កាលពីថ្ងៃទី ២០ ខែ មករា ឆ្នាំ ២០២៥ មុននេះ ផលិតកម្ម LD Entertainment បានប្រារព្ធធ្វើពិធីសម្ភោធភាពយន្តរឿង « លោកតា២១ » ដែលជាសាច់រឿងបែបកំប្លុកកំប្លែងសើចចុកពោះតាំងពីដើមរហូតដល់ចប់ និង ជារសជាតិថ្មីមួយដែលអ្នកគាំទ្រស្នាដៃរបស់ផលិតកម្ម LD មិនធ្លាប់បានទស្សនាពីមុនមក។
ក្រៅពីសាច់រឿងល្អមើលសើចចុកពោះបែបអភីនីហា ហើយក៏មានអត្ថន័យខ្លឹមសារអប់រំដល់យុវវ័យ ពិសេសគឺកូនៗដែលកំពុងពេញវ័យសិក្សាឬប្រកបការងារហើយនោះ ផ្ទៃរឿងទាំងមូលលក៏ប្រជុំទៅដោយតួអង្គសម្ដែងជើងចាស់ល្បីៗ រួមមាន លោក ទេព រិន្ទដារ៉ូ និង លោកយាយ យ៉យ ដែលសុទ្ធសឹងតែជាអ្នកសម្បូរវោហាស័ព្ទ ព្រមទាំងតារាស្រីវ័យក្មេងកញ្ញា Destiny បេក្ខភាពប្រកួតក្នុងកម្មវិធី Miss Lakamo Cambodia, លោក ពាក់មី, លោក ចក់, លោក លាង ឧត្តម, អ្នកស្រី ពៅ សុផាត, អ្នកនាង សឿន ផានផាភួង, លោក កឺកឺ និង តារាសម្ដែងវ័យក្មេងដែលកំពុងមានប្រជាប្រិយភាពជាច្រើនរូប។
ចង់ដឹងថាតើការផ្លាស់ប្ដូវ័យពីក្មេងវ័យ២១ឆ្នាំទៅមនុស្សចាស់ត្រឹមតែ1ពព្រិចភ្នែករបស់តួអង្គប្រុសស្រីទាំង២រូបមានដំណើរដើមទងបែបណា កុំភ្លេចត្រៀមទៅសើចជុំគ្នានៅថ្ងៃទី ២៣ ខែ មករា នេះតទៅនៅគ្រប់រោងភាពយន្ត ជាមួយនឹងរឿង « លោកតា២១ »។
