ដោយឧត្តម៖ រ៉េត សារីតា ដែលប្រជាជន កម្ពុជាជាច្រើនផ្តល់ក្តីសង្ឃឹមខ្ពស់ ជុំវិញដំណើរហោះទៅ ប្រកួត បវរកញ្ញាចក្កាឡពិភពលោក នៅលើទឹកដីអាមេរិក។ នាងជាកញ្ចក់ឆ្លុះបញ្ចាំងមួយទៀត ស្តីពីភាពក្លាហានជឿជាក់តស៊ូ របស់ស្ត្រីកម្ពុជា។ ម្ល៉ោះហើយពលរដ្ឋ កម្ពុជាជាច្រើនជឿមុតមាំថា រ៉េត សារីតា ពិតជាអាចធ្វើបានល្អអោយកក្រើកឆាក ខណៈអ្នកណាៗក៏គិតថាស្រីស្អាតរូបនេះមិនធ្វើអោយមានការអស់សង្ឃឹម។
កញ្ញា រ៉េត សារីតា និយាយភាសាខ្មែរ អង់គ្លេស និងបារាំង។ កញ្ញាជាវាគ្មិនលើកទឹកចិត្ត ជាអ្នកផលិតកម្មវិធីទូរទស្សន៍ និងជាតារាសម្តែង។កញ្ញាសុបិន្តចង់ក្លាយជាស្ត្រីកម្ពុជាដំបូងគេដែលឈានចូលវគ្គពាក់កណ្តាលផ្តាច់ព្រាត់ ដូច្នេះនាងអាចឱ្យពិភពលោក បានលឺនូវអ្វីដែលកញ្ញានិយាយ។
នៅពេលដែល កញ្ញា លេងឈុត ហែលទឹក ប៊ីគីនី ម្តងហើយម្តងទៀតឃើញថា នាងនៅតែទទួលបានចំណាប់អារម្មណ៍ខ្ពស់ពីមហាជន។ រាងចេញមកស្រឡូនតូចច្រឡឹងគួរអោយ គយគន់។ ចំនែកការលេងទឹកមុខវិញឃើញថា រិតតែសាកសមតែម្តង។គ្រាប់ពេជ្រមួយនេះកម្ពុជា កំពុងសង្ឃឹមណាស់ថាលេចធ្លោ។
