ភ្ជាប់ពាក្យធំដុំ កាលពីពេលមុននេះ ធ្វើអោយ ប៉ាច គីមមួយ មានមុខមាត់មិនតិចទេនៅលើ សង្គមសិល្បៈ ព្រោះស្នេហ៍សមតាមចិត្តប្រាថ្នា។ យ៉ាងណាមិញ គេនៅចាំអ៊ុតមើលថា ខែណាដែល នាងដឹកដៃគូដណ្តឹងសយ រតនៈឆ្ពោះចូលរោងការ។
ស្រីស្អាត ប៉ាច គីមមួយ បានក្លាយទៅជាគូដណ្ដឹងលោកសយ រតនៈ ស្របច្បាប់ទៅហើយក្រោយពីពួកគេបានភ្ជាប់ពាក្យជាមួយគ្នាកាលពីថ្ងៃទី១ខែកក្កដាឆ្នាំ២០២២ ដោយមានឪពុកម្ដាយទាំងសងខាងគាំទ្រ។ការដែលគីមមួយ ស្ម័គ្រចិត្តប្រគល់បេះដូងនាងទៅឲ្យលោករតនៈ ឃុំគ្រងនោះមានន័យថាប្រុសៗទាំងឡាយដែលធ្លាប់លង់សម្រស់នាងជាយូមកហើយនោះអស់សិទ្ធិញ៉ែស្រីស្រស់រូបនេះទៀតហើយព្រោះថាចាប់ពីពេលនេះតទៅស្រីស្អាតទៅណាមកណាក៍មានអង្គរក្សបេះដូងតាមការពារគ្រប់ពេលវេលាដែរ។
យ៉ាងណា គីមមួយ មិនទាន់ដាក់ទិសចូលរោងការពេលនេះលឿនពេកនោះទេ។នាងត្រូវការពេលវេលា ដើម្បីរកលុយនិងចិញ្ចឹមខ្លួនដើម្បីទុកដាក់មុន ក្លាយជាប្តីប្រពន្ធហើយនិងចង់ អោយមានទ្រព្យសល់ខ្លះដើម្បី រៀបការហើយងាយរកជំនួញថ្មីក្នុងដៃ។
