មិនថាតែកម្ពុជានោះទេ ដែលផ្ចិតផ្ចង់ជ្រើសរើសនូវ ឈុតតំណាងជាតិ សូម្បីបណ្តាប្រទេសជាច្រើនទៀត ក៏ឃើញថា មានការយកចិត្តទុកដាក់ដូចគ្នា ដើម្បីលើកតម្លៃ ជាតិរៀងៗខ្លួន។ យ៉ាងណា ឈុតតំណាងជាតិ របស់ប្រទេសម៉ាឡេសុីវិញឃើញថា ពិតជាប្លែកយ៉ាងខ្លាំង បើពិនិត្យលើការច្នៃតុបតែងពិតជា អំណត់អត់ធន់។
ការប្រកួតកម្មវិធីប្រឡង បវរកញ្ញាចក្រវាឡពិភពលោកលើកទី៦៩ បាននឹងខិតជិតមកដល់បណ្តើរៗហើយ។ ក្នុងនោះបវរកញ្ញា ដែលជារាជនីសម្រស់មកពីគ្រប់ប្រទេស ប្រមាណជាង៧០ប្រទេស ក៏បានមកដល់ ទីតាំងបន្តបន្ទាប់នៅលើទឹកដី អាមេរិកដ៍ជឿនលឿន។ ចំពោះឈុតតំណាងជាតិសាសន៍ នីមួយៗវិញឃើញថា មានការគិតគូច្បាស់លាស់រៀងខ្លួន។ យ៉ាងណាមិនដឹងថា តំណាងឈុតជាតិនៃប្រទេសណាទេ ដែលល្អដាច់គេ នារដូលកាលថ្មីនេះ។
គួររម្លឹកថា ចំពោះ រ៉េត សារីតាដែលប្រជាជន កម្ពុជាជាច្រើនផ្តល់ក្តីសង្ឃឹមខ្ពស់ ជុំវិញដំណើរហោះទៅ ប្រកួត បវរកញ្ញាចក្កាឡពិភពលោក នៅលើទឹកដីអាមេរិក។ នាងជាកញ្ចក់ឆ្លុះបញ្ចាំងមួយទៀត ស្តីពីភាពក្លាហានជឿជាក់តស៊ូ របស់ស្ត្រីកម្ពុជា។ ម្ល៉ោះហើយពលរដ្ឋ កម្ពុជាជាច្រើនជឿមុតមាំថា រ៉េត សារីតា ពិតជាអាចធ្វើបានល្អអោយកក្រើកឆាក ខណៈអ្នកណាៗក៏គិតថាស្រីស្អាតរូបនេះមិនធ្វើអោយមានការអស់សង្ឃឹម។
