង្ហាញ និង អោយអ្នកទាយត្រូវឈ្នះរង្វាន់មាស និង គ្រឿងអលង្កា ជាច្រើនរង្វាន់។ ការប្រកាសអោយដឹងពីវត្តមាន BA នេះ បានធ្វើអោយម្នាក់ៗ មានការភ្ញាក់ផ្អើល និង សរសើរពីការឈានឡើងរបស់ កញ្ញា ផន សុភ័ក្ត្រ យ៉ាងខ្លាំង ដែលអាចឆាបឆក់បេះដូង របស់ម្ចាស់ហាង អោយជ្រើសយកនាងជា BA។ ក្រោយការប្រកាសអោយដឹងតាមរយៈការ Live ក្នុងផេករបស់ហាងនេះ ក្រុមហ៊ុនក៏នឹងមានពិធីប្រកាសតែងតាំង ជាលក្ខិណៈធ្វើសន្និសីទសារព័ត៌មានផងដែរ។
កញ្ញា ផន សុភ័ក្ត្រ បានបង្ហាញនូវអារម្មណ័រំភើបចិត្តយ៉ាងខ្លាំង ដែលត្រូវជ្រើសជា BA ប្រចាំហាង។ កញ្ញាថា ហេតុផលដែលនាំអោយមានការជ្រើសរើសនេះ គឺដោយសារតែមូលហេតុចំបងតែងម្យ៉ាងគត់ ដោយសារតែកញ្ញាគឺជាអតិថិជនគ្រឿងអលង្កាហាងរបស់ពេជ្រពិសី ហើយក្រោយពីម្ចាស់ហាងយល់ថាកញ្ញាក៏ជាប់ជាលំដាប់រងទី១ នៃការប្រកួត Miss Global Cambodia ផង ទើបម្ចាស់ហាងទាក់ទងអោយធ្វើជា BA តែម្ដង។ កញ្ញាថាមកទល់ម៉ោងនេះ គឺមិនមានកំណត់រយៈពេលនោះទេ តែនឹងមានរយៈពេលមិនកំណត់ សម្រាប់ការងារមួយនេះ។
គួរបញ្ជាក់ផងដែរថា ចាប់តាំងពីគ្រងតំណែងជាលំដាប់រងទី១ Miss Global Cambodia 2024 កញ្ញា ផន សុភ័ក្ត្រ កាន់តែស្ទុះឡើងកូដ ដោយទទួលបានឱកាសថតផ្សព្វផ្សាយជាច្រើនក្រុមហ៊ុន ខណៈដែលឱកាសក្លាយជា BA ហាងពេជ្រនៅក្នុងពេលនេះ ក៏កាន់តែបង្ហាញពីការស្ទុះឡើងទ្វេរដង ក្នុងការពង្រីកកេរ្តិ៍ឈ្មោះ។
