អ្នកទាំង២នេះ ចាប់តាំងពី ទទួលបានការចាប់ អារម្មណ៍មកឃើញថា កាន់តែបង្កើនល្បឿន បង្ហាញស្នាមញញឹមដាក់គ្នា យ៉ាងផុសផុលជាទីបំផុត។ អ្នកទាំង២ បានចាត់ចែងយ៉ាងល្អលើភាពល្បីល្បាញ ខណៈចម្រៀង ហាក់នៅគាំងតែលេចធ្លោរឿងស្នេហាទៅវិញ។ លេចឭថា គីមមួយ និង រតនៈ នឹងមានបទចម្រៀងល្អៗវាយលុក ទីផ្សារជាថ្មីនៅឆ្នាំក្រោយ ដោយរំពឹងថា ទទួលជោគជ័យ ដូចស្នេហាដែលកសាងឡើង។
ដោយសារតែចំណងស្នេហាប៉ាច គីមមួយ និងប្រុសក្មេងសយ រតនៈ ល្បីជាងអាជីពចម្រៀងរបស់ពួកគេទើបថ្មីៗ នេះថ្នាក់ដឹកនាំផលិតកម្មហង្សមាសបានផលិតបទចម្រៀងដែលមានចំណងជើងថា”មិត្តឬស្នេហា?”ហើយឲ្យគូសង្សារ១គូនេះ ច្រៀងឆ្លងឆ្លើយគ្នាតែម្ដងដើម្បីឲ្យត្រូវសាច់រឿងពិតនៅក្រៅឆាក។ទោះជាយ៉ាងណាអ្នកដែលចូលទៅខមិនស្ទើតែទាំងស្រុង បានលើកឡើងថានៅមិត្តអីទៀតគឺស្នេហាហ្នឹងហើយព្រោះតិចទៀតគីមមួយ-រតនៈ រៀបការជាមួយគ្នាហើយតើ…។
ច្រើនខែមកហើយ ដែល ប៉ាច គីមមួយ និង សយ រតនៈ បានផ្តាច់ចេញនូវភាព ទំនាក់ទំនងគ្នា ក្រោយបង្កាត់បានភាពស្និតស្នាលគ្នា រហូតគេឯង នាំគ្នានិយាយថា ពួកគេជាគូសង្សារ និងគ្នាទៀតផង។ យ៉ាងណាមិញពេលនេះ អ្នកទាំង២ បានងាកមកបង្កើត ឈុតឆាកជាថ្មីទៀតហើយ ដោយបំផុសឈុត សម្លៀកបំពាក់ប្រពៃណីខ្មែរបង្ហាញ ស្នាមញញឹមដាក់គ្នាទៅវិញ ទៅមកដូចជានឹកគ្នា។
ចំណងស្នេហាអ្នកមេម៉ាយរូបស្អាតប៉ាច គីមមួយ និងប្រុសក្មេងសយ រតនៈ បានវិលមករកភាពប្រកតីឡើងវិញហើយ បន្ទាប់ពីជួបភាពរកាំរកូសធ្វើឲ្យល្អកកកអស់មួយរយៈខ្លីដោយសារតែគីមមួយ ប្រចណ្ឌនិងហួងហែងសង្សារខ្លាំងពេក។កាលពីពេលថ្មីៗនេះគីមមួយ-រតនៈ បានដឹកដៃគ្នាទៅថតរូបរបៀបPre-Wedding ដើម្បីរឹតចំណងស្នេហាឲ្យកាន់តែរឹងមាំហើយអ្នកទាំង២ពិតជាសាកសមគ្នាខ្លាំងណាស់ព្រោះស្រីស្រស់ប៉ៈប្រុសរូបសង្ហារ។ទោះជាយ៉ាងណាការកំណត់ពេលវេលានៃមង្គលការគឺនៅតែគីមមួយ លាក់ជិតឈឹងដដែលខណៈដែលពេលនេះនាងបានផ្ដល់ទំនុកចិត្តដល់សង្សារក្មេងនិងគ្មានការបារម្ភភ័យខ្លាចរឿងប្រុសស្អាតក្បត់ចិត្តលួចមានស្រីនៅក្រោយខ្នងឡើយ។
ប៉ាច គីមមួយ ជាអ្នកមេម៉ាយរូបស្រស់សោភា នៅហង្សមាសក្នុងចំណោមពេជ្រ សោភា និងសុខ ស្រីនាង ។ក្រោយចែកផ្លូវជាមួយអតីតគូស្នេហ៍ដែលជាតារាចម្រៀងដូចគ្នាជាច្រើនឆ្នាំនាងគីមមួយ បានផាត់ចោលសំណើរស្នេហ៍ពីសំណាក់មន្រ្ដីធំៗជាបន្ដបន្ទាប់ហើយទើបតែនៅឆ្នាំ២០២០នាងសម្រេចប្រគល់បេះដូងទៅឲ្យប្រុសរូបសង្ហារដែលជាតារាចម្រៀងរួមទ្រនុំព្យាបាលរបួសបេះដូងហើយតាមព័តមានថាពួកគេបានទិញផ្ទះ១ល្វែងបង់រំលស់រួមគ្នានៅក្បែរស្ពានដែកចំការដូង ខណ្ឌមានជ័យ ក្រុងភ្នំពេញ ទៀតផង។
