ទើបតែហើបៗផ្នែកជីវភាព តារាសម្ដែង យាយប៉េងប៉ោះ និង ស្វាមីមានដំណឹងឪពុកស្លាប់ចោល

យោងតាមការបង្ហោះរបស់ លោក ចំរើន ជាស្វាមីរបស់អ្នកស្រី ប៉េងប៉ោះអង្ករក្រអូប បានបង្ហោះថា ឪពុករបស់អ្នកស្រី ដែលជាឪពុកក្មេករបស់លោក បានទទួលនមរណភាពនាព្រឹកឈានចូលថ្ងៃច័ន្ទមុននេះ។ នេះក៏ចាត់ទុកថាគឺជាដំណឹងអាក្រក់របស់អ្នកស្រី និង ស្វាមីផងដែរ បន្ទាប់ពីគេដឹងថាអ្នកស្រីទើបតែឡុងចុងមុខជំនួញលក់អង្ករ និង ទើបហើបៗផ្នែកជីវភាពបានមួយខ្យល់។ លោក ចំរើន ដែលជាអ្នកសារព័ត៌មានផង និង ជាអ្នកសម្ដែងដូចគ្នាភរិយាបានសរសេរបង្ហោះថា”ម៉ោង1:25នាទីឈានចូលថ្ងៃចន្ទ ទី31 05 2021ពុកទៅចោលកូនទាំងអស់គ្នាជារាងរហូតហេីយសូមដួងវិញ្ញាណក្ខន្ធពុកទៅកាន់សុខគតិភព😥😥😥😥”។ ជាមួយនឹងទុក្ខសោកនេះ អ្នកទាំងពីរក៏ចំណាយមួយចំនួនផងដែរ ក្នុងការព្យាបាលឪពុក មុនពេលទទួលមរណភាព៕