ខណៈដែលសប្បុរសជនច្រើនឡើង បានបង្ហាញទឹកចិត្តបរិច្ចាគក្នុងការរួមចំណែក ចូលរួមជាមួយរដ្ឋាភិបាល ដើម្បីត្រៀមទិញវ៉ាក់សាំងការពារជម្ងឺកូវីត១៩ នាពេលខាងមុខនោះ។ លោក ចេង វណ្ណា ដែលជាម្ចាស់ហាងវីហ្វ្រេនដ៏ល្បី នៅភ្នំពេញ និង ជាម្ចាស់ផលិតកម្ម ក្រុងពិជ័យ ដែលទើបផលិតរឿង”សំណើត៦៥២គីឡូម៉ែត្រ” ក៏ត្រូវគេឃើញបរិច្ចាគចំនួន៤០០០ដុល្លារ ជួយក្នុងគម្រោងនេះផងដែរ។
លោក ចេង វណ្ណា ម្ចាស់ ភោជនីយដ្ឋាន វីហ្វ្រេន ទាំងបួនសាខា ដែលក្នុងនោះ រួមមាន វីហ្វ្រេន បឹងត្របែក វីហ្វ្រេនផ្សារដេប៉ូ វីហ្វ្រេន កោះពេជ្រ និង វីហ្វ្រេន ឬស្សីកែវ បានបង្ហោះអោយដឹងថា លោកក៏បានចូលរួមបរិច្ចាកថវិកាផ្ទាល់ខ្លួនផងដែរ ដោយបានបរិច្ចាគ ចំនួន ៤ពាន់ដុល្លារ អាមេរិក ជូនសម្តេចតេជោ ហ៊ុន សែន ដើម្បីទិញវ៉ាក់សាំងកូវីដ-១៩ ផងដែរ។
សូមបញ្ជាក់ថា សម្តេចតេជោ ហ៊ុន សែន នៅល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហានដំបូងចំនួន ១លានដូស ដើម្បីចាក់ប្រជាពលរដ្ឋប្រមាណ ៥០ម៉ឺននាក់ ក្នុងពេលខាងមុខ។
