កាលពីល្ងាចថ្ងៃទី ១១ ខែមិថុនា ឆ្នាំ ២០២០នេះ ស្ថាបនិកគ្រួសារតារាកម្ពុជាគឺលោក ផាត់ តារ៉ារដ្ឋ បានដឹកនាំសប្បុរសជន នាំយកថវិការដែលប្រមូលបានពីការរ៉ៃអង្គាសក្នុងក្រុមទាំងក្នុងនិងក្រៅស្រុកព្រមទាំង អំណោយមួយចំនួនទៅប្រគល់ជូនលោក វណ្ណាឌី ផ្ទាល់ដល់បន្ទប់ជួលដ៏តូចចង្អៀតមួយដែល មានទីតាំងនៅជិតវត្តដំបូកខ្ពស់ ក្នុងខណ្ឌឬស្សីកែវ។
ក្នុងនោះផងដែរក៏មានការចូលរួមពីសំណាក់តារាសិល្បៈដែលជាសមាជិករបស់គ្រួសារតារាកម្ពុជា និងវត្តមានរបស់លោកជំទាវ រីយ៉ាត្រាណេ រួមទាំងតារាកំប្លែងយាយ ប៉េងប៉ោះ ចុះមកធ្វើកិច្ចប្រគល់អំណោយ និងសួរសុខទុក្ខផ្ទាល់ផងដែរ ។ លោក ផាត់ តារ៉ារដ្ឋ ស្ថាបនិកគ្រួសារតារាកម្ពុជាបានថ្លែងបញ្ជាក់ថា ថវិការដែលទទួលបាននេះគឺបានមកពីការប្រមូលរ៉ៃអង្គាសលើកទីមួយបន្ទាប់ពីបានដឹងដំណឹងថាលោក វណ្ណាឌី ធ្លាក់ខ្លួនដល់ថ្នាក់តេសុំជុំនួយពីសិល្បៈករសិល្បៈការិនី រហូតឈានដល់ការប្រកាសលក់ឈាមដើម្បីយកលុយដោះស្រាយជីវភាពដែលកំពុងតែដុនដាប។ លោកមិនខុសពីមនុស្សចាស់ឯកោ និង ទុរគតនោះទេ ទើបលោកធ្លាក់ខ្លួននៅក្នុងស្ថានការណ៍ដែលកូវីតកើតឡើង ហើយការសម្ដែងក៏ស្ទើរមិនមាន។ ស្របពេលដែលការសម្ដែងម្ដងៗក៏បានតែ១៥ ទៅ៣០ដុល្លារផង ទើបពិបាកអោយលោកទប់ទល់ស្ថានភាពជីវភាពបាន។ស្របពេលដែលលោកមិនអាចប្រកបការងាររកចំណូលអ្វីបានក្នុងកំឡុងពេលមានជម្ងឺរកូវីដ១៩នេះ បូករួមទាំងលោកមានជម្ងឺប្រចាំកាយផងនោះធ្វើឱ្យលោកកាន់តែមានការរាំងស្ទះក្នុងការស្វែងរកការងារធ្វើដើម្បីបានប្រាក់ចិញ្ចឹមជីវិត។
![](https://i0.wp.com/postnewscambodia.com/wp-content/uploads/2020/06/E67D26DB-917E-4DAF-BB2D-E779AF7BC05C.jpeg?resize=696%2C464)
គួរបញ្ជាក់ផងដែរថាអំណោយដែលលោកនាំយកមកប្រគល់ជូនថ្ងៃរួមមាន ទឹកប្រាក់ចំនួន ២៣០ ដុល្លាអាមេរិក អង្ករចំនួន ៣បេ ត្រីខកំប៉ុង ទឹកស៊ីអ៉ីវ មី ត្រីងៀត និងសាច់ក្រក សម្រាប់ជួយដោះស្រាយជីវភាព ឱ្យលោកមានលទ្ធភាពបង់ថ្លៃឈ្នួលផ្ទះ និងផ្គត់ផ្គង់ការហូបចុករបស់លោកមួយគ្រានេះផងដែរ។
![](https://i0.wp.com/postnewscambodia.com/wp-content/uploads/2020/06/F6A3E3BD-FB39-44D4-8786-8B2D1AC50DA1.jpeg?resize=696%2C464)
ទន្ទឹមនឹងនេះលោកក៏បានថ្លែងអំណរគុណដល់សប្បុរសជនទាំងក្នុងនិងក្រៅសិល្បៈ ដែលបានជួយឧបត្ថមចំពេលវេលាដែលលោក វណ្ណាឌី កំពុងស្រេកឃ្លាន និងត្រូវការបំផុត។ លោកក៏បានអំពាវនាវដល់ក្រុមផលិតករឱ្យមេត្តាផ្ដល់ឱកាសដល់តារាដ៏កំសត់មួយរូបនេះបានចូលសម្ដែងសិល្បៈឡើងវិញ ដើម្បីបានចំណូលទ្រទ្រង់ក្នុងជីវភាព ដោយលោកពុំចង់ឱ្យមានការពឹងផ្អែកតែលើជំនួយមួយមុខនោះឡើយ។
![](https://i0.wp.com/postnewscambodia.com/wp-content/uploads/2020/06/6E4BBAA8-3AE3-46E8-A397-2A28DC7CAE83.jpeg?resize=696%2C464)
![](https://i0.wp.com/postnewscambodia.com/wp-content/uploads/2020/06/3EEF4515-BB54-44C9-B817-84A5534C5524.jpeg?resize=696%2C464)
![](https://i0.wp.com/postnewscambodia.com/wp-content/uploads/2020/06/985B0F31-80F5-440C-BDBC-94D2AF3C7C61.jpeg?resize=696%2C464)
![](https://i0.wp.com/postnewscambodia.com/wp-content/uploads/2020/06/063A9DC4-64CE-44E1-B5C8-F592E3CBC3F2.jpeg?resize=696%2C464)
![](https://i0.wp.com/postnewscambodia.com/wp-content/uploads/2020/06/CD1A67B0-0650-42FB-842C-429AD2DD48FC.jpeg?resize=696%2C464)