អ្នកនាង ឌុច លីដា មានកូនប្រុសជាមួយបុរសជាស្វាមីលាក់មុខជាយូរខែមកហើយ ប៉ុន្តែយ៉ាងណាមិញនាងនៅតែចាត់ទុកថា នាងរួចផុតពីការរិះគន់ ដោយសារតែ ហ្វេនៗ ឥឡូវនេះ យល់អំពីជីវិតឯកជន របស់អ្នកសិល្បៈហើយមិនជេរប្រទិចបំបាក់ទឹកចិត្តដូចសម័យមុន។ ក្នុងជំនួបអ្នកសារពត៌មានអ្នកនាង ឌុច លីដា អះអាងថាខ្លួនមានសំណាងដែលបានស្វាមី ស្រឡាញ់ហើយពេញចិត្តអោយនាងវិលមកប្រឡូកសិល្បៈ តាមនិស្ស័យដែលមាន ហើយនាងនឹងបន្តកសាងស្នាដៃលើសិល្បៈបន្តទៀត។ ឌុច លីដា គ្រាន់តែបង្ហើបថា ស្វាមីនាងជាអ្នករស់នៅក្នុងស្រុក ជាអ្នកជំនួញ និង ជាមន្ត្រីរាជការមួយរូប។
គម្រោងផែន ការខាងមុខពិតជារៀបការ តែមិនមែនពេលនេះឡើយ ខណៈដែល នាងក៏ត្រៀមរៀបចំឯកសារមួយចំនួន ដូចជាធ្វើអេតាសុីវិល ជាមួយគ្នា ក្នុងពេលទន្ទឹមគ្នានោះដែរ។ អ្នកនាង បញ្ជាក់ថា អនាគតគឺជារឿងមើលមិនឃើញ តែសម្រាប់បច្ចុប្បន្ន នាងមិនខ្វល់បង្ហាញមុខស្វាមីអោយអ្នកណាបានស្គាល់នោះឡើយ បើទោះជាអ្នកណា យល់ឃើញបែបណាក៏ដោយ។
គួរបញ្ជាក់ថា ឌុច លីដា បានប្រឡូកកើតចេញពីការប្រឡង ដើរម៉ូដ កាលពីច្រើនឆ្នាំមុន។ សម្រស់ត្រេមុខទម្រង់ខ្មែរ កាច់មករងស្ទីលតួកុន ទើបនាងត្រូវគេយកមកបណ្តុះអោយក្លាយ ជាតារាសម្តែងបន្តិចម្តងៗ។ នៅទីបំផុត នាងមានទេពកោសល្យល្អ លើផ្នែកសម្តែង ដោយហក់មកក្លាយជាតារាត្រូវប៉ាន់ខាងភាពយន្ត ដ៏ពូកែម្នាក់ ដែលផលិតករមើលឃើញ។
![](https://i0.wp.com/postnewscambodia.com/wp-content/uploads/2020/08/935BBC21-389C-4AA2-81AA-3837D0AE244F.jpeg?resize=696%2C870)
![](https://i0.wp.com/postnewscambodia.com/wp-content/uploads/2020/08/CDF3C363-B538-4F7B-93F0-534C35EA1AEC.jpeg?resize=696%2C870)
![](https://i0.wp.com/postnewscambodia.com/wp-content/uploads/2020/08/F01736E3-5EDA-45FB-B194-C61E75138095.jpeg?resize=696%2C871)
![](https://i0.wp.com/postnewscambodia.com/wp-content/uploads/2020/08/496CAA49-3463-49B6-A010-1F6B322FB95E.jpeg?resize=696%2C870)
![](https://i0.wp.com/postnewscambodia.com/wp-content/uploads/2020/08/928E61E6-EE0B-4244-8D2E-60099A3727E2.jpeg?resize=696%2C870)