នៅលើសង្គមហ្វេសប៊ុកជាពិសេសពីសំណាក់អ្នកសិល្បៈ បានបង្ហាញនូវអារម្មណ៍ក្ដុកក្ដួលយ៉ាងខ្លាំង បន្ទាប់ពីម្ដាយរបស់តារាចម្រៀងទាំង៤រូបនេះបានទទួលមរណភាព។ តារាចម្រៀងទាំង៤ដែលសុទ្ធតែតារាចម្រៀងមានឈ្មោះបោះសំលេងនោះរួមមាន អ្នកនាង អោក សុម៉ារីម៉ា អ្នកនាង អោក សុម៉ាលីតា និង អោក សុម៉ាលីតា ខណៈដែលប្អូនស្រីរបស់អ្នកទាំង៣មួយរូបទៀត គឺ អោក សុម៉ាដាលីស ក៏ជាអ្នកចម្រៀងដែរ គ្រាន់តែមិនសូវមានមហាជនស្គាល់ច្រើនដូចបងបង។
គួរបញ្ជាក់ផងដែរថា អ្នកម្ដាយរបស់តារាចម្រៀងត្រកូលអោកទាំងបួន មានឈ្មោះ ទីវ សោភណ្ឌ បានទទួលមរណភាព តាំងពីវេលាម៉ោង០២:៤៥នាទីរំលងអធ្រាត្រ ឈានចូលថ្ងៃសុក្រ ទី២៤ ខែកក្កដា ឆ្នាំ២០២០នេះ ដោយរោគាពាធ ក្នុងជន្មាយុ៥៩ឆ្នាំ ។
បច្ចុប្បន្នសពរបស់គាត់ត្រូវបានក្រុមគ្រួសារត្រកូលអោក ដឹកមកចាត់ចែងតម្កល់ធ្វើបុណ្យតាមប្រពៃណី នៅវត្តវាលស្បូវ ផ្លូវជាតិលេខ១ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ។
អាស្រ័យហេតុនេះ សូមបងប្អូនញាតិមិត្តជិតឆ្ងាយ លោក-លោក លោកស្រី និងមិត្តៗសិល្បករទាំងអស់ ដែលស្រលាញ់និងរាប់អានតារាចម្រៀងក្រកូលឱកទាំងបួន ចូលរួមពិធីបុណ្យ ទាំងអស់គ្នាផង ដើម្បីជាការចូលរួមរំលែកទុក្ខ គោរពវិញ្ញាណក្ខន្ធរបស់គាត់ និងជូនដំណើរគាត់ជាលើកចុងក្រោយផង៕
