តារាសម្ដែងស្រីកញ្ញា ពេជ្រ ចរណៃត្រូវបានគេស្គាល់ថាសព្វថ្ងៃនាងគឺជាគ្រូហ្វឹកហាត់ផ្នែកល្បុក្កតោមួយរូប ពេលនេះកំពុងជួបទុក្ខជាទម្ងន់ខណៈម្ដាយរបស់នាងពេលនេះកំពុងតែមានជម្ងឺនិងកំពុងសម្រាកព្យាបាលនៅក្នុងមន្ទីរពេទ្យមួយនៅក្នុងខណ្ឌសែនសុខ។
យោងតាមសំណេររបស់កញ្ញាបានបង្ហាញពីទុក្ខលំបាកនិង ការស្ដីបន្ទោសចំពោះខ្លួនឯងយ៉ាងខ្លាំងស្របពេលដែលម្ដាយរបស់នាងឈឺតែនាងបែជាគ្មានលុយ និងគ្មានសម្ថភាព គ្រប់គ្រាន់អាចនាំម្ដាយទៅព្យាបាលនៅក្នុងមន្ទីរធំៗបាន។ តែជាបុណ្យកុសល្យនាងក៏បានជួបនឹងគ្រូពេទ្យចិត្តធម៌ដែលអាចឱ្យនាងនាំម្ដាយទៅសម្រាកព្យាបាលនិងជំពាក់ថ្លៃព្យាបាលបានខ្លះទើបធ្វើឱ្យការព្រួយបារម្ភរបស់នាងបានថយមួយកម្រិត។
