នាព្រឹកថ្ងៃទី២៤ កញ្ញា ឆ្នាំ២០២៤នេះ នាយករងមួយរូប នៅវិទ្យាល័យហ៊ុនសែន បូរី១០០ខ្នង គឺលោក មុី សុមុនី ត្រូវបានប្រកាសថា គឺជាម្ចាស់ជ័យលាភីលេខ១ នៅក្នុងការប្រកួតតែងកំណាព្យថ្នាក់ជាតិ ដើម្បីអបអរ ទិវាគ្រូបង្រៀន ដែលប្រារព្ធធ្វើឡើងនាថ្ងៃទី៥ តុលាខាងមុខ។ លោក ភោគ ផលបុណ នាយកវិទ្យាល័យ ចាត់ទុកថា ជ័យលាភីដែលលោក ម៉ី សុមុនី ទទួលបាន គឺជាមុខមាត់ធំមួយរបស់វិទ្យាល័យហ៊ុនសែនបូរី១០០ខ្នងទាំងមូល ដែលបង្ហាញកាន់តែច្បាស់ថា ថ្នាក់ដឹកនាំរបស់វិទ្យាល័យទាំងមូល នៅតែជាខ្ញីចាស់កាន់តែហិរ នៅតែជាធនធានដែលមានសមត្ថភាព ក្រៅពីសមត្ថភាពគ្រប់គ្រងដ៏ល្អ ដែលអាចដណ្ដើមមុខមាត់ជូនមួយដ៏ល្អជូនដល់ស្ថាប័ន និង បុគ្គលិកក្រោមឱវាទទាំងអស់។
